മലപ്പുറത്ത് വീണ്ടും വന്‍ ലഹരിവേട്ട

പാ​ണ്ടി​ക്കാ​ട്: ബം​ഗ​ളൂ​രു​വി​ൽ​നി​ന്ന് കാ​റിൽ മ​ല​പ്പു​റം ജി​ല്ല​യി​ലേ​ക്ക് ക​ട​ത്തി​യ 103 ഗ്രാം ​മെ​ഥി​ലി​ന്‍ ഡ​യോ​ക്സി മെ​ത്ത് ആം​ഫി​റ്റ​മി​നു​മാ​യി (എം.​ഡി.​എം.​എ) ര​ണ്ടു​പേ​ര്‍ പാ​ണ്ടി​ക്കാ​ട് പൊ​ലീ​സി​ന്‍റെ പി​ടി​യി​ല്‍.

കു​മ​രം​പു​ത്തൂ​ര്‍ സ്വ​ദേ​ശി പ​ള്ളി​യാ​ല്‍തൊ​ടി ഉ​മ്മ​ര്‍ ഫാ​റൂ​ഖ് (41), പ​ട്ടി​ക്കാ​ട് വ​ല​മ്പൂ​ര്‍ സ്വ​ദേ​ശി പു​ത്ത​ന്‍വീ​ട്ടി​ല്‍ ഷ​മീ​ല്‍ (29) എ​ന്നി​വ​രാ​ണ് പി​ടി​യി​ലാ​യ​ത്.

നി​ര​വ​ധി ക്രി​മി​ന​ല്‍, ല​ഹ​രി​ക്ക​ട​ത്ത് കേ​സു​ക​ളി​ൽ പ്ര​തി​ക​ളും ബം​ഗ​ളൂ​രു കേ​ന്ദ്രീ​ക​രി​ച്ച് മ​ല​പ്പു​റം, പാ​ല​ക്കാ​ട് ജി​ല്ല​ക​ളി​ലേ​ക്ക് മാ​ര​ക ല​ഹ​രി​മ​രു​ന്നു​ക​ള്‍ ക​ട​ത്തു​ന്ന മു​ഖ്യ​ക​ണ്ണി​ക​ളു​മാ​ണ് ഇ​വ​രെ​ന്ന് പൊ​ലീ​സ് പ​റ​ഞ്ഞു. പാ​ണ്ടി​ക്കാ​ട് ടൗ​ണി​ന് സ​മീ​പം മേ​ലാ​റ്റൂ​ര്‍ റോ​ഡി​ല്‍ രാ​ത്രി​യാ​ണ് പ്ര​തി​ക​ൾ പി​ടി​യി​ലാ​യ​ത്.

ഉ​മ്മ​ര്‍ ഫാ​റൂ​ഖി​ന്‍റെ കാ​ലി​ല്‍ സെ​ല്ലോ​ടേ​പ്പ് ചു​റ്റി അ​തി​നു​ള്ളി​ല്‍ ഒ​ളി​പ്പി​ച്ച നി​ല​യി​ലാ​ണ് എം.​ഡി.​എം.​എ ക​ട​ത്തി​യി​രു​ന്ന​ത്. നാ​ട്ടി​ലെ​ത്തി​ച്ച ശേ​ഷം ചെ​റി​യ പാ​ക്ക​റ്റു​ക​ളി​ലാ​ക്കി ചെ​റു​കി​ട ക​ച്ച​വ​ട​ക്കാ​ര്‍ക്ക് വി​ല്‍പ​ന​ക്കാ​യി കൈ​മാ​റു​ക​യാ​ണ് പ​തി​വ്.

മാ​സ​ങ്ങ​ള്‍ക്കു​ള്ളി​ല്‍ ഉ​മ്മ​ർ ഫാ​റൂ​ഖ് പ​ല​ത​വ​ണ​യാ​യി കേ​ര​ള​ത്തി​ലെ​ത്തി​ച്ച​ത് കോ​ടി​ക്ക​ണ​ക്കി​ന് രൂ​പ വി​ല​വ​രു​ന്ന മ​യ​ക്കു​മ​രു​ന്നാ​ണെ​ന്ന് പൊ​ലീ​സ് പ​റ​യു​ന്നു.