യുവ ഡോക്ടറുടെ കൊലപാതകം: സന്ദീപിനെ പിരിച്ചുവിടുമെന്ന് മന്ത്രി ശിവൻ കുട്ടി

തിരുവനന്തപുരം: കൊട്ടാരക്കര താലൂക്ക് ആശുപത്രിയിൽ ഡ്യൂട്ടിയിലിരിക്ക യുവഡോക്ടറെ കുത്തിക്കൊന്ന കേസിലെ പ്രതി ജി. സന്ദീപിനെ പൊതുവിദ്യാഭ്യാസ വകുപ്പ് സസ്പെൻഡ് ചെയ്തു. പൊതു വിദ്യാഭ്യാസ മന്ത്രി വി ശിവൻകുട്ടിയുടെ നിർദേശപ്രകാരം വകുപ്പ്തല അന്വേഷണം നടത്തിയാണ് സസ്പെൻഷൻ. നെടുമ്പന യു.പി സ്കൂളിലെ അധ്യാപകനാണ് സന്ദീപ്. കൂടുതൽ കർശനമായ തുടർനടപടികൾ ഉണ്ടാകുമെന്ന് മന്ത്രി അറിയിച്ചു. സന്ദീപിനെ പിരിച്ചുവിടുമെന്നും മന്ത്രി അറിയിച്ചു.

വെളിയം ഉപജില്ലയിലെ എയ്ഡഡ് സ്കൂൾ ആയ യു.പി.എസ് വിലങ്ങറയിൽ നിന്ന് തസ്തിക നഷ്ടപ്പെട്ട് സംരക്ഷിതാധ്യാപകനായി 2021 ഡിസംബർ 14 മുതൽ കുണ്ടറ ഉപജില്ലയിലെ എയ്ഡഡ് സ്കൂൾ ആയ യു.പി.എസ് നെടുമ്പനയിൽ ഹെഡ് ടീച്ചർ വേക്കൻസിയിൽ യു.പി.എസ്.ടി ആയി ജോലി നോക്കുകയായിരുന്നു സന്ദീപ്.