ഡോ. മല്ലിക സാരാഭായ് കലാമണ്ഡലത്തിലെത്തി

ചെ​റു​തു​രു​ത്തി: ചാ​ൻ​സ​ല​റാ​യി ചു​മ​ത​ല​യേ​റ്റ ശേ​ഷം ഡോ. ​മ​ല്ലി​ക സാ​രാ​ഭാ​യ് ആ​ദ്യ​മാ​യി ക​ലാ​മ​ണ്ഡ​ല​ത്തി​ലെ​ത്തി. ക​ലാ​മ​ണ്ഡ​ല​ത്തി​ന്റെ ഉ​യ​ർ​ച്ച​ക്കും സാം​സ്കാ​രി​ക സ​ർ​വ​ക​ലാ​ശാ​ല എ​ന്ന നി​ല​യി​ൽ ഉ​യ​ർ​ത്തു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ​ക്കും എ​ല്ലാ​വ​രും ഒ​രു​മ​യോ​ടെ നി​ല​കൊ​ള്ള​ണ​മെ​ന്ന് ജീ​വ​ന​ക്കാ​രോ​ട് അ​ഭ്യ​ർ​ഥി​ച്ചു.

വ​രും​ദി​വ​സ​ങ്ങ​ളി​ൽ അ​ധ്യാ​പ​ക​ർ, ഓ​ഫി​സ് ജീ​വ​ന​ക്കാ​ർ, വി​ദ്യാ​ർ​ഥി​ക​ൾ, ക​ലാ​മ​ണ്ഡ​ല​ത്തി​ന്റെ അ​ഭ്യു​ദ​യ​കാം​ക്ഷി​ക​ൾ തു​ട​ങ്ങി​യ​വ​രു​മാ​യി ആ​ശ​യ​സം​വാ​ദം ന​ട​ത്തും. ക​ള​രി​ക​ളും ക്ലാ​സു​ക​ളും സ​ന്ദ​ർ​ശി​ക്കു​ക​യും അ​ധ്യാ​പ​ക വി​ദ്യാ​ർ​ഥി​ക​ളു​ടെ രം​ഗാ​വ​ത​ര​ണ​ങ്ങ​ൾ വീ​ക്ഷി​ക്കു​ക​യും ചെ​യ്യും.

മ​ഹാ​ക​വി വ​ള്ള​ത്തോ​ളി​ന്റെ സ​മാ​ധി​യി​ൽ പു​ഷ്പാ​ർ​ച്ച​ന ന​ട​ത്തി​യ ശേ​ഷം ക​ലാ​മ​ണ്ഡ​ലം മു​ഖ്യ കാ​മ്പ​സി​ൽ എ​ത്തി​യ ചാ​ൻ​സ​ല​റെ സം​ഗീ​ത നാ​ട​ക അ​ക്കാ​ദ​മി അം​ഗ​വും ക​ലാ​മ​ണ്ഡ​ലം അ​തി​ഥി അ​ധ്യാ​പ​ക​നു​മാ​യ ക​ലാ​മ​ണ്ഡ​ലം പെ​രി​ങ്ങോ​ട് ച​ന്ദ്ര​ൻ ന​യി​ച്ച പ​ഞ്ച​വാ​ദ്യ​ത്തോ​ടെ സ്വീ​ക​രി​ച്ചു. വൈ​സ് ചാ​ൻ​സ​ല​ർ പ്ര​ഫ​സ​ർ ഡോ. ​എം.​വി. നാ​രാ​യ​ണ​ൻ, ര​ജി​സ്ട്രാ​ർ ഡോ. ​പി. രാ​ജേ​ഷ് കു​മാ​ർ, വ​ള്ള​ത്തോ​ൾ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ഷെ​യ്ഖ് അ​ബ്ദു​ൽ ഖാ​ദ​ർ, വൈ​സ് പ്ര​സി​ഡ​ന്റ് പി. ​നി​ർ​മ​ലാ​ദേ​വി, വാ​ർ​ഡ് മെം​ബ​ർ​മാ​രാ​യ എം. ​ബി​ന്ദു, കെ.​എ​സ്. ശ്രു​തി, ക​ലാ​മ​ണ്ഡ​ലം ഭ​ര​ണ​സ​മി​തി അം​ഗ​ങ്ങ​ളാ​യ കെ.​ബി. രാ​ജാ​ന​ന്ദ്, കെ. ​ര​വീ​ന്ദ്ര​നാ​ഥ് സ​ന്നി​ഹി​ത​രാ​യി​രു​ന്നു.