അ​നു​ക​രി​ക്ക​രു​തേ ആ ​ശ​ബ്ദം

മാ​ജി​ക്ക​ൽ വോ​യ്സി​ന്റെ ഉ​ട​മ​യാ​ണ് ദാ​സേ​ട്ട​ൻ. ദാ​സേ​ട്ട​ന്റെ ശ​ബ്ദം​വെ​ച്ച് ന​മു​ക്ക് വേ​റെ ആ​രെ​യും താ​ര​ത​മ്യം​ചെ​യ്യാ​ൻ ക​ഴി​യി​ല്ല. പ​ണ്ടും ഇ​പ്പോ​ഴു​മൊ​ക്കെ പ​ല​രും അ​ദ്ദേ​ഹ​ത്തെ അ​നു​ക​രി​ക്കാ​ൻ ശ്ര​മി​ക്കു​ന്ന​ത് ഞാ​ൻ ക​ണ്ടി​ട്ടു​ണ്ട്. ഇ​പ്പോ​ൾ പാ​ടി​ക്കൊ​ണ്ടി​രി​ക്കു​ന്ന കു​ട്ടി​ക​ളു​ടെ​യ​ടു​ത്ത് ഞാ​ൻ പ​റ​യാ​റു​ണ്ട്, ആ​രും അ​ദ്ദേ​ഹ​ത്തെ അ​നു​ക​രി​ക്കാ​ൻ നി​ൽ​ക്ക​രു​ത് എ​ന്ന്.

കു​റ​ച്ചൊ​ക്കെ പാ​ടി​നോ​ക്കാം, പ​ക്ഷേ അ​തി​ന് ക​ഴി​യി​ല്ല. അ​താ​ണ് ദാ​സേ​ട്ട​ന്റെ ശ​ബ്ദം. പ​ണ്ട് സി​നി​മ​യി​ലേ​ക്ക് എ​ത്തു​ന്ന​തി​നു മു​മ്പ് ഞാ​ൻ ത​രം​ഗി​ണി സ്റ്റു​ഡി​യോ​യി​ൽ ഒ​രു​പാ​ട് ട്രാ​ക്ക് പാ​ടി​യി​രു​ന്നു. ദാ​സേ​ട്ട​നു വേ​ണ്ടി​യും കു​റെ പാ​ടി​യി​ട്ടു​ണ്ട്. എ​ന്റെ പ്ര​ധാ​ന ജോ​ലി​ത​ന്നെ ട്രാ​ക്ക് പാ​ട​ലാ​യി​രു​ന്നു അ​ന്ന്. അ​തു​വ​ഴി​ത​ന്നെ​യാ​ണ് എ​ക്സ്പീ​രി​യ​ൻ​സ് കി​ട്ടി​യ​തും.

ഞാ​ൻ സി​നി​മ​യി​ലെ​ത്തി കു​റെ പാ​ട്ടു​ക​ളൊ​ക്കെ പാ​ടി​ക്ക​ഴി​ഞ്ഞ​പ്പോ​ഴാ​ണ് ആ​ളു​ക​ൾ എം.​ജി. ശ്രീ​കു​മാ​റും യേ​ശു​ദാ​സും ത​മ്മി​ൽ പ്ര​ശ്ന​ങ്ങ​ൾ ന​ട​ക്കു​ന്നു​ണ്ട് എ​ന്നൊ​ക്കെ പ​റ​ഞ്ഞ് രം​ഗ​ത്തു​വ​ന്ന​ത്. അ​വ​രോ​ടൊ​ക്കെ ഒ​ന്നേ പ​റ​യാ​നു​ള്ളൂ. എ​ന്തെ​ങ്കി​ലും ഊ​ഹാ​പോ​ഹ​ങ്ങ​ളൊ​ക്കെ ചേ​ർ​ത്ത് വാ​ർ​ത്ത​യു​ണ്ടാ​ക്കി​യാ​ൽ അ​തി​നേ നേ​രം​കാ​ണൂ. ഓ​രോ ആ​ർ​ട്ടി​സ്റ്റി​നും പ​ല സ​മ​യ​ത്തും പ​ല രീ​തി​യി​ലാ​യി​രി​ക്കും മൂ​ഡ്.

ദാ​സേ​ട്ട​നും അ​ങ്ങ​നെ​ത്ത​ന്നെ​യാ​ണ്. ചി​ല സ​മ​യ​ത്ത് ഒ​രു​പാ​ട് സം​സാ​രി​ക്കും. അ​ത് മോ​ഹ​ൻ​ലാ​ലാ​യാ​ലും അ​ങ്ങ​നെ​ത്ത​ന്നെ. ചി​ല​പ്പോ​ൾ കാ​ണു​മ്പോ​ൾ കു​റെ സം​സാ​രി​ക്കും, ചി​ല​പ്പോ​ൾ കു​റ​ച്ച് ദേ​ഷ്യ​ത്തി​ലാ​വും. ഇ​തെ​ല്ലാം സ്വാ​ഭാ​വി​ക​മാ​ണ്, സി​നി​മ​യാ​ണ്. ദാ​സേ​ട്ട​നൊ​ക്കെ ജീ​വി​തം​ത​ന്നെ സം​ഗീ​ത​ത്തി​നാ​യി മാ​റ്റി​വെ​ച്ച​യാ​ളാ​ണ്. അ​ത്ര ഡെ​ഡി​ക്കേ​ഷ​നാ​ണ് അ​​ദ്ദേ​ഹ​ത്തി​ന് സം​ഗീ​ത​ത്തോ​ട്.

