നൂറു നൂറ് ഹൃദയങ്ങളായി മിടിക്കുമെന്നും...

1976ൽ ​കൊ​ല്ല​ത്ത് നി​ന്നു​ള്ള മേ​ഴ്‌​സി എ​ന്ന 10 വ​യ​സ്സു​കാ​രി​ക്കാ​ണ് ഡോ. ​എം.​എ​സ്. വ​ല്യ​ത്താ​ൻ ശ്രീ​ചി​ത്ര​യി​ൽ ആ​ദ്യ ശ​സ്ത്ര​ക്രി​യ ന​ട​ത്തി​യ​ത്. കേ​ര​ള​ത്തി​ലെ ത​ന്നെ ആ​ദ്യ​ത്തെ ഓ​പ​ണ്‍ ഹാ​ര്‍ട്ട് സ​ര്‍ജ​റി​യി​ലൊ​ന്നാ​യ അ​തി​ന് അ​ന​സ്​​തേ​ഷ്യ ന​ല്‍കി​യ ഡോ. ​കെ. മോ​ഹ​ന്‍ദാ​സ് പി​ൽ​കാ​ല​ത്ത് ശ്രീ​ചി​ത്ര​യു​ടെ ഡ​യ​റ​ക്ട​റാ​യി. പി​ന്നീ​ട് പ്ര​തി​വ​ര്‍ഷം 600 മു​ത​ല്‍ 700 വ​രെ ഓ​പ​ണ്‍ ഹാ​ര്‍ട്ട് സ​ര്‍ജ​റി​ക​ള്‍.

ശ​സ്ത്ര​ക്രി​യ​ക്കൊ​പ്പം കൃ​ത്രി​മ ഹൃ​ദ​യ​വാ​ൽ​വ്​ വി​ക​സി​പ്പി​ക്കു​ക എ​ന്ന ദൗ​ത്യ​മാ​യി​രു​ന്നു വ​ല്യ​ത്താ​ന് മു​ന്നി​ലു​ണ്ടാ​യി​രു​ന്ന​ത്. പൂ​ജ​പ്പു​ര​യി​ൽ ആ​രം​ഭി​ച്ച സ​ബ്​​സെൻറ​റി​ലാ​ണ്​ ഇ​തി​നു​ള്ള ഗ​വേ​ഷ​ണ​ങ്ങ​ളും തു​ട​ർ​ന്ന്​ വാ​ൽ​വ്​ നി​ർ​മാ​ണ​വും ആ​രം​ഭി​ച്ച​ത്. അ​ക്കാ​ല​ത്ത് വി​ദേ​ശ​ത്തു​നി​ന്ന്​ ഇ​റ​ക്കു​മ​തി ചെ​യ്ത ഹൃ​ദ​യ​വാ​ൽ​വാ​ണ് ഇ​ന്ത്യ​യി​ല്‍ ഉ​പ​യോ​ഗി​ച്ചി​രു​ന്ന​ത്. ഹൃ​ദ​യ​വാ​ൽ​വി​ന് പ്ര​ശ്‌​ന​മു​ള്ള 400 ഓ​ളം രോ​ഗി​ക​ള്‍ അ​ന്ന് പ്ര​തി​മാ​സം ശ്രീ​ചി​ത്ര​യി​ല്‍ എ​ത്തി​യി​രു​ന്നു.

പ​ന്നി​യു​ടെ ഹൃ​ദ​യ​വാ​ൽ​വ്​ സം​സ്‌​ക​രി​ച്ചാ​ണ് വി​ദേ​ശ​ത്ത് കൃ​ത്രി​മ​മാ​യി ഉ​പ​യോ​ഗി​ച്ചി​രു​ന്ന​ത്. 100 പ​ന്നി​യെ കൊ​ന്നാ​ല്‍ ആ​രോ​ഗ്യ​മു​ള്ള 20 വാ​ൽ​വു​ക​ള്‍ ല​ഭി​ക്കു​മെ​ന്ന​താ​യി​രു​ന്നു അ​വ​സ്ഥ. കേ​ര​ള​ത്തി​ല്‍ പ​ന്നി​ക​ളു​ടെ ല​ഭ്യ​ത​ക്കു​റ​വും, കി​ട്ടി​യാ​ല്‍ ത​ന്നെ സം​സ്‌​ക​രി​ക്കാ​നു​ള്ള സം​വി​ധാ​നം ഇ​ല്ലാ​ത്ത​തും പ്ര​തി​സ​ന്ധി​യാ​യി. തു​ട​ര്‍ന്നാ​ണ് പൂ​ര്‍ണ​മാ​യും കൃ​ത്രി​മ​വാ​ൽ​വ്​ നി​ര്‍മി​ക്കാ​നു​ള്ള ശ്ര​മം അ​ദ്ദേ​ഹം ആ​രം​ഭി​ച്ച​ത്.

