സ്​കൂളുകളിൽ കുട്ടികളെ താലപ്പൊലിയുമായി നിർത്തരുത്​ -മന്ത്രി ശിവൻകുട്ടി

തിരുവനന്തപുരം: സ്‌കൂളുകളില്‍ കുട്ടികളെ താലപ്പൊലിക്കും മറ്റും ഉപയോഗിക്കരുതെന്ന് വിദ്യാഭ്യാസ മന്ത്രി വി. ശിവന്‍കുട്ടി. കെ.എസ്.ടി.എ ജില്ല സമ്മേളനം ഉദ്ഘാടനം ചെയ്യു​കയായിരുന്നു മന്ത്രി.

ക്ലാസ് സമയത്ത് കുട്ടികളെ മറ്റ്​ പരിപാടികളില്‍ പങ്കെടുപ്പിക്കരുതെന്ന്​ നിര്‍ദേശം നല്‍കിയിട്ടുണ്ടെന്നും അദ്ദേഹം അറിയിച്ചു. പല സ്ഥലങ്ങളിലും ചടങ്ങിന്​ ചെല്ലുമ്പോള്‍ കുട്ടികളെ താലപ്പൊലിയുമായി നിര്‍ത്താറുണ്ട്. ഇനിമുതല്‍ അങ്ങനെയൊരു പരിപാടിയും സ്‌കൂളുകളില്‍ സംഘടിപ്പിക്കാന്‍ പാടില്ല എന്ന കാര്യം വ്യക്തമാക്കുകയാണെന്നും മന്ത്രി പറഞ്ഞു.