മന്ത്രി വീണ ജോർജിന്‍റെ ഭർത്താവിന്‍റെ കെട്ടിടത്തിനായി ഓടയുടെ ഗതിമാറ്റിയെന്ന് ആരോപണം; കൊടുമൺ പഞ്ചായത്തിൽ ഇന്ന് കോൺഗ്രസ് ഹർത്താൽ

കൊടുമൺ (പത്തനംതിട്ട): മന്ത്രി വീണ ജോർജിന്റെ ഭർത്താവ് ജോർജ് ജോസഫിന്റെ ഉടമസ്ഥതയിലുള്ള കെട്ടിടത്തിന് വേണ്ടി ഏഴംകുളം–കൈപ്പട്ടൂർ റോഡിലെ ഓടയുടെ ഗതിമാറ്റിയെന്ന് കോൺഗ്രസ് ആരോപണം. കൊടുമണ്ണിലെ പഞ്ചായത്ത് സ്റ്റേഡിയത്തിന് മുന്നിലെ ഓട നിർമാണത്തിനെതിരെയാണ് ആരോപണം ഉയർന്നത്. ഇതേതുടർന്ന് ഇന്നലെ ഉച്ചയോടെ ഓട നിർമാണം തടഞ്ഞ് കോൺഗ്രസ് പ്രവർത്തകർ സ്ഥലത്ത് കൊടികുത്തി.

സംഭവുമായി ബന്ധപ്പെട്ട് കോൺഗ്രസ് പഞ്ചായത്ത് അംഗങ്ങളായ അജികുമാർ രണ്ടാംകുറ്റി, എ.ജി. ശ്രീകുമാർ അടക്കം ഏഴ് പ്രവർത്തകരെ പൊലീസ് അറസ്റ്റ് ചെയ്തിരുന്നു. പൊലീസ് നടപടിയിൽ പ്രതിഷേധിച്ച് കൊടുമൺ പഞ്ചായത്തിൽ ഇന്ന് രാവിലെ ആറു മുതൽ വൈകിട്ട് ആറു വരെ കോൺഗ്രസ് ഹർത്താൽ പ്രഖ്യാപിച്ചിട്ടുണ്ട്. ‌‌

റോഡ് കൈയേറി ഓട നിർമിക്കുന്നത് ജോർജ് ജോസഫിന്റെ കടമുറികൾ സംരക്ഷിക്കാനെന്നാണ് കോൺഗ്രസ് ആരോപണം. ഓട നിർമാണവുമായി ബന്ധപ്പെട്ട് ചൊവ്വാഴ്ച രാവിലെ മുതൽ കോൺഗ്രസ് പ്രവർത്തകരുമായി തർക്കമായിരുന്നു. സി.പി.എം ജില്ല സെക്രട്ടറി കെ.പി. ഉദയഭാനു നേരിട്ട് സ്ഥലത്തെത്തി റോഡ് കൈയേറിയുള്ള ഓട പണിക്ക് നിർദേശം കൊടുത്തതാണ് തർക്കത്തിന് ഇടയാക്കിയത്.

ഇതറിഞ്ഞ് സി.പി.എം ഭരണത്തിലുള്ള പഞ്ചായത്ത് പ്രസിഡൻറ് കെ.കെ. ശ്രീധരൻ എത്തി പണികൾ തടയുകയും ചെയ്തു. പുറമ്പോക്ക് ഭൂമിയിൽ കൈയേറ്റമുണ്ടെന്ന് സ്ഥിരീകരിക്കുകയും ചെയ്തു. നേരത്തെ, പഞ്ചായത്ത് തലത്തിൽ പൊതുമരാമത്ത് വകുപ്പ് ഉഗ്യോഗസ്ഥർ ഉൾപ്പെടെയുള്ളവരുടെ സാന്നിധ്യത്തിൽ യോഗം കൂടി തീരുമാനിച്ചതിൽ നിന്ന് വ്യത്യസ്തമായാണ് ഇപ്പോൾ പണി നടന്നത്.

അതേസമയം, ആരോപണത്തിനെതിരെ മന്ത്രി വീണ ജോർജിന്‍റെ ഭർത്താവ് ജോർജ് ജോസഫ് രംഗത്തെത്തി. റോഡ് പുറമ്പോക്ക് കൈയേറിയിട്ടില്ലെന്നും കെട്ടിടം നിർമാണത്തിന് മുമ്പാണ് റോഡ് അലൈൻമെന്റ് നടത്തിയതെന്നും ജോർജ് ജോസഫ് പറഞ്ഞു. വികസനത്തിനായി സ്ഥലംവിട്ടുനൽകാൻ തയാറാണെന്നും അദ്ദേഹം വ്യക്തമാക്കി.

