കേന്ദ്ര മന്ത്രിസഭ പുനഃസംഘടനയെക്കുറിച്ച്​ അറിയില്ല -വി. മുരളീധരൻ

കൊച്ചി: കേന്ദ്ര മന്ത്രിസഭ പുനഃസംഘടനയെക്കുറിച്ച് അറിയില്ലെന്ന് കേന്ദ്ര വിദേശകാര്യ സഹമന്ത്രി വി. മുരളീധരൻ. അക്കാര്യങ്ങൾ പ്രധാനമന്ത്രിയും പാർട്ടി ദേശീയ അധ്യക്ഷനുമാണ്​ തീരുമാനിക്കേണ്ടത്​​. സംസ്ഥാനത്ത്​ ബി.ജെ.പിയിലെ പുനഃസംഘടനയെക്കുറിച്ചും അറിയില്ലെന്ന്​ അദ്ദേഹം മാധ്യമപ്രവർത്തകരോട്​ പറഞ്ഞു.

ബി.ജെ.പി സംസ്ഥാന നേതൃത്വത്തിൽ മാറ്റം വേണമെന്ന് തനിക്ക് അഭിപ്രായമില്ല. മണിപ്പൂരിൽ ക്രൈസ്തവരെ വേട്ടയാടുന്നു എന്ന പ്രചാരണം അടിസ്ഥാനരഹിതമാണ്​. മുൻകാലങ്ങളിൽ കോൺഗ്രസ്​ സ്വീകരിച്ച സമീപനമാണ്​ അവിടു​ത്തെ പ്രശ്നങ്ങൾക്ക്​ കാരണം. മാധ്യമ സ്ഥാപനത്തിൽ പൊലീസ്​ റെയ്​ഡ്​ നടത്തിയ നടപടി മാധ്യമപ്രവർത്തകരോടുള്ള സർക്കാറിന്‍റെ പ്രതികാര സമീപനമാണ്​ കാണിക്കുന്നത്​. ഇത്തരം നടപടികൾ ജനാധിപത്യ സമൂഹത്തിന്​ യോജിച്ചതല്ലെന്നും മുരളീധരൻ പറഞ്ഞു.