'ല​ഹ​രി​യോ​ട് നോ​ പ​റ​ഞ്ഞാ​ൽ, ലൈ​ഫ് ഈ​സ് ബ്യൂ​ട്ടി​ഫു​ൾ’

മ​ദ്യ​ത്തി​ന് കു​ടും​ബ​ങ്ങ​ളി​ൽ സ്വീ​കാ​ര്യ​ത കൂ​ടു​ന്ന​ത് കു​ട്ടി​ക​ളി​ൽ ല​ഹ​രി ആ​സ​ക്തി​യു​ണ്ടാ​ക്കു​ന്നു

കോ​ഴി​ക്കോ​ട്: ‘ഹാ​യ്’ പ​റ​ഞ്ഞു​വ​രു​ന്ന ല​ഹ​രി​യോ​ട് തു​ട​ക്ക​ത്തി​ലേ ബൈ ​പ​റ​ഞ്ഞാ​ൽ ജീ​വി​തം ‘സു​ന്ദ​ര​മാ​കും’. അ​ല്ലാ​ത്ത​പ​ക്ഷം ദാ​മ്പ​ത്യ​ബ​ന്ധം ത​ക​രു​ന്ന​തി​ന്റെ​യും പി​താ​വ് മ​ക​​ൾ​ക്കു​നേ​രെ പോ​ലും ലൈം​ഗി​കാ​തി​ക്ര​മം കാ​ട്ടു​ന്ന​തി​ന്റെ​യു​മൊ​ക്കെ വാ​ർ​ത്ത​ക​ൾ നി​ര​ന്ത​രം വ​ന്നു​കൊ​ണ്ടി​രി​ക്കും.

കോ​ഴി​ക്കോ​ട് റൂ​റ​ൽ പൊ​ലീ​സ് പ​രി​ധി​യി​ൽ മൂ​ന്നു​വ​ർ​ഷ​ത്തി​നി​ടെ സ്വ​ന്തം പി​താ​വി​ൽ​നി​ന്നും അ​മ്മ​യു​ടെ ര​ണ്ടാം ഭ​ർ​ത്താ​വി​ൽ​നി​ന്നു​മാ​യി ലൈം​ഗി​കാ​തി​ക്ര​മം നേ​രി​ട്ട സം​ഭ​വ​ങ്ങ​ളി​ൽ ഏ​ഴ് കേ​സു​ക​ളാ​ണ് ര​ജി​സ്റ്റ​ർ ചെ​യ്ത​ത്. ഇ​തി​ൽ നാ​ലി​ലെ​യും പ്ര​തി​ക​ൾ സ്ഥി​ര​മാ​യി ല​ഹ​രി ഉ​പ​യോ​ഗി​ക്കു​ന്ന​വ​രാ​യി​രു​ന്നു.

ഒ​രു കേ​സി​​ൽ കു​ട്ടി​യെ ല​ഹ​രി ഉ​പ​യോ​ഗി​ക്കാ​ൻ നി​ർ​ബ​ന്ധി​ച്ചാ​യി​രു​ന്നു ​ലൈം​ഗി​ക പീ​ഡ​ന​ത്തി​നി​ര​യാ​ക്കി​യ​തെ​ന്നും പൊ​ലീ​സ് അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്.

