‘ഹിപ്നോട്ടിക് ഡ്രഗി’ൽ മയങ്ങരുത്

കൊ​ച്ചി: സി​ന്ത​റ്റി​ക് മ​യ​ക്കു​മ​രു​ന്നു​ക​ൾ പി​ടി​മു​റു​ക്കു​മ്പോ​ൾ ‘ഹി​പ്നോ​ട്ടി​ക് ഡ്ര​ഗ്’ എ​ന്ന് കു​പ്ര​സി​ദ്ധി നേ​ടി​യ നൈട്രാസെ​പാം ഗു​ളി​ക​ക​ൾ ല​ഹ​രി​ക്കാ​യി ഉ​പ​യോ​ഗി​ക്കു​ന്ന​ത് വ്യാ​പ​കം.

ഓ​രോ മാ​സ​വും ജി​ല്ല​യി​ലെ വി​വി​ധ​യി​ട​ങ്ങ​ളി​ൽ​നി​ന്നാ​യി എ​ക്സൈ​സ്, പൊ​ലീ​സ് സം​ഘ​ങ്ങ​ൾ ഇ​തു​മാ​യി കു​റ്റ​വാ​ളി​ക​ളെ പി​ടി​കൂ​ടു​ന്നു​ണ്ട്. അ​തി​ഗു​രു​ത​ര പ്ര​ത്യാ​ഘാ​ത​ങ്ങ​ളു​ണ്ടാ​ക്കു​ന്ന​താ​ണ് ഈ ​ല​ഹ​രി ഗു​ളി​ക​ക​ൾ. കു​റ​ഞ്ഞ ചെ​ല​വി​ൽ കൂ​ടു​ത​ൽ ല​ഹ​രി എ​ന്ന നി​ല​യി​ലാ​ണ് യു​വാ​ക്ക​ൾ ഇ​തി​ലേ​ക്ക് ആ​കൃ​ഷ്ട​രാ​കു​ന്ന​ത്. നൈട്രാസെ​പാം ഗു​ളി​ക​ക​ളു​ടെ വി​ത​ര​ണ​ക്കാ​രാ​യ ‘പ​ട​യ​പ്പ ബ്ര​ദേ​ഴ്സ്’ ക​ഴി​ഞ്ഞ വ​ർ​ഷം കൊ​ച്ചി​യി​ൽ അ​റ​സ്റ്റി​ലാ​യി​രു​ന്നു.

ന​ഗ​ര​ത്തി​ൽ ഹോ​സ്റ്റ​ലു​ക​ളി​ൽ ത​ങ്ങു​ന്ന വി​ദ്യാ​ർ​ഥി​ക​ളും യു​വ​തി​യു​മാ​ക്ക​ളു​മാ​ണ് പ്ര​ധാ​ന​മാ​യും നൈട്രാസെ​പാ​മി​ന്‍റെ ഇ​ര​യാ​ക്ക​പ്പെ​ടു​ന്ന​തെ​ന്ന് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കു​ന്നു. ടെ​സ്റ്റ് ഡോ​സ് സൗ​ജ​ന്യ​മാ​യി ന​ൽ​കി യു​വാ​ക്ക​ളെ ആ​ക​ർ​ഷി​ക്കു​ന്ന ല​ഹ​രി സം​ഘ​ങ്ങ​ളു​ണ്ടെ​ന്നും ക​ണ്ടെ​ത്തി​യി​രു​ന്നു.

ഗു​ളി​ക​ക​ൾ ക​ഴി​ച്ചാ​ൽ ക​ണ്ണു​ക​ൾ​ക്ക് കൂ​ടു​ത​ൽ തെ​ളി​ച്ചം കി​ട്ടു​മെ​ന്നും കൂ​ടു​ത​ൽ സ​മ​യം ഉ​ന്മേ​ഷ​ത്തോ​ടെ പ്ര​വ​ർ​ത്തി​ക്കാ​ൻ ക​ഴി​യു​മെ​ന്നു​മൊ​ക്കെ തെ​റ്റി​ദ്ധ​രി​പ്പി​ച്ചാ​ണ് ഇ​ത്ത​ര​ക്കാ​ർ ഇ​ര​ക​ളെ പി​ടി​ക്കു​ന്ന​ത്. ഇ​ത്ത​ര​ക്കാ​രെ പി​ടി​കൂ​ടാ​ൻ ക​ർ​ശ​ന നി​രീ​ക്ഷ​ണ​മാ​ണ് ഉ​ദ്യോ​ഗ​സ്ഥ​ർ ന​ട​ത്തി​വ​രു​ന്ന​ത്. 142.3 ഗ്രാം ​നൈട്രാസെ​പാം ഗു​ളി​ക​ക​ളാ​ണ് 2023 ജ​നു​വ​രി മു​ത​ൽ ഒ​ക്ടോ​ബ​ർ വ​രെ ജി​ല്ല​യി​ൽ എ​ക്സൈ​സ് പി​ടി​കൂ​ടി​യ​ത്.

