ഡോ. ഷെഹനയുടെ ആത്മഹത്യ: പ്രതി റു​വൈ​സി​ന്‍റെ പിതാവിന് മുൻകൂർ ജാമ്യം; റുവൈസിന്‍റെ ജാമ്യപേക്ഷയിൽ സർക്കാറിന്‍റെ വിശദീകരണം തേടി.

കൊ​ച്ചി: തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലെ പി.​ജി വി​ദ്യാ​ർ​ഥി​നി ഡോ. ​എ.​ജെ. ഷ​ഹ​ന ആ​ത്മ​ഹ​ത്യ ചെ​യ്ത കേ​സി​ൽ ര​ണ്ടാം പ്ര​തി​യും സ​ഹ​പാ​ഠി​യു​ടെ പി​താ​വു​മാ​യ കൊ​ല്ലം സ്വ​ദേ​ശി ഇ. ​അ​ബ്ദു​ൽ റ​ഷീ​ദി​ന് ഹൈ​കോ​ട​തി മു​ൻ​കൂ​ർ ജാ​മ്യം അ​നു​വ​ദി​ച്ചു.

ഡി​സം​ബ​ർ നാ​ലി​നാ​ണ് ഷ​ഹ​ന ആ​ത്മ​ഹ​ത്യ ചെ​യ്ത​ത്. സ​ഹ​പാ​ഠി​യാ​യ ഡോ. ​ഇ.​എ. റു​വൈ​സ് സ്ത്രീ​ധ​ന​ത്തി​ന്‍റെ പേ​രി​ൽ വി​വാ​ഹ​ത്തി​ൽ​നി​ന്ന് പി​ന്മാ​റി​യ​തി​ലു​ള്ള മ​നോ​വി​ഷ​മം മൂ​ലം ആ​ത്മ​ഹ​ത്യ ചെ​യ്തെ​ന്നാ​ണ് കേ​സ്. അ​ബ്ദു​ൽ റ​ഷീ​ദ് ഉ​യ​ർ​ന്ന സ്ത്രീ​ധ​നം ആ​വ​ശ്യ​പ്പെ​ട്ടെ​ന്നും ഇ​ത്​ ന​ൽ​കാ​നാ​വാ​ത്ത​തി​നാ​ൽ വി​വാ​ഹ​ത്തി​ൽ​നി​ന്ന് റു​വൈ​സ് പി​ന്മാ​റി​യെ​ന്നു​മാ​യി​രു​ന്നു ഷ​ഹ​ന ആ​ത്മ​ഹ​ത്യ​ക്കു​റി​പ്പി​ൽ പ​റ​ഞ്ഞി​രു​ന്ന​ത്. എ​ന്നാ​ൽ, റ​ഷീ​ദി​ന് ഈ​ഗോ​യും പ​ണ​ത്തോ​ടു​ള്ള അ​ത്യാ​ർ​ത്തി​യു​മു​ണ്ടെ​ന്ന​ല്ലാ​തെ നേ​രി​ട്ട് സ്ത്രീ​ധ​നം ആ​വ​ശ്യ​പ്പെ​ട്ട​താ​യി പ​റ​യു​ന്നി​ല്ലെ​ന്ന് മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ച്ച ജ​സ്റ്റി​സ് പി. ​ഗോ​പി​നാ​ഥ് വി​ല​യി​രു​ത്തി.

ഡി​സം​ബ​ർ ര​ണ്ടി​ന് റ​ഷീ​ദും ഷ​ഹ​ന​യും ഫോ​ണി​ൽ സം​സാ​രി​ച്ച​തി​ന്​ രേ​ഖ​ക​ളു​ണ്ട്. എ​ന്നാ​ൽ, സ്ത്രീ​ധ​നം ആ​വ​ശ്യ​പ്പെ​ട്ട​തി​ന് തെ​ളി​വി​ല്ല. ഷ​ഹ​ന​യു​ടെ മ​ര​ണ​ത്തി​ൽ റ​ഷീ​ദി​ന് അ​റി​വു​ണ്ടെ​ന്ന് രേ​ഖ​ക​ളി​ൽ​നി​ന്ന്​ വ്യ​ക്ത​മ​ല്ലെ​ന്നും 63കാ​ര​നാ​യ ഇ​യാ​​ളെ ക​സ്റ്റ​ഡി​യി​ൽ ചോ​ദ്യം ചെ​യ്യേ​ണ്ട​തി​ല്ലെ​ന്നും കോ​ട​തി അ​ഭി​പ്രാ​യ​പ്പെ​ട്ടു.

