12,000 കോടി കടമെടുപ്പിന്​ കടമ്പകളേറെ; ജൽജീവനിൽ വെള്ളംകുടിച്ച്​ ജല അതോറിറ്റി

തി​രു​വ​ന​ന്ത​പു​രം: ജ​ൽ​ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി പൂ​ർ​ത്തി​യാ​ക്കാ​ൻ 12,000 കോ​ടി ക​ട​മെ​ടു​ക്കാ​നു​ള്ള ജ​ല അ​തോ​റി​റ്റി നീ​ക്കം പ്രാ​വ​ർ​ത്തി​ക​മാ​ക്കാ​ൻ ക​ട​മ്പ​ക​ളേ​റെ. സ​ർ​ക്കാ​ർ ഗാ​ര​ന്‍റി​യോ​ടെ ജ​ല അ​തോ​റി​റ്റി​യെ​​കൊ​ണ്ട്​ ക​ട​മെ​ടു​പ്പി​ക്കാ​നു​ള്ള ന​ട​പ​ടി​ക​ളാ​ണ്​ ജ​ല​വി​ഭ​വ വ​കു​പ്പി​ൽ പു​രോ​ഗ​മി​ക്കു​ന്ന​ത്. ഹ​ഡ്​​കോ, എ​ൽ.​ഐ.​സി, ന​ബാ​ർ​ഡ്​ എ​ന്നീ ഏ​ജ​ൻ​സി​ക​ളെ സ​മീ​പി​ച്ച്​ വാ​യ്പ ത​ര​പ്പെ​ടു​ത്താ​നു​ള്ള ശ്ര​മ​ങ്ങ​ൾ അ​തോ​റി​റ്റി​യു​ടെ തി​രി​ച്ച​ട​വ്​ ശേ​ഷി ക​ണ​ക്കാ​ക്കി​യാ​ൽ സാ​ധ്യ​മാ​വു​മോ​യെ​ന്ന്​ സം​ശ​യ​മാ​ണ്. സ​ർ​ക്കാ​ർ ഗാ​ര​ന്‍റി​ക്ക്​ ത​യാ​റാ​യി​ട്ടും കെ.​എ​സ്.​ആ​ർ.​ടി.​സി​ക്ക്​ വാ​യ്പ ന​ൽ​കാ​ൻ ധ​ന​കാ​ര്യ സ്ഥാ​പ​ന​ങ്ങ​ൾ മ​ടി​ക്കു​ന്ന സാ​ഹ​ച​ര്യ​മു​ണ്ട്. ജ​ല അ​തോ​റി​റ്റി​യു​ടെ കാ​ര്യ​ത്തി​ലും സ​മാ​ന സാ​ഹ​ച​ര്യ​ത്തി​നാ​ണ്​ സാ​ധ്യ​ത.

ശ​മ്പ​ളം, പെ​ൻ​ഷ​ൻ, ദൈ​നം​ദി​ന ചെ​ല​വു​ക​ൾ എ​ന്നി​വ​ക്ക​പ്പു​റം ഭാ​രി​ച്ച ചെ​ല​വു​ക​ൾ​ക്ക്​ പ​ണം നീ​ക്കി​വെ​ക്കാ​നു​ള്ള സാ​മ്പ​ത്തി​ക സ്ഥി​തി നി​ല​വി​ൽ ജ​ല അ​തോ​റി​റ്റി​ക്കി​ല്ലെ​ന്ന്​ ക​ണ​ക്കു​ക​ൾ വ്യ​ക്ത​മാ​ക്കു​ന്നു. അ​ടു​ത്തി​ടെ ​വെ​ള്ള​ക്ക​രം വ​ർ​ധി​പ്പി​ച്ച​തി​നാ​ലാ​ണ്​​ ശ​മ്പ​ള​വും പെ​ൻ​ഷ​നും മു​ട​ങ്ങാ​തെ മു​ന്നോ​ട്ടു​പോ​കു​ന്ന​ത്. വി​ര​മി​ച്ച ജീ​വ​ന​ക്കാ​രു​ടെ ആ​നു​കൂ​ല്യ​ങ്ങ​ൾ വ​ർ​ഷ​ങ്ങ​ൾ ക​ഴി​ഞ്ഞി​ട്ടും കൊ​ടു​ത്തു​തീ​ർ​ത്തി​ട്ടി​ല്ല. വൈ​ദ്യു​ത ചാ​ർ​ജി​ന​ത്തി​ൽ ന​ൽ​കാ​നു​ള്ള കു​ടി​ശ്ശി​ക​യ​ട​ക്കം കോ​ടി​ക​ളു​ടെ ബാ​ധ്യ​ത​യും മു​ന്നി​ലു​ണ്ട്.

കേ​ന്ദ്ര-​സം​സ്ഥാ​ന-​പ്രാ​ദേ​ശി​ക സ​ർ​ക്കാ​റു​ക​ളു​ടെ​യും ഗു​ണ​ഭോ​ക്താ​ക്ക​ളു​ടെ​യും സം​യു​ക്ത ധ​ന​സ​ഹാ​യ​ത്തോ​ടെ എ​ല്ലാ ഗ്രാ​മീ​ണ ഭ​വ​ന​ങ്ങ​ളി​ലും ശു​ദ്ധ​ജ​ലം എ​ത്തി​ക്കു​ക എ​ന്ന ല​ക്ഷ്യ​ത്തോ​ടെ വി​ഭാ​വ​നം ചെ​യ്ത പ​ദ്ധ​തി​യാ​ണ്​ ജ​ൽ​ജീ​വ​ന്‍. വി​ഭാ​വ​നം ചെ​യ്ത​ത​നു​സ​രി​ച്ച് ഉ​ട​മ​സ്ഥാ​വ​കാ​ശം പൂ​ർ​ണ​മാ​യും പ്രാ​ദേ​ശി​ക സ​ർ​ക്കാ​റു​ക​ളി​ൽ നി​ക്ഷി​പ്ത​മാ​ണ്. ​അ​തേ​സ​മ​യം, പ​ദ്ധ​തി​ക്ക്​ ന​ൽ​​കേ​ണ്ട 15 ശ​ത​മാ​നം ത​​ദ്ദേ​ശ സ്ഥാ​പ​ന വി​ഹി​ത​വും 10 ശ​ത​മാ​നം ഗു​ണ​ഭോ​ക്തൃ​വി​ഹി​ത​വും ല​ഭ്യ​മാ​ക്കാ​ൻ ജ​ല അ​തോ​റി​റ്റി മാ​നേ​ജ്മെൻറ് ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന ആ​ക്ഷേ​പ​വും ഉ​യ​രു​ന്നു. ക​ഴി​ഞ്ഞ ജൂ​ൺ മു​ത​ൽ നോ​ൺ പ്ലാ​ൻ ഗ്രാ​ന്‍റ്​ ​ജ​ല അ​തോ​റി​റ്റി​ക്ക്​ ന​ൽ​കാ​ൻ സം​സ്ഥാ​ന സ​ർ​ക്കാ​ർ ത​യാ​റാ​വാ​ത്ത​തും പ്ര​തി​സ​ന്ധി രൂ​ക്ഷ​മാ​ക്കു​ന്നു.