കോ​ഴി​ക്കോ​ട് കു​ടും​ബ​കോ​ട​തി​യി​ൽ വി​ചാ​ര​ണ ന​ട​ക്കു​ന്ന വി​വാ​ഹ മോ​ച​ന കേ​സു​ക​ളി​ൽ മു​പ്പ​ത് ശ​ത​മാ​ന​ത്തോ​ളം കു​ടും​ബ ബ​ന്ധ​ങ്ങ​ളെ​യും ത​ക​ർ​ത്തു​തു​ട​ങ്ങി​യ​ത് മ​ദ്യ​വും മ​യ​ക്കു​മ​രു​ന്നു​മാ​ണെ​ന്നും കാ​ണാ​നാ​വും. ല​ഹ​രി​യു​ടെ ‘ബാ​ല​പാ​ഠ​ങ്ങ​ൾ’ മി​ക്ക കു​ട്ടി​ക​ളും ക​ണ്ടു​പ​ഠി​ക്കു​ന്ന​ത് കു​ടും​ബ​ത്തി​ൽ​നി​ന്നു​ത​​ന്നെ​യാ​ണ് എ​ന്ന​താ​ണ് മ​റ്റൊ​രു വ​സ്തു​ത. ര​ക്ഷി​താ​വ​ട​ക്ക​മു​ള്ള​വ​ർ കു​ട്ടി​ക​ളു​ടെ മു​ന്നി​ൽ പു​ക​വ​ലി​ക്കു​ന്ന​തും മ​ദ്യ​പി​ക്കു​ന്ന​തു​മെ​ല്ലാം അ​വ​രി​ൽ വ​ലി​യ സ്വാ​ധീ​നം​ചെ​ലു​ത്തും. കു​ട്ടി​ക​ൾ പി​ന്നീ​ട് ഇ​വ ഉ​പ​യോ​ഗി​ക്കാ​നു​ള്ള സാ​ധ്യ​ത കൂ​ട്ടു​ക​യും ചെ​യ്യും. കു​ടും​ബ​ത്തി​ൽ​പോ​ലും ല​ഹ​രി​വ​സ്തു​ക്ക​ൾ​ക്ക് വ​ലി​യ പ്ര​ചാ​രം ല​ഭി​ക്കു​ന്ന​തും ഭീ​ഷ​ണി​യാ​ണ്.

പി​റ​ന്നാ​ളാ​ഘോ​ഷ​ത്തി​ൽ കേ​ക്കി​നേ​ക്കാ​ൾ പ്രാ​ധാ​ന്യം മ​ദ്യ​ത്തി​ന് ന​ൽ​കു​ന്ന സ്ഥി​തി​യാ​ണ് പ​ല​യി​ട​ത്തു​മി​ന്ന്. ആ​ഘോ​ഷ​വേ​ള​യി​ൽ സ​ന്തോ​ഷ​ത്തി​ന് ല​ഹ​രി രു​ചി​ക്കു​ന്ന കു​ട്ടി​ക​ൾ പി​ന്നീ​ട് ഇ​തി​നു പി​ന്നാ​ലെ പോ​വു​ക​യാ​ണ്.

ചൈ​ൽ​ഡ് ലൈ​നി​ലെ​യ​ട​ക്കം കൗ​ൺ​സി​ല​ർ​മാ​ർ ഇ​ക്കാ​ര്യം സാ​ക്ഷ്യ​പ്പെ​ടു​ത്തു​ന്നു. കു​ട്ടി​ക​ൾ വ​ഴി​പി​ഴ​ച്ചെ​ന്ന് പ​റ​ഞ്ഞ് നാ​ളെ​യി​രു​ന്ന് ക​ര​യു​ന്ന​തി​നു​പ​ക​രം ഇ​ന്ന​വ​രെ നേ​ർ​വ​ഴി​ക്കു​മാ​ത്രം ന​ട​ത്താ​നു​ള്ള ഉ​ത്ത​ര​വാ​ദി​ത്ത​മാ​ണ് കു​ടും​ബ​ങ്ങ​ളി​ൽ​നി​ന്നു​ണ്ടാ​വേ​ണ്ട​ത്. അ​തി​ന് കു​ട്ടി​ക​ൾ​ക്കു​ള്ള ന​ല്ല മാ​തൃ​ക​ക​ളാ​യി മാ​താ​പി​താ​ക്ക​ൾ മാ​റ​ണം.

ചാ​ക​ര​പോ​ലെ ചാ​രാ​യം ​

എ.​കെ. ആ​ന്റ​ണി മു​ഖ്യ​മ​ന്ത്രി​യാ​യി​രി​ക്കെ 1996 ഏ​പ്രി​ൽ ഒ​ന്നി​നാ​ണ് സം​സ്ഥാ​ന​ത്ത് ചാ​രാ​യം നി​രോ​ധി​ച്ച​ത്. എ​ന്നാ​ൽ, മൂ​ന്നു പ​തി​റ്റാ​ണ്ടോ​ള​മാ​യി​ട്ടും ജി​ല്ല​യി​ലെ മ​ല​യോ​ര​മേ​ഖ​ല​യി​ല​ട​ക്കം വാ​റ്റു​ചാ​രാ​യം ഇ​പ്പോ​ഴും സു​ല​ഭ​മാ​ണ്.

ക​ട്ടി​പ്പാ​റ ച​മ​ലി​ലെ പൂ​വ​ൻ​മ​ല, ക​ന്നൂ​ട്ടി​പ്പാ​റ, ബാ​ലു​ശ്ശേ​രി​ക്ക​ടു​ത്ത ക​ണ്ണാ​ടി​പ്പൊ​യി​ൽ, കു​റു​മ്പൊ​യി​ൽ, കാ​ക്കൂ​ർ​മ​ല, കോ​ട​ഞ്ചേ​രി​യി​ലെ ചെ​മ്പു​ക​ട​വ്, തി​രു​വ​മ്പാ​ടി​യി​ലെ മു​ത്ത​പ്പ​ൻ​പു​ഴ ഭാ​ഗം എ​ന്നി​വി​ട​ങ്ങ​ളെ​ല്ലാം വാ​റ്റു​ചാ​രാ​യം ഇ​പ്പോ​ഴും സു​ല​ഭ​മാ​യി കി​ട്ടു​ന്ന പ്ര​ദേ​ശ​ങ്ങ​ളാ​ണ്.

ഓ​ണം, വി​ഷു, വി​വാ​ഹം, മ​ര​ണം എ​ന്നീ വേ​ള​ക​ളി​ൽ പ്ര​ത്യേ​ക​മാ​യി ചാ​രാ​യം വാ​റ്റി​ന​ൽ​കു​ന്ന​വ​ർ പോ​ലും ഇ​പ്പോ​ഴും ജി​ല്ല​യി​ലു​ണ്ട്. ഉ​ത്സ​വ​സീ​സ​ണി​ലെ സ്​​പെ​ഷ​ൽ ഡ്രൈ​വു​ക​ളി​ൽ ചാ​രാ​യ​മു​ണ്ടാ​ക്കാ​നു​ള്ള കോ​ട വ​ൻ​തോ​തി​ലാ​ണ് ഇ​പ്പോ​ഴും പി​ടി​കൂ​ടു​ന്ന​ത്. നി​രോ​ധി​ച്ച ഹ​ൻ​സ്, പാ​ൻ​പ​രാ​ഗ് അ​ട​ക്ക​മു​ള്ള പു​ക​യി​ല ഉ​ൽ​പ​ന്ന​ങ്ങ​ളും അ​ധി​ക​വി​ല​യ്ക്ക് നാ​ട്ടി​ൻ​പു​റ​ങ്ങ​ളി​ലെ ക​ട​ക​ളി​ൽ സു​ല​ഭ​മാ​ണ്.

വ​ട​ക​രയി​ൽ ത​കൃ​തിയായി ചി​ല്ല​റ​വി​ൽ​പ​ന

വ​ട​ക​ര​യി​ലെ ബ​സ് സ്റ്റാ​ൻ​ഡു​ക​ൾ, ലി​ങ്ക് റോ​ഡ്, റെ​യി​ൽ​വേ സ്റ്റേ​ഷ​ൻ പ​രി​സ​രം, ന​ട​ക്കു​താ​ഴെ​യ​ട​ക്കം പ്ര​ദേ​ശ​ങ്ങ​ൾ, എ​ൻ.​സി ക​നാ​ലി​ന്റെ വി​വി​ധ തീ​ര​ങ്ങ​ൾ, വി​ല്യാ​പ്പ​ള്ളി​യി​ലെ ചി​ല ഭാ​ഗ​ങ്ങ​ൾ എ​ന്നി​വി​ട​ങ്ങ​ളി​ലെ​ല്ലാം മ​യ​ക്കു​മ​രു​ന്ന് ചി​ല്ല​റ​വ്യാ​പാ​രം ത​കൃ​തി​യാ​ണ്.

