ഒത്തുതീർപ്പിൽനിന്ന്​ പിന്മാറുമെന്ന്​ ഡ്രൈവിങ്​ സ്‌കൂൾ ഉടമകൾ

തി​രു​വ​ന​ന്ത​പു​രം: ഡ്രൈ​വി​ങ്​ ടെ​സ്‌​റ്റ്‌ ഗ്രൗ​ണ്ടി​ൽ ഇ​ൻ​സ്‌​ട്ര​ക്‌​ട​ർ​മാ​ർ വേ​ണ​മെ​ന്ന നി​ർ​ദേ​ശം പി​ൻ​വ​ലി​ക്കു​ക, അ​പേ​ക്ഷ​ക​ർ​ക്ക്‌ ഡ്രൈ​വി​ങ്​ ടെ​സ്‌​റ്റി​നാ​യു​ള്ള സ്ളോ​ട്ടു​ക​ൾ അ​നു​വ​ദി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ വീ​ണ്ടും ഉ​ന്ന​യി​ച്ച്‌ ഡ്രൈ​വി​ങ്​ സ്‌​കൂ​ൾ ഉ​ട​മ​ക​ളു​ടെ കൂ​ട്ടാ​യ്‌​മ. ഒ​ത്തു​തീ​ർ​പ്പ്‌ ച​ർ​ച്ച​യി​ൽ പ​റ​ഞ്ഞ ഒ​രു കാ​ര്യ​വും ന​ട​പ്പാ​കാ​ത്ത​തി​നാ​ൽ ഒ​ത്തു​തീ​ർ​പ്പ്‌ വ്യ​വ​സ്ഥ​ക​ളി​ൽ​നി​ന്ന്‌ പി​ന്മാ​റു​ക​യാ​ണെ​ന്നും കൂ​ട്ടാ​യ്‌​മ ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

10 ല​ക്ഷ​ത്തോ​ളം അ​പേ​ക്ഷ​ക​രാ​ണ്‌ ലേ​ണേ​ഴ്‌​സ്‌ ക​ഴി​ഞ്ഞ്‌ ഡ്രൈ​വി​ങ്​ ടെ​സ്‌​റ്റി​നാ​യി കാ​ത്തി​രി​ക്കു​ന്ന​ത്‌. എ​ന്നി​ട്ട്‌ മ​ന്ത്രി പ​റ​ഞ്ഞ​ത്‌ ര​ണ്ട​ര ല​ക്ഷം പേ​ർ മാ​ത്ര​മേ​യു​ള്ളൂ​വെ​ന്നാ​ണ്‌. ച​ർ​ച്ച ന​ട​ന്ന്‌ 13 ദി​വ​സം ക​ഴി​ഞ്ഞി​ട്ടും ഒ​രാ​ൾ​ക്കു പോ​ലും ഡ്രൈ​വി​ങ്​ ടെ​സ്‌​റ്റി​നാ​യി സ്ളോ​ട്ട്‌ അ​നു​വ​ദി​ച്ച്‌ കി​ട്ടി​യി​ട്ടി​ല്ല. ഒ​ത്തു​തീ​ർ​പ്പ്‌ വ്യ​വ​സ്ഥ ന​ട​പ്പാ​ക്കി​യി​ല്ലെ​ന്ന്‌ കോ​ട​തി​യെ ബോ​ധ്യ​പ്പെ​ടു​ത്തു​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു.