അമ്മ പിരിച്ചുവിടണം; മുഖ്യമന്ത്രി പാഠം പഠിക്കണം -ചെന്നിത്തല 

കണ്ണൂർ: ദിലീപി​​​െൻറ അറസ്​റ്റി​​​െൻറ പശ്ചാത്തലത്തിൽ താരസംഘടനയായ അമ്മ പിരിച്ചുവിടണമെന്നും നടിയെ ആക്രമിച്ച കേസിൽ ഗൂഢാലോചനയില്ലെന്ന്​ പറഞ്ഞത്​ മുഖ്യമന്ത്രിയുടെ വീഴ്​ചയാണെന്നും അതിൽനിന്ന്​ പിണറായി വിജയൻ പാഠം പഠിക്കണമെന്നും പ്രതിപക്ഷനേതാവ്​ രമേശ്​ ചെന്നിത്തല. കണ്ണൂർ മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം. ദിലീപ്​ സിനിമാസമൂഹത്തിനും കേരളത്തിനും അപമാനമാണ്​ വരുത്തിവെച്ചിരിക്കുന്നത്​. അദ്ദേഹത്തെപോലൊരു നടൻ ഒരിക്കലും​ ചെയ്യാൻപാടില്ലാത്ത കാര്യങ്ങളാണ്​ നടന്നത്​. 

താരസംഘടനകൊണ്ട്​ ഒരു കാര്യവുമില്ലെന്ന്​ തെളിഞ്ഞിരിക്കുന്നു. അമ്മ പിരിച്ചുവിടുകയാണ്​ ഇനി ചെയ്യാനുള്ളത്​. ഇടത​ുപക്ഷത്തി​​​െൻറ ജനപ്രതിനിധികളായ മുകേഷ്​, ഇന്നസ​​െൻറ്​, ഗണേഷ്​കുമാർ എന്നിവർക്ക്​ തൽസ്ഥാനത്ത്​ തുടരാനുള്ള അർഹത നഷ്​ടമായി. നടിയെ ആക്രമിച്ച കേസിൽ ദിലീപിനെ രക്ഷിക്കാനാണ്​ മൂവരും ശ്രമിച്ചത്​. അതിനാൽ മൂവരും അന്വേഷണത്തിന്​ വിധേയമാകണം. തെളിവുകൾ ശേഖരിച്ച്​ പ്രതികളെ പിടികൂടിയതിന്​ കേരള പൊലീസ്​ അഭിനന്ദനം അർഹിക്കുന്നുവെന്നും ചെന്നിത്തല പറഞ്ഞു.