നവകേരളം കര്‍മ പദ്ധതിയുടെ കോ- ഓര്‍ഡിനേറ്ററായി ഡോ. ടി.എന്‍ സീമയെ നിയമിച്ചു

തിരുവനന്തപുരം: നവകേരളം കര്‍മ പദ്ധതിയുടെ കോ- ഓര്‍ഡിനേറ്ററായി ഡോ. ടി എന്‍ സീമയെ നിയമിച്ചു. മന്ത്രിസഭായോ​ഗത്തിന്റേതാണ് തീരുാമനം. മൂന്ന് വര്‍ഷത്തേക്ക് ആണ് നിയമനം.

കേരളത്തിൽ നിന്നുള്ള രാജ്യസഭാംഗം ആയിരുന്നു സി.പി.എം സംസ്ഥാനകമ്മിററി അംഗം കൂടിയായ ടി.എൻ സീമ.

സംസ്‌ഥാന ആസൂത്രണ ബോർഡിൽ ജനകീയാസൂത്രണ-സ്ത്രീശാക്തീകരണ പരിപാടികളുടെ ഉപദേശക, സംസ്‌ഥാന ജെൻഡർ അഡ്വൈസറി ബോർഡ് മെമ്പർ, കുടുംബശ്രീ മിഷൻ – ഗവേർണിംഗ് കൗൺസിൽ എക്സിക്യൂട്ടീവ് അംഗം എന്നീ നിലകളിൽ സീമ പ്രവർത്തിച്ചിട്ടുണ്ട്‌.