അതേസമയം, കി​ഫ്ബി പ​ദ്ധ​തി​യി​ൽ വി​ക​സി​പ്പി​ക്കു​ന്ന ഏ​ഴം​കു​ളം -കൈ​പ്പ​ട്ടൂ​ർ റോ​ഡ് പ​ണി​യി​ൽ അ​പാ​ക​ത​യെ​ന്ന് പ​രാ​തി ഉയർന്നിട്ടുണ്ട്. പ​ല​ഭാ​ഗ​ത്തും വീ​തി കു​റ​ഞ്ഞുവെന്നാണ് ആക്ഷേപം. 43 കോ​ടി രൂ​പ മു​ട​ക്കി 12 മീ​റ്റ​ർ വീ​തി​യി​ലാ​ണ് റോ​ഡ് വി​ക​സി​പ്പി​ക്കു​ന്ന​ത്. ഒ​മ്പ​ത് മീ​റ്റ​ർ വീ​തി​യി​ൽ ബി.​എം.​ബി.​സി നി​ല​വാ​ര​ത്തി​ലാ​ണ് ടാ​റി​ങ് ന​ട​ത്തു​ന്ന​ത്. എ​ന്നാ​ൽ, പ​ല​യി​ട​ത്തും റോ​ഡി​ന്റെ അ​ലൈ​ൻ​മെൻറ് മാ​റ്റു​ന്ന​താ​യാ​ണ് പ​രാ​തി. പാ​ല​ങ്ങ​ളു​ടെ​യും ഓ​ട​ക​ളു​ടെ​യും നി​ർ​മാ​ണം ശാ​സ്ത്രീ​യ​മ​ല്ലെ​ന്ന് നാ​ട്ടു​കാ​ർ പ​റ​യു​ന്നു.

കൊ​ടു​മ​ൺ ജ​ങ്ഷ​ൻ, സ്റ്റേ​ഡി​യം ഭാ​ഗം, ച​ന്ദ​ന​പ്പ​ള്ളി ഫെ​ഡ​റ​ൽ ബാ​ങ്കി​ന് മു​ൻ​വ​ശം എ​ന്നി​വി​ട​ങ്ങ​ളി​ൽ വീ​തി കു​റ​വാ​ണ​ന്ന്​ ആ​ക്ഷേ​പ​മു​ണ്ട്. ഇ​ത്​ സ്വ​കാ​ര്യ വ്യ​ക്​​തി​ക​​ളെ സം​ര​ക്ഷി​ക്കാ​ൻ വേ​ണ്ടി​യാ​ണ​ന്നാ​ണ്​ പ​രാ​തി. ഭ​ര​ണ​ക​ക്ഷി നേ​താ​ക്ക​ളും ഇ​തി​നാ​യി ഇ​ട​പെ​ട്ടി​ട്ടു​ണ്ട്. പു​റ​മ്പോ​ക്ക് ഭൂ​മി ഉ​ണ്ടാ​യി​ട്ടും അ​ത് റോ​ഡി​നോ​ട് ചേ​ർ​ക്കാ​തെ കൈ​യേ​റ്റ​ക്കാ​ർ​ക്ക് വി​ട്ടു​കൊ​ടു​ക്കു​ന്ന സ​മീ​പ​ന​മാ​ണു​ള്ള​തെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. കൊ​ടു​മ​ൺ പ​ഴ​യ പൊലീ​സ് സ്റ്റേ​ഷ​ൻ ജ​ങ്ഷ​ൻ മു​ത​ൽ ഇ​പ്പോ​ഴ​ത്തെ പൊലീ​സ് സ്റ്റേ​ഷ​ന്റെ മു​ൻ​വ​ശം വ​രെ ഓ​ട റോ​ഡി​ലേ​ക്ക് ഇ​റ​ക്കി​യാ​ണ് പ​ണി​തി​ട്ടു​ള്ള​ത്.