എ​ൻ.​സി ക​നാ​ൽ പ​രി​സ​ര​ത്തെ ക്വാ​ർ​ട്ടേ​ഴ്‌​സ് കേ​ന്ദ്രീ​ക​രി​ച്ച് വാ​ട​ക​ക്കാ​രി​യാ​യ യു​വ​തി​യു​ടെ നേ​തൃ​ത്വ​ത്തി​ൽ മ​യ​ക്കു​മ​രു​ന്നു വ്യാ​പാ​രം ന​ട​ക്കു​ന്ന​താ​യും ആ​രോ​പ​ണ​മു​ണ്ട്.

ക​ണ്ണൂ​രി​ൽ മൂ​ന്ന് മ​യ​ക്കു​മ​രു​ന്ന് കേ​സി​ൽ പ്ര​തി​യാ​യ ഇ​വ​ർ ഏ​ജ​ന്റു​മാ​രെ നി​യോ​ഗി​ച്ച് ല​ഹ​രി​വ്യാ​പാ​രം ന​ട​ത്തു​ന്ന​താ​യാ​ണ് പ​രാ​തി. നേ​ര​ത്തെ മ​റ്റൊ​രി​ട​ത്ത് താ​മ​സി​ച്ച ഇ​വ​ർ​ക്കെ​തി​രെ നാ​ട്ടു​കാ​ർ പ്ര​ശ്ന​മു​ണ്ടാ​ക്കി​യ​തോ​ടെ ​കെ​ട്ടി​ട ഉ​ട​മ​ത​ന്നെ ‘ഓ​ടി​ക്കു​ക​യാ​യി​രു​ന്നു’. ല​ഹ​രി​ക്കാ​രെ കു​റി​ച്ച് പൊ​ലീ​സ്, എ​ക്സെ​സ് ഉ​ദ്യോ​ഗ​സ്ഥ​ർ​ക്ക് വി​വ​രം ന​ൽ​കി​യാ​ൽ പ​രി​ശോ​ധ​ന ന​ട​ത്തു​ന്നി​ല്ലെ​ന്നും നാ​ട്ടു​കാ​ർ​ക്ക് പ​രാ​തി​യു​ണ്ട്.

കൊ​യി​ലാ​ണ്ടി​യി​ലെ ഷോ​പ്പി​ങ് കോം​പ്ല​ക്സി​ൽ പ​രി​ശോ​ധ​ന​ക്കെ​ത്തി​യ നാ​ല് എ​ക്സൈ​സ് ഉ​ദ്യോ​ഗ​സ്ഥ​രെ ല​ഹ​രി​മാ​ഫി​യ ആ​ക്ര​മി​ച്ച​ത് അ​ടു​ത്തി​ടെ​യാ​ണ്. ജൂ​​ലൈ​യി​ൽ പെ​രു​വ​ട്ടൂ​രി​ലും എ​ക്സൈ​സി​നെ​തി​രെ ആ​ക്ര​മ​ണ​മു​ണ്ടാ​യി​രു​ന്നു. നാ​ദാ​പു​രം ടൗ​ണി​നോ​ട് ചേ​ർ​ന്നു​ള്ള ഒ​റ്റ​പ്പെ​ട്ട ഭാ​ഗ​ങ്ങ​ളി​ലും ല​ഹ​രി ഇ​ട​പാ​ടു​ക​ൾ സ​ജീ​വ​മാ​ണ്.

താ​മ​ര​ശ്ശേ​രി​യി​ൽ​ അകമ്പടി ‘വേ​ട്ട​നാ​യ്ക്ക​ൾ’

താ​മ​ര​ശ്ശേ​രി അ​മ്പ​ല​മു​ക്കി​ലെ ഒ​ഴി​ഞ്ഞ പ​റ​മ്പ് വാ​ങ്ങി അ​യ്യൂ​ബി​ന്റെ നേ​തൃ​ത്വ​ത്തി​ൽ കൊ​ച്ചി​യി​ൽ​നി​ന്ന​ട​ക്ക​മു​ള്ള ല​ഹ​രി​സം​ഘം ത​മ്പ​ടി​ച്ച​ത് നാ​ട്ടു​കാ​ർ ​അ​റി​യി​ച്ചെ​ങ്കി​ലും പ​രി​ശോ​ധ​ന​ക്ക് ആ​വ​ശ്യ​ത്തി​ന് ജീ​വ​ന​ക്കാ​രി​ല്ലെ​ന്നാ​യി​രു​ന്നു പൊ​ലീ​സി​ന്റെ​യും എ​ക്സൈ​സി​ന്റെ​യും നി​ല​പാ​ട്.

പ​രി​സ​ര​വാ​സി​ക​ൾ​ക്ക​ട​ക്കം ഇ​വ​ർ ഭീ​ഷ​ണി​യാ​യ​തോ​​ടെ കു​ടും​ബ​ങ്ങ​ൾ വീ​ടി​ന്റെ സു​ര​ക്ഷ മു​ൻ​നി​ർ​ത്തി സി.​സി.​ടി.​വി കാ​മ​റ​ക​ൾ സ്ഥാ​പി​ച്ചെ​ങ്കി​ലും ല​ഹ​രി​സം​ഘം പ്ര​വാ​സി​യു​ടെ വീ​ട് കൈ​യേ​റി ജ​ന​ൽ ചി​ല്ലു​ക​ള​ട​ക്കം എ​റി​ഞ്ഞു​ട​ച്ചു. ഇ​തോ​ടെ സ്ഥ​ല​ത്തെ​ത്തി​യ പൊ​ലീ​സി​​നെ ആ​റ് വ​ള​ർ​ത്തു​നാ​യ്ക്ക​​ളെ വി​ട്ടാ​ണ് സം​ഘം നേ​രി​ട്ട​ത്. മാ​ത്ര​മ​ല്ല, പൊ​ലീ​സ് വാ​ഹ​നം അ​ടി​ച്ചു​ത​ക​ർ​ക്കു​ക​യും ചെ​യ്തു. ഓ​രോ ക​ണ്ണി​ക​ളെ​യാ​യി പി​ന്നീ​ട് പ​ത്തു​പേ​രെ​യാ​ണ് അ​റ​സ്റ്റ് ചെ​യ്ത​ത്.

ഈ ​സം​ഘ​ത്തി​ലെ ഒ​രാ​ൾ​ക്ക് കോ​ട​ഞ്ചേ​രി സ്റ്റേ​ഷ​നി​ലെ പൊ​ലീ​സു​കാ​ര​നു​ള്ള അ​ടു​ത്ത​ബ​ന്ധം ‘അ​ങ്ങാ​ടി​പ്പാ​ട്ടാ​യ​തോ​ടെ’ ഉ​ദ്യോ​ഗ​സ്ഥ​ൻ സ​സ്​​പെ​ൻ​ഷ​നി​ലാ​വു​ക​യും ചെ​യ്തു. ല​ഹ​രി​ക്കാ​രോ​ടു​ള്ള പൊ​ലീ​സി​ന്റെ ഉ​ദാ​സീ​ന നി​ല​പാ​ടി​നെ​തി​രെ ഡി.​വൈ.​എ​ഫ്.​ഐ അ​ട​ക്ക​മു​ള്ള യു​വ​ജ​ന​സം​ഘ​ട​ന​ക​ൾ രം​ഗ​ത്തു​വ​ന്ന​തി​നു​പി​ന്നാ​ലെ ല​ഹ​രി​ക്കാ​ർ​ക്ക് ശി​ക്ഷ ഉ​റ​പ്പാ​ക്കാ​ൻ മ​നു​ഷ്യാ​വ​കാ​ശ ക​മീ​ഷ​ൻ​ത​ന്നെ നേ​രി​ട്ടാ​വ​ശ്യ​പ്പെ​ട്ടി​ട്ടു​ണ്ട്.

