പ്രഫ. എം.കെ. ജയരാജ്​ കാലിക്കറ്റ്​ വി.സി

തിരുവനന്തപുരം: കാലിക്കറ്റ്​ സർവകലാശാല വൈസ്​ ചാൻസലറായി പ്രഫ. എം.കെ. ജയരാജിനെ നിയമിച്ച്​ ചാൻസലറായ ഗവർണർ വിജ്ഞാപനമിറക്കി. സർക്കാർ അനുകൂല പാനലിൽനിന്നാണ്​ ഡോ. ജയരാജിനെ വി.സിയായി നിയമിക്കാൻ ഗവർണർ ആരിഫ്​ മുഹമ്മദ്​ ഖാൻ തീരുമാനിച്ചത്​. നിലവിൽ കൊച്ചിൻ ശാസ്​ത്ര സ​ാ​േങ്കതിക സർവകലാശാല ഫിസിക്​സ്​ വിഭാഗത്തിൽ പ്രഫസറും മുൻ സിൻഡിക്കേറ്റംഗവുമാണ്​​ ഡോ. ജയരാജ്​. കാലിക്കറ്റ്​ വി.സി നിയമനം സംബന്ധിച്ച്​ ഗവർണറുടെ തീരുമാനം രണ്ട്​ മാസമാണ്​ വൈകിയത്​.

എം.ജി സർവകലാശാലയിൽ പ്രഫസറായിരുന്ന ഡോ. കെ.എം. സീതി, ഡോ. എം.കെ. ജയരാജ്, എം.ജി സർവകലാശാല പ്രോ വൈസ്​ചാൻസലർ ഡോ. അരവിന്ദകുമാർ ​എന്നിവരുടെ പേരടങ്ങിയ പാനലാണ്​ സെർച്​ കമ്മിറ്റി അംഗങ്ങളായ ചീഫ്​ സെക്രട്ടറിയും ആസൂത്രണ ബോർഡ്​ വൈസ്​ ചെയർമാൻ ഡോ. വി.കെ. രാമചന്ദ്രനും സമർപ്പിച്ചത്​. എന്നാൽ യു.ജി.സി പ്രതിനിധിയായ ജെ.എൻ.യു സർവകലാശാല വി.സി ഡോ. ജഗദീഷ്​ കുമാർ സമർപ്പിച്ച പാനലിൽ ഉൾപ്പെട്ട തിരുവനന്തപുരത്തെ കേന്ദ്ര കിഴങ്ങുവിള ഗവേഷണ കേന്ദ്രം പ്രിൻസിപ്പൽ സയൻറിസ്​റ്റ്​ ഡോ. സി.എ. ജയപ്രകാശിനെ നിയമിക്കാൻ ഗവർണർക്ക്​ മേൽ കേന്ദ്രസർക്കാർതലത്തിൽ സമ്മർദമുണ്ടായിരുന്നു. 

ഡോ. കെ.എം. സീതിയെ വി.സിയായി നിയമിക്കണമെന്ന താൽപര്യം സർക്കാർ ഗവർ​ണറെ അറിയിച്ചിരുന്നെങ്കിലും തീരുമാനം നീളുകയായിരുന്നു. മേയ് എട്ടിന്​ സെർച്​ കമ്മിറ്റി ചേരുകയും​ ഒമ്പതിന്​ പാനലുകൾ രാജ്​ഭവന്​ കൈമാറുകയും ചെയ്​തു. തീരുമാനം വൈകിയതോടെ സർക്കാർ അനുകൂല പാനലിൽ ഒന്നാമതുണ്ടായിരുന്ന ഡോ. കെ.എം. സീതിക്ക്​ മേയ് 28ന്​ 60 വയസ്സ്​​ പൂർത്തിയാവുകയും അയോഗ്യനാവുകയും ചെയ്​തു. 

ഡോ. ജയരാജ് കാലിക്കറ്റ്​ സർവകലാശാലക്ക്​ കീഴിൽ ഇരിങ്ങാലക്കുട ക്രൈസ്​റ്റ്​ കോളജിൽനിന്നാണ്​ ഫിസിക്​സിൽ ബിരുദം നേടിയത്​. ​എം.എസ്​സി, പിഎച്ച്​​.ഡി ബിരുദങ്ങൾ കുസാറ്റിൽനിന്നാണ്​. 1990-91ൽ കേന്ദ്ര സർക്കാറിന്​ കീഴിൽ അഹ്​മദാബാദിലുള്ള ഫിസിക്കൽ സയൻസ്​ ലബോറട്ടറിയിൽ പ്രവർത്തിച്ചു. പിന്നീട്​ തിരുവനന്തപുരത്തെ റീജനൽ റിസർച്​ ലബോറട്ടറിയിലെത്തി. ഇറ്റാലിയൻ സർക്കാറിന്​ കീഴിലുള്ള ഇ.എൻ.ഇ.എയിൽ വിസിറ്റിങ്​ സയൻറിസ്​റ്റായി.

1992ൽ കുസാറ്റിൽ അസി. പ്രഫസറും 2009 ആഗസ്​റ്റിൽ പ്രഫസറുമായി​. ടോ​േക്യാ ഇൻസ്​റ്റിറ്റ്യൂട്ട്​ ഒാഫ്​ ടെക്​നോളജിയിലെ വിസിറ്റിങ്​ പ്രഫസർ കൂടിയാണ്​. തൃക്കാക്കര ജഡ്​ജിമുക്കിൽ​ താമസിക്കുന്ന ഡോ. ജയരാജ്​ തൃശൂർ അവിനിശേരി സ്വദേശിയാണ്​. ഭാര്യ: ഡോ. വനജ (അസി. പ്രഫസർ, എറണാകുളം മഹാരാജാസ്​ കോളജ്​). മക്കൾ: അനൂജ ജയരാജ്​ (ഗവേഷക, നോർത്ത്​ ടെക്​സസ്​ യൂനിവേഴ്​സിറ്റി), ആഞ്ജ​ല ജയരാജ്​ (ലക്​സംബർഗ്​ യൂനിവേഴ്​സിറ്റി).