ര​ക്ഷ​പ്പെ​ടു​ത്ത​ലി​ന്റെ ഓ​ർ​മ​ക​ൾ​ക്ക് നാ​ലു​പ​തി​റ്റാ​ണ്ടി​ന്റെ ആ​ഴം; ജീ​വ​ൻ ര​ക്ഷി​ച്ച​വ​രെ കാ​ണാ​ൻ ആ​ന്ധ്ര​യി​ൽ​നി​ന്ന് ഡോ​ക്ട​റും കു​ടും​ബ​വു​മെ​ത്തി

മാ​ത്തൂ​ർ: നാ​ലു​പ​തി​റ്റാ​ണ്ട് മു​മ്പ് വാ​ഹ​നാ​പ​ക​ട​ത്തി​ൽ മ​ര​ണ​ക്ക​യ​ത്തി​ൽ​നി​ന്ന് ര​ക്ഷി​ച്ച നാ​ട്ടു​കാ​രെ ക​ണ്ട് ന​ന്ദി പ​റ​യാ​ൻ ആ​ന്ധ്ര​യി​ൽ​നി​ന്നും ഡോ​ക്ട​ർ കു​ടും​ബം മാ​ത്തൂ​രി​ലെ ചു​ങ്ക​മ​ന്ദ​ത്തെ​ത്തി. ഡോ​ക്ട​ർ​മാ​രാ​യ ആ​ന്ധ്രാ​പ്ര​ദേ​ശ് സ്വ​ദേ​ശി​ക​ളാ​യ ഡി.​ആ​ർ.​കെ പ്ര​സാ​ദും ഭാ​ര്യ പ​ത്മാ​വ​തി​യു​മാ​ണ് വാ​ഹ​നാ​പ​ക​ട​ത്തി​ൽ മ​ര​ണ​ത്തെ മു​ഖാ​മു​ഖം ക​ണ്ട നി​മി​ഷ​ത്തി​ൽ ര​ക്ഷ​യു​ടെ ക​ര​ങ്ങ​ളു​മാ​യെ​ത്തി​യ നാ​ട്ടു​കാ​രെ കാ​ണാ​നെ​ത്തി​യ​ത്.

1982ൽ ജോ​ലി അ​ന്വേ​ഷി​ച്ച് പ്ര​സാ​ദ് പാ​ല​ക്കാ​ട്ടെ​ത്തി. പാ​ല​ക്കാ​ട് കൃ​ഷ്ണ ആ​ശു​പ​ത്രി​യി​ൽ ആ​ർ.​എം.​ഒ ആ​യി ജോ​ലി ചെ​യ്തി​രു​ന്ന സു​ഹൃ​ത്ത് ഡോ​ക്ട​ർ റാ​വു എ​ന്ന് നാ​ട്ടു​കാ​ർ വി​ളി​ക്കു​ന്ന ഡോ. ​സൂ​ര്യ​പ്ര​കാ​ശി​നെ ക​ണ്ട് എ​വി​ടെ​യെ​ങ്കി​ലും ജോ​ലി ത​ര​പ്പെ​ടു​ത്താ​ൻ ഉ​ദ്ദേ​ശി​ച്ചാ​യി​രു​ന്നു എ​ത്തി​യ​ത്. 10 ദി​വ​സം സു​ഹൃ​ത്തി​നൊ​പ്പം പാ​ല​ക്കാ​ട് താ​മ​സി​ച്ചു. മാ​ത്തൂ​രി​ലെ ചു​ങ്ക​മ​ന്ദ​ത്തി​ന​ടു​ത്ത് ജോ​ലി​യു​ണ്ടെ​ന്ന​റി​ഞ്ഞ് ഡോ. ​സൂ​ര്യ​പ്ര​കാ​ശി​നൊ​പ്പം കൃ​ഷ്ണ ആ​ശു​പ​ത്രി മാ​നേ​ജ​ർ രാ​മ​കൃ​ഷ്ണ​ന്റെ സ്കൂ​ട്ട​റി​ൽ പ്ര​സാ​ദ് ചു​ങ്ക​മ​ന്ദ​ത്തേ​ക്ക് പു​റ​പ്പെ​ട്ടു.

