ലക്ഷദ്വീപി​െൻറ സമാധാനാന്തരീക്ഷം നശിപ്പിക്കരുത് -കെ.എന്‍.എം

കാഞ്ഞിരമറ്റം (എറണാകുളം): ലക്ഷദ്വീപി​െൻറ സാംസ്‌കാരിക പൈതൃകത്തിന് തുരങ്കം വെക്കുന്ന അഡ്മിനിസ്‌ട്രേറ്ററുടെ ഏകപക്ഷീയ പരിഷ്‌കാരങ്ങള്‍ പുനപരിശോധിക്കണമെന്ന് കെ.എന്‍.എം ആമ്പല്ലൂര്‍ പഞ്ചായത്ത് കമ്മിറ്റി ആവശ്യപ്പെട്ടു.

നിലവിലെ അഡ്മിനിസ്‌ട്രേറ്ററെ മാറ്റി ജനാധിപത്യബോധമുള്ള ഐ.എ.എസ് ഉദ്യോഗസ്ഥനെ നിയമിക്കണമെന്നും കെ.എന്‍.എം. ആവശ്യപ്പെട്ടു. ടൂറിസത്തി​െൻറ മറവില്‍ മദ്യശാലകള്‍ തുറന്നതും, പാരമ്പര്യത്തൊഴിലാളികള്‍ക്ക് വിലക്ക് ഏര്‍പ്പെടുത്തിയതും ഗുണ്ടാ ആക്ട് കൊണ്ടുവന്നതുമൊക്കെ ലക്ഷദ്വീപ് നിവാസികള്‍ക്ക് അശാന്തി പകര്‍ന്നതായി യോഗം വിലയിരുത്തി.

സംസ്ഥാന വൈസ് പ്രസിഡൻറ്​ എം.എം.ബഷീര്‍ മദനി യോഗം ഉദ്ഘാടനം ചെയ്തു. പ്രസിഡൻറ്​ സി.എ. ഇബ്രാഹിം അധ്യക്ഷത വഹിച്ചു. പി.പി. ഹസന്‍, അന്‍വര്‍, സി.എ. ജവാദ് അഹ്‌സന്‍ സംസാരിച്ചു.