ഞാ​നും ദാ​സേ​ട്ട​നും ന​ല്ല സൗ​ഹൃ​ദ​ത്തി​ൽ​ത​ന്നെ​യാ​ണ് എ​പ്പോ​ഴും. ഈ​യി​ടെ അ​മേ​രി​ക്ക​യി​ൽ പോ​യ​പ്പോ​ൾ ദാ​സേ​ട്ട​നെ പോ​യി ക​ണ്ടി​രു​ന്നു. മൂ​ന്നു നാ​ല് മ​ണി​ക്കൂ​ർ ഒ​രു​മി​ച്ചി​രു​ന്ന് സം​സാ​രി​ച്ചു. ഞാ​ൻ വീ​ണ്ടും ക​ച്ചേ​രി തു​ട​ങ്ങാ​ൻ പോ​കു​ന്ന കാ​ര്യം പ​റ​ഞ്ഞ​പ്പോ​ൾ ദാ​സേ​ട്ട​ന് വ​ലി​യ സ​ന്തോ​ഷ​മാ​യി​രു​ന്നു. ക​ച്ചേ​രി പാ​ടു​ന്ന​തി​ന്റെ കു​റെ കാ​ര്യ​ങ്ങ​ൾ അ​ന്ന് പ​റ​ഞ്ഞു​ത​രു​ക​യും ചെ​യ്തു. ഒ​രു പു​തി​യ ​സി​നി​മ ചെ​യ്യാ​നു​ള്ള പ്ലാ​നി​ലാ​ണ് ഞാ​ൻ. ആ ​സി​നി​മ​യി​ൽ ദാ​സേ​ട്ട​നെ​ക്കൊ​ണ്ട് പാ​ടി​ക്കാ​നും ആ​ഗ്ര​ഹ​മു​ണ്ട്. ദാ​സേ​ട്ട​നെ ക​ണ്ട​പ്പോ​ൾ അ​ത് പ​റ​യു​ക​യും ചെ​യ്തി​രു​ന്നു.

എ​ന്റെ ആ​ദ്യ​ത്തെ ക​ച്ചേ​രി മ​ള്ളി​യൂ​ർ ഗ​ണ​പ​തി ക്ഷേ​ത്ര​ത്തി​ലാ​യി​രു​ന്നു. പി​ന്നെ ഗു​രു​വാ​യൂ​രും. ക​ച്ചേ​രി​ക്ക് പോ​കു​ന്ന​തി​നു​മു​മ്പ് ദാ​സേ​ട്ട​നെ വി​ളി​ച്ചി​രു​ന്നു. അ​ദ്ദേ​ഹം ഓ​ൾ ദ ​ബെ​സ്റ്റ് പ​റ​ഞ്ഞു. അ​ത്ര​ക്ക് ന​ല്ല സൗ​ഹൃ​ദ​മാ​ണ് ഞ​ങ്ങ​ൾ ത​മ്മി​ൽ.

ആ​രാ​ധ​നാ പാ​ത്ര​ങ്ങ​ൾ

സം​ഗീ​ത​ലോ​ക​ത്തെ യേ​ശു​ദാ​സി​ന്റെ പ്രി​യ​പ്പെ​ട്ട ആ​രാ​ധ​നാ പാ​ത്ര​ങ്ങ​ൾ ഇ​ന്നും മു​ഹ​മ്മ​ദ് റ​ഫി​യും ല​ത മ​ങ്കേ​ഷ്ക​റു​മാ​ണ്. സം​ഗീ​ത ജീ​വി​ത​ത്തി​ന്‍റെ തു​ട​ക്കി​ത്തി​ൽ ദാ​സേ​ട്ട​ൻ മു​ഹ​മ്മ​ദ് റ​ഫി​യു​ടെ ഗാ​ന​ങ്ങ​ളാ​യി​രു​ന്നു പ​തി​വാ​യി പാ​ടി​യി​രു​ന്ന​ത്. ല​ത മ​ങ്കേ​ഷ്ക​റു​ടെ സ്വ​ര​നി​യ​ന്ത്ര​ണ​ങ്ങ​ളും ഭാ​വാ​വി​ഷ്കാ​ര​വു​മാ​യി​രു​ന്നു അ​ദ്ദേ​ഹ​ത്തെ സ്വാ​ധീ​നി​ച്ച​ത്.

ആ​ദ്യ​മാ​യൊ​രു പാ​ട്ട് കേ​ട്ട​പ്പോ​ൾ

ആ​ദ്യ​മാ​യി ഗ്രാ​മ​ഫോ​ണി​ലൂ​ടെ ഒ​രു​പാ​ട്ട് കേ​ൾ​ക്കു​ന്ന​ത് അ​മ്മ​യു​ടെ ജ്യേ​ഷ്ഠ​ത്തി​യു​ടെ മ​ക​ൾ സ്റ്റെ​ല്ല​യു​ടെ വീ​ട്ടി​ൽ​നി​ന്നാ​ണെ​ന്ന് യേ​ശു​ദാ​സ് ഒ​രു അ​ഭി​മു​ഖ​ത്തി​ൽ ഓ​ർ​ക്കു​ന്നു​ണ്ട്. അ​ക്കാ​ല​ത്ത് മു​ഹ​മ്മ​ദ് റ​ഫി​യു​ടെ​യും പ​ങ്ക​ജ് മ​ല്ലി​ക്കി​ന്‍റെ​യു​മൊ​ക്കെ​കൂ​ടെ ഗാ​ന​മേ​ള​ക​ളി​ൽ പാ​ടു​ന്ന ആ​ളാ​യി​രു​ന്നു ക​സി​ൻ സി​സ്റ്റ​റാ​യ കൊ​ച്ചി​ൻ സ്റ്റെ​ല്ല.