ല​ഹ​രി​സം​ഘ​ങ്ങ​ൾ ആ​ളു​ക​ളെ ഭീ​ഷ​ണി​പ്പെ​ടു​ത്തു​ന്ന​തും താ​മ​ര​ശ്ശേ​രി മേ​ഖ​ല​യി​ൽ പ​തി​വാ​ണ്. കു​ടു​ക്കി​ലു​മ്മാ​രം റോ​ഡി​ലാ​ണ് ഇ​ത്ത​ര​മൊ​രു സം​ഭ​വം അ​വ​സാ​ന​മു​ണ്ടാ​യ​ത്. താ​മ​ര​ശ്ശേ​രി ടൗ​ണി​ലെ പ​ണി​തീ​രാ​ത്ത കെ​ട്ടി​ട​ങ്ങ​ളും അ​മ്പാ​യ​ത്തോ​ട് ഭാ​ഗ​ത്തെ വി​വി​ധ പ്ര​ദേ​ശ​ങ്ങ​ളും ല​ഹ​രി​സം​ഘ​ങ്ങ​ൾ താ​വ​ള​മാ​ക്കു​ന്നു​ണ്ട്. മ​ഹ​ല്ല് ക​മ്മി​റ്റി​ക​ള​ട​ക്കം ല​ഹ​രി​ വി​പ​ത്തി​നെ​തി​രെ ശ​ക്ത​മാ​യി ഇ​പ്പോ​ൾ രം​ഗ​ത്തു​ണ്ട്.

കൊ​ടു​വ​ള്ളി​യി​ൽ എതിർത്താൽ ‘കാ​ലൊ​ടി​ക്കും’

മ​യ​ക്കു​മ​രു​ന്ന് കു​ത്തി​​വെ​ച്ചു​ള്ള മ​ര​ണം വ​രെ റി​പ്പോ​ർ​ട്ട് ​ചെ​യ്ത മേ​ഖ​ല​യാ​ണ് കൊ​ടു​വ​ള്ളി. ല​ഹ​രി​സം​ഘ​ങ്ങ​ൾ ആ​ളു​ക​ൾ​ക്കു​നേ​​രെ ക​ത്തി​വീ​ശി​യ​ത​ട​ക്ക​മു​ള്ള സം​ഭ​വ​ങ്ങ​ളും പ​ല​പ്പോ​ഴാ​യി ഉ​ണ്ടാ​യി​ട്ടു​ണ്ട്. കൊ​ടു​വ​ള്ളി​യി​ലെ സ്വ​ന്തം കെ​ട്ടി​ടം ​കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ച ല​ഹ​രി മാ​ഫി​യ​യെ എ​തി​ർ​ത്ത​യാ​ളു​ടെ കാ​ൽ ഇ​രു​മ്പു​ക​മ്പി​കൊ​ണ്ട് ത​ല്ലി​യൊ​ടി​ച്ച് കി​ട​പ്പി​ലാ​ക്കി​യ​തും മ​യ​ക്കു​മ​രു​ന്ന് കി​ട്ടാ​ത്ത​തി​നാ​ൽ വി​വാ​ഹ​വേ​ദി​യി​ൽ വ​ധു അ​ക്ര​മാ​സ​ക്ത​യാ​യ​തു​മെ​ല്ലാം ല​ഹ​രി​യു​ടെ വ​ൻ സ്വാ​ധീ​ന​ത്തി​ന്റെ ഇ​വി​ട​ത്തെ ഉ​ദാ​ഹ​ര​ണ​ങ്ങ​ളാ​ണ്.