ഒ​രു​ദി​വ​സം ഹൃ​ദ​യ​ര​ക്തം പ​മ്പ്​ ചെ​യ്യാ​ന്‍ ഒ​രു​ല​ക്ഷം പ്രാ​വ​ശ്യം വാ​ൽ​വ്​ തു​റ​ക്കു​ക​യും അ​ട​യ്​​ക്കു​ക​യും വേ​ണം. ഒ​രു​കൃ​ത്രി​മ വാ​ൽ​വി​ന് കു​റ​ഞ്ഞ​ത് 10 കൊ​ല്ലം ആ​യു​സ്സു​ണ്ടാ​ക​ണം. അ​താ​യ​ത് 36 കോ​ടി ത​വ​ണ പി​ഴ കൂ​ടാ​തെ വാ​ൽ​വ്​ തു​റ​ക്കു​ക​യും അ​ട​യ്​​ക്കു​ക​യും വേ​ണം. അ​തി​ന് സ​ങ്കീ​ര്‍ണ​മാ​യ എ​ൻ​ജി​നീ​യ​റി​ങ് വി​ദ്യ​വേ​ണം.​ പു​റ​മെ കൃ​ത്രി​മ​വാ​ൽ​വ്​ ഒ​രു മൃ​ഗ​ത്തി​ല്‍ ഘ​ടി​പ്പി​ച്ച് പ​രീ​ക്ഷി​ക്കു​ക​യും വേ​ണം.

1982 ലാ​ണ് വാ​ൽ​വ്​ വി​ക​സി​പ്പി​ക്കാ​നു​ള്ള ശ്ര​മം ശ്രീ​ചി​ത്ര​യി​ല്‍ ആ​രം​ഭി​ച്ച​ത്. ആ​ദ്യ​ത്തെ മൂ​ന്ന്​ മോ​ഡ​ലും പ​രാ​ജ​യ​പ്പെ​ട്ടു. കോ​യ​മ്പ​ത്തൂ​രി​ല്‍നി​ന്നെ​ത്തി​ച്ച ആ​ടു​ക​ളി​ലാ​യി​രു​ന്നു അ​വ പ​രീ​ക്ഷി​ച്ച​ത്. അ​വ മൂ​ന്നു​മാ​സ​മെ​ങ്കി​ലും ജീ​വി​ച്ചി​രി​ക്ക​ണം. എ​ന്നാ​ല്‍, പ​രീ​ക്ഷ​ണ​ത്തി​ന് പി​ന്നാ​ലെ അ​വ ദ​യ​നീ​യ​മാ​യി ച​ത്തു. വി​ജ​യി​ച്ച നാ​ലാ​മ​ത്തെ വാ​ൽ​വാ​ണ് ‘ശ്രീ​ചി​ത്ര ടി.​ടി.​കെ വാ​ൽ​വ്​’ എ​ന്ന പേ​രി​ല്‍ ഇ​പ്പോ​ള്‍ വി​പ​ണി​യി​ലു​ള്ള​ത്. ശ്രീ​ചി​ത്ര​യി​ല്‍ അ​ദ്ദേ​ഹം വി​ക​സി​പ്പി​ച്ച കൃ​ത്രി​മ ഹൃ​ദ​യ​വാ​ൽ​വ്​ ഇ​ന്ന് ഒ​ന്ന​ര​ല​ക്ഷ​ത്തി​ലേ​റെ ഹൃ​ദ​യ​ങ്ങ​ളി​ല്‍ ജീ​വ​ന്റെ മി​ടി​പ്പേ​കു​ന്നു.

എ​ൻ​ഡോ​മ​യോ കാ​ർ​ഡി​യോ ഫൈ​ബ്രോ​സി​സ് എ​ന്ന ഹൃ​ദ​യ​ത്തി​ലെ മ​സി​ലു​ക​ൾ ഫൈ​ബ​റു​ക​ളാ​കു​ന്ന രോ​ഗ​ത്തെ​ക്കു​റി​ച്ച് ഇ​പ്പോ​ൾ കേ​ര​ള​ത്തി​ൽ കേ​ൾ​ക്കാ​നി​ല്ല. ഒ​രു​കാ​ല​ത്ത് കേ​ര​ള​ത്തി​ൽ അ​നേ​കം പേ​രു​ടെ ജീ​വ​നെ​ടു​ത്ത ഈ ​ഹൃ​ദ്രോ​ഗ​ത്തെ നാ​ടു​ക​ട​ത്തി​യ​ത് ഡോ. ​എം.​എ​സ്. വ​ല്യ​ത്താ​ന്റെ നേ​തൃ​ത്വ​ത്തി​ലു​ള്ള വൈ​ദ്യ​ശാ​സ്ത്ര സം​ഘ​മാ​ണ്.