സം​ശ​യാ​തീ​ത​മാ​യി ആ​ത്മ​ഹ​ത്യ പ്രേ​ര​ണ​ക്കു​റ്റം ചു​മ​ത്താ​ൻ തെ​ളി​വു​ണ്ടെ​ങ്കി​ൽ മാ​ത്ര​മേ മു​ൻ​കൂ​ർ ജാ​മ്യാ​പേ​ക്ഷ നി​ര​സി​ക്കാ​നാ​വൂ​യെ​ന്നും കോ​ട​തി പ​റ​ഞ്ഞു. തു​ട​ർ​ന്ന് ഒ​രു ല​ക്ഷം രൂ​പ​യു​ടെ ബോ​ണ്ടും തു​ല്യ തു​ക​ക്കു​ള്ള ര​ണ്ട് ആ​ൾ ജാ​മ്യ​വും വ്യ​വ​സ്ഥ ചെ​യ്താ​ണ് മു​ൻ​കൂ​ർ ജാ​മ്യം അ​നു​വ​ദി​ച്ച​ത്.

അ​തി​നി​ടെ, ഒ​ന്നാം പ്ര​തി ഡോ. ​ഇ.​എ. റു​വൈ​സ് ന​ൽ​കി​യ ജാ​മ്യാ​പേ​ക്ഷ​യി​ൽ ഹൈ​കോ​ട​തി സ​ർ​ക്കാ​റി​ന്‍റെ വി​ശ​ദീ​ക​ര​ണം തേ​ടി. ജ​സ്റ്റി​സ് പി. ​ഗോ​പി​നാ​ഥി​ന്‍റെ ബെ​ഞ്ച് ഹ​ര​ജി 18ന്​ ​പ​രി​ഗ​ണി​ക്കും. സ്ത്രീ​ധ​നം ആ​വ​ശ്യ​പ്പെ​ട്ടെ​ന്ന ആ​രോ​പ​ണം ശ​രി​യ​ല്ലെ​ന്നും പി.​ജി കോ​ഴ്‌​സ് പൂ​ർ​ത്തി​യാ​ക്കി​യ​ശേ​ഷം വി​വാ​ഹം ചെ​യ്യാ​മെ​ന്നും പ​റ​ഞ്ഞ​ത് ഷ​ഹ​ന​ക്ക്​ സ​മ്മ​ത​മ​ല്ലാ​യി​രു​ന്നെ​ന്നും റു​വൈ​സി​ന്‍റെ ജാ​മ്യാ​പേ​ക്ഷ​യി​ൽ പ​റ​യു​ന്നു.

ഡോ. ഷഹനയുടെ ആത്മഹത്യ കുറിപ്പിൽ പ്രതി റുവൈസിനും കുടുംബാംഗങ്ങൾക്കും എതിരെ പരാമർശമുണ്ടെന്ന് പൊലീസ് കണ്ടെത്തിയിരുന്നു. ‘സ്തീധന മോഹം കാരണം ഇന്ന് എന്റെ ജീവിതമാണ് അവസാനിപ്പിക്കുന്നത്... വിവാഹ വാഗ്ദാനം നൽകി എന്റെ ജീവിതം നശിപ്പിക്കുക എന്നതായിരുന്നു അവന്റെ ഉദ്ദേശ്യം. ഒന്നരക്കിലോ സ്വർണവും ഏക്കറുകണക്കിനു വസ്തുവും ചോദിച്ചാൽ കൊടുക്കാൻ എന്റെ വീട്ടുകാരുടെ കൈയിൽ ഇല്ലെന്നുള്ളത് സത്യമാണ്...’ -ഷഹനയുടെ ഈ പരാമർശങ്ങൾ റിമാൻഡ് റിപ്പോർട്ടിലും പറയുന്നുണ്ട്.

കൂടാതെ, റുവൈസിന്റെ ഫോണിലേക്ക് ഷഹന ഈ സന്ദേശങ്ങൾ അയച്ചിരുന്നു. എന്നാൽ, റുവൈസ് ആ സന്ദേശങ്ങൾ ഡിലീറ്റ് ചെയ്തു. അത് കുറ്റകൃത്യത്തിന്റെ തെളിവാണ്. ആത്മഹത്യകുറിപ്പിലെ പരാമർശങ്ങൾക്ക് സമാനമായി ഷഹനയുടെ മാതാവും സഹോദരിയും മറ്റ് ബന്ധുക്കളും മൊഴി നൽകിയിട്ടുണ്ടെന്നും റിമാൻഡ് റിപ്പോർട്ടിൽ വ്യക്തമാക്കുന്നു.