സാ​മൂ​ഹി​ക സം​ഘ​ട​ന​ക​ൾ ഉ​ൾ​പ്പെ​ടെ ശ​ക്ത​മാ​യ പ്ര​ചാ​ര​ണ പ​ടി​പാ​ടി​ക​ളു​മാ​യി രം​ഗ​ത്തു​വ​രു​മ്പോ​ഴാ​ണ് ല​ഹ​രി​വ്യാ​പാ​ര​ത്തി​നും വി​ൽ​പ​ന​ക്കു​​മെ​ല്ലാം അ​റു​തി​യു​ണ്ടാ​വു​ന്ന​ത്. വാ​വാ​ട്, മു​ക്കി​ല​ങ്ങാ​ടി, ക​ള​രാ​ന്തി​രി, ക​ത്ത​റ​മ്മ​ൽ, എ​ളേ​റ്റി​ൽ തു​ട​ങ്ങി​യ പ്ര​ദേ​ശ​ങ്ങ​ളി​ലെ വി​വി​ധ ഭാ​ഗ​ങ്ങ​ളാ​ണ് പ​ല​പ്പോ​ഴും ല​ഹ​രി​സം​ഘ​ങ്ങ​ളു​ടെ താ​വ​ള​മാ​യി പ​റ​യ​പ്പെ​ടു​ന്ന​ത്.

സ​മാ​ന്ത​ര വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ കു​ട്ടി​ക​ളെ ല​ഹ​രി​ക്കാ​ർ ക​ണ്ണി​ചേ​ർ​ക്കാ​ൻ ​ശ്ര​മി​ക്കു​ന്ന​ത് പ​തി​വാ​യ​തോ​ടെ നാ​ട്ടു​കാ​രു​ടെ ചെ​റു​ത്തു​നി​ൽ​പ് ശ​ക്ത​മാ​യി​ട്ടു​ണ്ട്.

ആ​വ​ശ്യ​ത്തി​ന് കോ​ട​തി​യി​ല്ല; വി​ചാ​ര​ണ വൈ​കു​ന്നു

വ​ട​ക്ക​ൻ​കേ​ര​ള​ത്തി​ൽ മ​യ​ക്കു​മ​രു​ന്ന് കേ​സു​ക​ള്‍ വി​ചാ​ര​ണ ചെ​യ്യാ​ൻ ആ​കെ​യു​ള്ള​ത് വ​ട​ക​ര​യി​ലെ എ​ന്‍.​ഡി.​പി.​എ​സ് കോ​ട​തി മാ​ത്ര​മാ​ണ്. കേ​സു​ക​ൾ കൂ​ടു​ന്ന​തി​ന​നു​സ​രി​ച്ച് ജി​ല്ല​ത​ല​ത്തി​ൽ​പോ​ലും കോ​ട​തി​ക​ളി​ല്ലാ​ത്ത​തോ​ടെ വി​ചാ​ര​ണ വ​ർ​ഷ​ങ്ങ​ളോ​ളം നീ​ളു​ക​യാ​ണ്.

ഇ​തോ​ടെ പ്ര​തി​ക​ൾ ജാ​മ്യ​ത്തി​ലി​റ​ങ്ങി കേ​സ് ന​ട​ത്തി​പ്പി​നു​ള്ള പ​ണ​ത്തി​നും മ​റ്റു​മാ​യി​വ​രെ വീ​ണ്ടും ഇ​ത്ത​രം ല​ഹ​രി​ക​ട​ത്തി​ലേ​ർ​പ്പെ​ടു​ന്ന​തും പ​തി​വാ​ണ്. കേ​സു​ക​ൾ വ​ർ​ഷ​ങ്ങ​ൾ നീ​ളു​ന്ന​തി​നി​ടെ അ​ന്വേ​ഷ​ണ ഉ​ദ്യോ​ഗ​സ്ഥ​ർ സ്ഥ​ലം​മാ​റു​ന്ന​തും പ്ര​തി​ക​ൾ​ക്ക് ഗു​ണ​മാ​വു​ന്നു.