ഗു​ളി​ക വ​രു​ന്ന വ​ഴി

സേ​ലം, കോ​യ​മ്പ​ത്തൂ​ർ എ​ന്നി​വി​ട​ങ്ങ​ളി​ൽ​നി​ന്ന് ക​ട​ത്തി​കൊ​ണ്ട് വ​ന്ന് കേ​ര​ള​ത്തി​ൽ വി​ൽ​പ​ന ന​ട​ത്തു​ന്നു​വെ​ന്നാ​ണ് അ​ന്വേ​ഷ​ണ​ങ്ങ​ളി​ൽ വ്യ​ക്ത​മാ​കു​ന്ന​ത്. ആ​റ് രൂ​പ വി​ല​യു​ള്ള ഒ​രു ഗു​ളി​ക ഉ​യ​ർ​ന്ന തു​ക​ക്ക് വി​ൽ​പ്പ​ന ന​ട​ക്കു​ന്നു.

20 ഗു​ളി​ക​ക​ൾ അ​ട​ങ്ങി​യ സ്ട്രി​പ്പ് ഒ​ന്നി​ന് മ​റ്റ് സം​സ്ഥാ​ന​ങ്ങ​ളി​ൽ 100 രൂ​പ​യി​ൽ താ​ഴെ​യാ​ണ് വി​ല. ഇ​ത് കൊ​ച്ചി​യി​ൽ 500 രൂ​പ​ക്കൊ​ക്കെ​യാ​ണ് വി​ൽ​ക്കു​ന്ന​തെ​ന്നും ക​ണ്ടെ​ത്തി​യി​ട്ടു​ണ്ട്. വ്യാ​ജ കു​റി​പ്പ​ടി ഉ​പ​യോ​ഗി​ച്ച് മെ​ഡി​ക്ക​ൽ സ്റ്റോ​റു​ക​ളി​ൽ​നി​ന്ന് ഇ​ത്ത​രം ഗു​ളി​ക​ക​ൾ വാ​ങ്ങു​ന്ന​ത് ത​ട​യാ​ൻ എ​ക്‌​സൈ​സ് പ​രി​ശോ​ധ​ന​ക​ൾ ക​ർ​ശ​ന​മാ​യി ന​ട​ക്കു​ന്നു​ണ്ട്. ആ​രോ​ഗ്യ രം​ഗ​ത്തും ഇ​ത് സം​ബ​ന്ധി​ച്ച ജാ​ഗ്ര​ത​യു​ണ്ട്.

പേടിക്കണം നൈട്രാസെ​പാമിനെ

മാ​ന​സി​ക അ​സ്വാ​സ്ഥ്യ​മു​ള്ള​വ​രി​ൽ ചി​കി​ത്സ​ക്കാ​യി ഉ​പ​യോ​ഗി​ച്ചു​വ​രു​ന്ന ഡ്ര​ഗാ​ണ് നൈ​ട്രോ​സെ​പാം. ത​ല​ച്ചോ​റി​ലെ ഞ​ര​മ്പു​ക​ളെ മ​ന്ദീ​ഭ​വി​പ്പി​ക്കു​ന്ന​താ​ണ് നൈ​ട്രോ​സെ​പാ​മി​ന്‍റെ പ്ര​വ​ർ​ത്ത​ന​രീ​തി. അ​മി​ത ഉ​പ​യോ​ഗം ത​ല​ച്ചോ​റി​ലും ശ്വാ​സ​കോ​ശ​ത്തി​ലും കാ​ൻ​സ​റി​നു​ള്ള സാ​ധ്യ​ത വ​ർ​ധി​പ്പി​ക്കു​മെ​ന്ന് ആ​രോ​ഗ്യ​വി​ദ​ഗ്ധ​ർ വ്യ​ക്ത​മാ​ക്കു​ന്നു.

ഗു​ളി​ക​ക​ളു​ടെ കൂ​ടു​ത​ലാ​യു​ള്ള ഉ​പ​യോ​ഗം ക്ര​മേ​ണ മാ​ന​സി​ക വി​ഭ്രാ​ന്തി​ക്ക് തു​ല്ല്യ​മാ​യ അ​വ​സ്ഥ​യി​ൽ എ​ത്തി​ക്കു​ന്നു. അ​മി​ത ഉ​റ​ക്കം, ത​ല​വേ​ദ​ന, മ​റ​വി, തു​ട​ങ്ങി​യ പ്ര​ശ്‌​ന​ങ്ങ​ളും നൈ​ട്രോ​സെ​പാം സൃ​ഷ്ടി​ക്കും. ഇ​ത്ത​രം ല​ഹ​രി ഉ​പ​യോ​ഗി​ക്കു​ന്ന യു​വാ​ക്ക​ൾ വാ​ഹ​നാ​പ​ക​ട​ങ്ങ​ളി​ൽ പെ​ടു​ന്ന സം​ഭ​വ​ങ്ങ​ളു​മു​ണ്ട്.