ഹൃ​ദ​യ​വാ​ൽ​വ്​ ആ​ദ്യം ഘ​ടി​പ്പി​ച്ച മുരളിക്ക് ഇ​ന്നും മാ​യാ​ത്ത ഓ​ര്‍മ

1990 ലാ​ണ് ശ്രീ​ചി​ത്ര​യി​ല്‍ മ​നു​ഷ്യ​ശ​രീ​ര​ത്തി​ല്‍ ആ​ദ്യ​ത്തെ കൃ​ത്രി​മ ഹൃ​ദ​യ​വാ​ൽ​വ്​ ഘ​ടി​പ്പി​ക്കു​ന്ന​ത്. തൃ​ശൂ​ര്‍ എ​രു​മ​പ്പെ​ട്ടി വെ​ള്ള​റ​ക്കാ​ട് കോ​ട്ട​മേ​ല്‍ ഹൗ​സി​ല്‍ 38 കാ​ര​നാ​യ കെ.​ഡി. മു​ര​ളീ​ധ​ര​നാ​യി​ര​ന്നു ആ​ദ്യ​ത്തെ വാ​ൽ​വ്​ ഘ​ടി​പ്പി​ച്ച​ത്. 1990 ഡി​സം​ബ​ര്‍ ആ​റി​നാ​യി​രു​ന്നു ശ​സ്ത്ര​ക്രി​യ. പി​ന്നീ​ട് ഓ​രോ ദി​വ​സ​വും രാ​വി​ലെ ഡോ. ​വ​ല്യ​ത്താ​നെ വി​ളി​ച്ച് താ​ന്‍ ജീ​വി​ച്ചി​രി​ക്കു​ന്ന വി​വ​രം അ​റി​യി​ച്ചു വ​ന്നി​രു​ന്നു. ആ ​വി​വ​രം അ​റി​യി​ക്കാ​ന്‍ ഇ​നി അ​ദ്ദേ​ഹ​മി​ല്ല.

ഹൃ​ദ​യ​വാ​ൽ​വ്​ ഘ​ടി​പ്പി​ക്കു​ന്ന​തി​ന്​ മു​ന്നോ​ടി​യാ​യി മെ​ഡി​ക്ക​ല്‍ എ​ത്തി​ക്‌​സ് ക​മ്മി​റ്റി​യു​ടെ അ​നു​വാ​ദം തേ​ട​ണം. ആ​ദ്യ ഹൃ​ദ​യ​വ​ൽ​വ്​ ശ​സ്ത്ര​ക്രി​യ​ക്ക്​ ജ​സ്റ്റി​സ് സു​കു​മാ​ര​ന്‍ അ​ധ്യ​ക്ഷ​നാ​യ എ​ത്തി​ക്സ്​ ക​മ്മി​റ്റി​യാ​ണ്​ അ​നു​വാ​ദം ന​ൽ​കി​യ​ത്. ഇ​ന്ത്യ​യി​ലെ അ​ഞ്ച് മെ​ഡി​ക്ക​ല്‍ കോ​ള​ജു​ക​ളി​ല്‍ ഈ ​വാ​ൽ​വ്​ ഉ​പ​യോ​ഗി​ക്കാ​ന്‍ ക​മ്മി​റ്റി അ​നു​വാ​ദം ന​ല്‍കി. ര​ണ്ടു​വ​ര്‍ഷ​ത്തി​നു​ള്ളി​ല്‍ 250 ലേ​റെ വാ​ൽ​വ്​​മാ​റ്റ ശ​സ്ത്ര​ക്രി​യ ന​ട​ന്ന​തി​നെ​ക്കു​റി​ച്ച് ലോ​ക​പ്ര​സി​ദ്ധ മെ​ഡി​ക്ക​ല്‍ ജേ​ണ​ലു​ക​ളി​ല്‍ പ​ഠ​ന​ങ്ങ​ള്‍ വ​ന്നു. അ​ങ്ങ​നെ ശ്രീ​ചി​ത്ര വാ​ൽ​വി​ന് ഉ​റ​പ്പും വി​ശ്വാ​സ്യ​ത​യും ഏ​റി.