ക​ണ്ണൂ​ര്‍, വ​യ​നാ​ട്, കോ​ഴി​ക്കോ​ട്, മ​ല​പ്പു​റം, കാ​സ​ര്‍കോ​ട് ജി​ല്ല​ക​ളി​ലെ കേ​സു​ക​ളാ​ണ് വ​ട​ക​ര​യി​ലെ കോ​ട​തി​യി​ൽ പ​രി​ഗ​ണി​ക്കു​ന്ന​ത്. മ​റ്റു ജി​ല്ല​ക​ളി​ലെ​യ​ട​ക്കം ല​ഹ​രി​സം​ഘ​ങ്ങ​ൾ പ്ര​തി​ക​ളെ ജാ​മ്യ​ത്തി​ലെ​ടു​ക്കാ​നും മ​റ്റും നി​ര​ന്ത​രം വ​ട​ക​ര​യി​ലെ​ത്തു​ന്ന​തോ​ടെ കോ​ട​തി​പ​രി​സ​ര​മ​ട​ക്കം മ​യ​ക്കു​മ​രു​ന്ന് മാ​ഫി​യ​ക​ളു​ടെ പു​തി​യ കൂ​ട്ടു​കെ​ട്ടി​ന്റെ ‘ഹോ​ട്ട് സ്​​പോ​ട്ട്’ ആ​വു​ന്നു​മു​ണ്ട്. മ​റ്റു ജി​ല്ല​യി​ലെ ജ​യി​ലി​ൽ​നി​ന്ന് പ്ര​തി​ക​ളെ കേ​സി​ന്റെ വി​ചാ​ര​ണ​ക്ക് വ​ട​ക​ര​യി​ലെ​ത്തി​ക്കാ​നും പൊ​ലീ​സു​കാ​ർ​ക്ക് ഇ​ര​ട്ടി പ​ണി​യു​മാ​ണ്.

എ​ല്ലാ ജി​ല്ല​യി​ലും കോ​ട​തി സ്ഥാ​പി​ച്ച് അ​തി​വേ​ഗ​ത​ത്തി​ൽ വി​ചാ​ര​ണ ന​ട​ത്തി കു​റ്റ​വാ​ളി​ക​ൾ​ക്ക് ശി​ക്ഷ ഉ​റ​പ്പാ​ക്ക​ണ​മെ​ന്നാ​ണ് പൊ​തു​വെ ഉ​യ​രു​ന്ന ആ​വ​ശ്യം.

വി​ളി​ക്കാം, ഈ ​ന​മ്പ​റു​ക​ളി​ൽ...

കോ​ഴി​ക്കോ​ട്: ല​ഹ​രി ഉ​പ​യോ​ഗ​വും വി​ൽ​പ​ന​യു​മ​ട​ക്ക​മു​ള്ള ര​ഹ​സ്യ വി​വ​ര​ങ്ങ​ൾ കൈ​മാ​റാ​നും ല​ഹ​രി പ്ര​ശ്ന​വും മാ​ന​സി​ക സ​മ്മ​ർ​ദ​വു​മ​ട​ക്ക​മു​ള്ള കാ​ര്യ​ങ്ങ​ളി​ൽ ഉ​പ​ദേ​ശ​ങ്ങ​ൾ തേ​ടാ​നു​മു​ള്ള മൊ​ബൈ​ൽ, വാ​ട്സ്ആ​പ് ന​മ്പ​റു​ക​ൾ:

പൊ​ലീ​സി​ന്റെ ‘യോ​ദ്ധാ​വ്’ (വാ​ട്സ്ആ​പ്) : 9995966666

പൊ​ലീ​സി​ന്റെ ‘ചി​രി’ : 9497900200

എ​ക്സൈ​സി​ന്റെ ‘വി​മു​ക്തി’ : 9061178000

എ​ക്സൈ​സി​ന്റെ ‘നേ​ർ​വ​ഴി’ : 9656178000

ആ​രോ​ഗ്യ​വ​കു​പ്പി​​ന്റെ ‘ദി​ശ’ :1056, 0471 2552056

(അ​വ​സാ​നി​ച്ചു)