വാ​ഴ​വി​ള പാ​ലം മു​ത​ൽ പ​ഴ​യ പൊ​ലീ​സ് സ്റ്റേ​ഷ​ൻ ജ​ങ്ഷ​ൻ വ​രെ​യു​ള്ള നി​ർ​മാ​ണ​ത്തി​ലെ അ​പാ​ക​ത പ​രി​ഹ​രി​ക്കാ​ൻ ക​ഴി​ഞ്ഞി​ട്ടി​ല്ല. സ്​​റ്റേ​ഡി​യം ഭാ​ഗ​ത്ത്​ വീ​തി തീ​രെ​യി​ല്ല. പ​ഴ​യ പൊലീ​സ് സ്റ്റേ​ഷ​ൻ, വാ​ഴ​വി​ള എ​ന്നി​വി​ട​ങ്ങ​ളി​ൽ പു​തി​യ പാ​ല​ങ്ങ​ൾ പ​ണി​തു. എ​ന്നാ​ൽ, പാ​ല​ത്തി​ന്റെ അ​ടി​യി​ലൂ​ടെ പോ​കു​ന്ന കൂ​റ്റ​ൻ ജ​ല​വി​ത​ര​ണ പൈ​പ്പു​ക​ൾ മ​ഴ​ക്കാ​ല​ത്ത് തോ​ട്ടി​ലെ ജ​ല​മൊ​ഴു​ക്ക്​ ത​ട​സ്സ​പ്പെ​ടു​ത്തു​മെ​ന്ന് ഉ​റ​പ്പാ​ണ്. ഇ​ത് വെ​ള്ള​പ്പൊ​ക്ക​ത്തി​ന് ഇ​ട​യാ​ക്കും. പൈ​പ്പു​ക​ൾ ഉ​യ​ർ​ത്തി വെ​ക്ക​ണ​മെ​ന്നാ​വ​ശ്യ​മാ​ണ് വ്യാ​പാ​രി​ക​ൾ​ക്കു​ള്ള​ത്. പ​ഴ​യ പൊ​ലീ​സ് സ്റ്റേ​ഷ​ൻ ജ​ങ്ഷ​നി​ലെ ആ​ൽ​മ​രം റോ​ഡ് വി​ക​സ​ന​ത്തി​ന്റെ ഭാ​ഗ​മാ​യാ​ണ് മു​റി​ച്ചു​മാ​റ്റി​യ​ത്.

എ​ന്നാ​ൽ, ടാ​റി​ടു​ന്ന ഭാ​ഗ​വും ഓ​ട​യും ക​ഴി​ഞ്ഞ് മാ​റി​നി​ന്ന ആ​ൽ​മ​രം മു​റി​ച്ചു​ ക​ള​ഞ്ഞ​ത്​ നാ​ട്ടു​കാ​രു​ടെ വി​മ​ർ​ശ​ന​ത്തി​ന്​ ഇ​ട​യാ​ക്കി. ഓ​ട എ​ടു​ത്ത​പ്പോ​ൾ ആ​ൽ​മ​ര​ത്തി​ന്റെ കു​റ്റി പി​ഴു​ത് മാ​റ്റി​യി​ട്ടി​ല്ല. ഓ​ട പ​ണി​തി​രി​ക്കു​ന്ന​തും അ​ശാ​സ്ത്രീ​യ​മാ​യാ​ണ്. കൈ​യേ​റ്റ​ഭൂ​മി തി​രി​ച്ചു​ പി​ടി​ച്ച് ശാ​സ്ത്രീ​യ​മാ​യി റോ​ഡ് വി​ക​സ​നം ന​ട​ത്ത​ണ​മെ​ന്ന്‌ നാ​ട്ടു​കാ​ർ പ​റ​യു​ന്നു. ഇ​ട​ത്തി​ട്ട മു​ത​ൽ ച​ന്ദ​ന​പ്പ​ള്ളി ജ​ങ്ഷ​ൻ വ​രെ പ​ല​ഭാ​ഗ​ത്തും ഓ​ട പ​ണി​തി​ട്ടി​ല്ല. വേ​ന​ൽ​മ​ഴ​യി​ലെ കു​ത്തൊ​ഴു​ക്കി​ൽ റോ​ഡ്​ ക​വി​ഞ്ഞാ​ണ് വെ​ള്ളം ഒ​ഴു​കി​യ​ത്. റോ​ഡ് ഉ​യ​ർ​ത്തി​യാ​ലും ഇ​തു​ത​ന്നെ​യാ​കും സം​ഭ​വി​ക്കു​ക. പൊ​ന്നെ​ടു​ത്താം​കു​ഴി ഭാ​ഗ​ത്ത് ഉ​റ​വ​വെ​ള്ളം കെ​ട്ടി​ക്കി​ട​ക്കു​ന്ന​തും ഭീ​ഷ​ണി​യാ​ണ്.