ആമസോണിൽ ഓർഡർ ചെയ്തത് ഡ്രോൺ കാമറ; ലഭിച്ചത് 10 രൂപയുടെ​ ബിസ്കറ്റ്

തൃശൂർ: ഓൺലൈനിലൂടെ 3,999 രൂപയുടെ ഡ്രോൺ ഓർഡർ ചെയ്തയാൾക്ക് ലഭിച്ചത് 10 രൂപയുടെ രണ്ട് പാക്കറ്റ്​ ബിസ്കറ്റ്. വരന്തരപ്പിള്ളി വേലൂപ്പാടം സ്വദേശിയാണ് കബളിപ്പിക്കപ്പെട്ടത്.

ആമസോണിലൂടെ ഈ മാസം ഒന്നിനാണ്​ കാമറ സൗകര്യമുള്ള ടോയ് ഡ്രോൺ ഓർഡർ ചെയ്തത്. ഇതിന് മുൻകൂറായി പണവും അടച്ചു.

ശനിയാഴ്ച വൈകീട്ടാണ് പാഴ്​സൽ ലഭിച്ചത്​. തുറന്ന് നോക്കിയപ്പോഴാണ് രണ്ട് പാക്കറ്റ് പാർലെ ജി ബിസ്കറ്റ് കണ്ടെത്തിയത്. ആമസോണി​െൻറ കസ്​റ്റമർ കെയറിൽ പരാതി അറിയിച്ചിട്ടുണ്ട്​.