ഡോ. സി.പി. അബ്ദുൽ റശീദ് അന്തരിച്ചു

മംഗളൂരു: കാസർകോട് കെയർവെൽ ഹോസ്‌പിറ്റൽ ആൻഡ് റിസർച് സെന്‍റർ സ്ഥാപക ഡയറക്ടർ ഡോ. സി.പി. അബ്ദുൽ റശീദ് (77) നിര്യാതനായി. മംഗളുരു മോർഗൻസ് ഗേറ്റ് സ്വദേശിയാണ്. നേരത്തെ ഏഴുവർഷത്തോളം സൗദി അറേബ്യയിൽ സേവനമനുഷ്ഠിച്ചിരുന്നു.

സി.പി. അബ്ദുല്ല ചെമ്മനാട് പുതിയപുര (ശ്രീലങ്ക) - കെ.സി. മറിയം ദമ്പതികളുടെ മകനാണ്. ഭാര്യ: ആയിശ നസീറ അരിമല മൊഗ്രാൽ. മകൻ: സി.പി. മുഹമ്മദ് റിയാസ്. മരുമകൾ: ഫാത്വിമ ഇല്യാസ്. സഹോദരങ്ങൾ: ഡോ. സി.പി. അബ്ദുൽ റഹ്‌മാൻ (മംഗളുരു ഹൈലാൻഡ് ഹോസ്പിറ്റൽ സ്ഥാപകൻ), ഡോ. സി.പി. മൈമൂന.