മാ​ത്തൂ​ർ പ​ല്ല​ഞ്ചാ​ത്ത​നൂ​ർ തെ​രു​വ​ത്ത് പ​ള്ളി​ക്കു​സ​മീ​പം സ്കൂ​ട്ട​ർ നി​യ​ന്ത്ര​ണം​വി​ട്ട് മ​ല​മ്പു​ഴ ക​നാ​ൽ പാ​ല​ത്തി​ന്റെ ഭി​ത്തി​യി​ലി​ടി​ച്ച് സ്കൂ​ട്ട​ർ അ​ട​ക്കം ര​ണ്ടു​പേ​രും ക​നാ​ലി​ലേ​ക്ക് വീ​ണു. നാ​ട്ടു​കാ​ർ പ​രി​സ​ര​ത്തെ വീ​ട്ടി​ലെ കാ​റെ​ടു​ത്ത് ര​ണ്ടു​പേ​രേ​യും പാ​ല​ക്കാ​ട്ട് ആ​ശു​പ​ത്രി​യി​ലെ​ത്തി​ച്ചു. കാ​റി​ന്റെ വാ​ട​ക പോ​ലും വാ​ങ്ങാ​തെ നാ​ട്ടു​കാ​ർ തി​രി​ച്ചു​വ​ന്നു. ഒ​പ്പം ക​നാ​ലി​ൽ​വീ​ണ സ്കൂ​ട്ട​ർ ഭ​ദ്ര​മാ​യി സൂ​ക്ഷി​ച്ചു. പ​രി​ക്ക് ഭേ​ദ​മാ​യി വ​ന്ന​പ്പോ​ൾ തി​രി​ച്ചു​ന​ൽ​കി.

ഇ​ത്ര​യും സ്നേ​ഹ​വാ​യ്പോ​ടെ പ​രി​ച​രി​ച്ച് ജീ​വ​ൻ ര​ക്ഷി​ച്ച നാ​ട്ടു​കാ​രെ മാ​ത്തൂ​രി​ൽ ചെ​ന്ന് ക​ണ്ട് ന​ന്ദി പ​റ​യ​ണ​മെ​ന്ന ആ​ഗ്ര​ഹം മ​ന​സ്സി​ൽ കൊ​ണ്ടു​ന​ട​ക്ക​വെ ഡോ. ​സൂ​ര്യ​പ്ര​കാ​ശ് ആ​ന്ധ്ര​യി​ലു​ണ്ടാ​യ വാ​ഹ​നാ​പ​ക​ട​ത്തി​ൽ നാ​ലു​മാ​സം​മു​മ്പ് മ​രി​ച്ചു. ഇ​നി​യും താ​മ​സി​ച്ചാ​ൽ ന​ന്ദി പ​റ​യാ​ൻ അ​വ​സ​രം കി​ട്ടി​യി​ല്ലെ​ങ്കി​ലോ എ​ന്നോ​ർ​ത്താ​ണ് ഡോ. ​പ്ര​സാ​ദും ഭാ​ര്യ ഡോ. ​പ​ത്മാ​വ​തി​യും ക​ഴി​ഞ്ഞ​ദി​വ​സം മാ​ത്തൂ​രി​ലെ​ത്തി​യ​ത്.

മാ​ത്തൂ​ർ പ​ഞ്ചാ​യ​ത്ത് പ്ര​സി​ഡ​ന്റ് പ്ര​വി​ത മു​ര​ളീ​ധ​ര​ൻ, വൈ​സ് പ്ര​സി​ഡ​ന്റ് കെ.​ആ​ർ. പ്ര​സാ​ദ്, ഭ​ര​ണ സ​മി​തി​യം​ഗ​ങ്ങ​ൾ, പ​ഞ്ചാ​യ​ത്തി​ലെ ഉ​ദ്യാ​ഗ​സ്ഥ​ർ, 41 വ​ർ​ഷം മു​മ്പ് ന​ട​ന്ന അ​പ​ക​ട​ത്തി​ൽ ര​ക്ഷ​ക​രാ​യെ​ത്തി​യ നാ​ട്ടു​കാ​ർ എ​ന്നി​വ​ർ ചേ​ർ​ന്ന് സ്വീ​ക​രി​ച്ചു. തി​രി​ച്ചു പോ​കു​മ്പോ​ൾ മാ​ത്തൂ​രി​നോ​ടും ഇ​വി​ടു​ത്തെ ജ​ന​ങ്ങ​ളോ​ടു​ള്ള ക​ട​പ്പാ​ട് മ​റ​ക്കാ​നാ​വി​ല്ലെ​ന്ന് പ​റ​ഞ്ഞ് പ​ഞ്ചാ​യ​ത്തി​ന്റെ വി​ക​സ​ന ഫ​ണ്ടി​ലേ​ക്ക് 50,000 രൂ​പ പ്ര​സി​ഡ​ന്റി​നെ ഏ​ൽ​പ്പി​ച്ചാ​ണ് പോ​യ​ത്.