ഡോളർ, സ്വർണക്കടത്ത്​: ജുഡീഷ്യൽ അന്വേഷണം വേണമെന്ന് പി.സി. ജോർജ്

കോട്ടയം: ഡോളർ, സ്വർണക്കടത്ത്​ കേസുകളിലെ ഒന്നാംപ്രതി മുഖ്യമന്ത്രി പിണറായി വിജയനാണെന്നും ഈ സംഭവങ്ങളെക്കുറിച്ച്​ ജുഡീഷ്യൽ അന്വേഷണം നടത്തണമെന്നും കേരള ജനപക്ഷം പാർട്ടി ചെയർമാൻ പി.സി. ജോർജ്.

കേസുകളിലെ യഥാർഥ പ്രതിയെ ഇരുട്ടിൽ നിർത്തി സഹായികളെയെല്ലാം പ്രതികളാക്കിയുള്ള കസ്റ്റംസ് പ്രിവന്‍റിവ് കമീഷണർ രാജേന്ദ്രകുമാറിന്‍റെ ഉത്തരവ് പക്ഷപാതപരമാണ്.

2017 ജനുവരിയിലെ മുഖ്യമന്ത്രിയുടെ യു.എ.ഇ സന്ദർശനത്തോടെയാണ്​ ഈ കള്ളക്കടത്തിന്‍റെ തുടക്കമെന്നും സത്യം ജനങ്ങളെ ബോധ്യപ്പെടുത്താൻ ജുഡീഷ്യൽ അന്വേഷണത്തിന്​ മാത്രമേ സാധിക്കൂവെന്നും ജോർജ്​ ​ വാർത്തസമ്മേളനത്തിൽ പറഞ്ഞു.