പൊതുസ്ഥലത്തെ മാലിന്യനിക്ഷേപം: എട്ടര മാസത്തിനിടെ പിഴ 2.66 കോടി

കൊ​ച്ചി: രാ​ത്രി വാ​ഹ​ന​ങ്ങ​ളി​ൽ വ​ഴി​യോ​ര​ത്തും ജ​ലാ​ശ​യ​ങ്ങ​ളി​ലും മാ​ലി​ന്യം ത​ള്ളു​ന്ന​വ​ർ, ചെ​റി​യ പാ​ക്ക​റ്റു​ക​ൾ മു​ത​ൽ വ​ലി​യ ചാ​ക്കു​ക​ളി​ൽ വ​രെ മാ​ലി​ന്യം പൊ​തു​സ്ഥ​ല​ത്തി​ടു​ന്ന​വ​ർ, പ്ര​കൃ​തി​ക്കും വ​ന്യ​ജീ​വി​ക​ൾ​ക്കും ഭീ​ഷ​ണി​യാ​കും വി​ധം വ​ന​മേ​ഖ​ല​ക​ളി​ൽ പ്ലാ​സ്റ്റി​ക് ഉ​ൾ​പ്പെ​ടെ മാ​ലി​ന്യം നി​ക്ഷേ​പി​ക്കു​ന്ന​വ​ർ എ​ന്നി​ങ്ങ​നെ നീ​ളു​ക​യാ​ണ് പൊ​തു​സ്ഥ​ല​ത്ത് മാ​ലി​ന്യം നി​ക്ഷേ​പി​ച്ച് കു​ടു​ങ്ങി​യ​വ​രു​ടെ വി​വ​ര​ങ്ങ​ൾ. ന​ട​പ​ടി​ക​ൾ ക​ർ​ശ​ന​മാ​ക്കി ത​ദ്ദേ​ശ സ്ഥാ​പ​ന​ങ്ങ​ൾ രം​ഗ​ത്തെ​ത്തി​യ​തോ​ടെ ഇ​ത്ത​ര​ക്കാ​രി​ൽ​നി​ന്ന് പി​ഴ​യാ​യി സ​ർ​ക്കാ​റി​ലെ​ത്തി​യ​ത് 2,66,95,541 രൂ​പ​യാ​ണ്. പൊ​തു​സ്ഥ​ല​ത്തെ മാ​ലി​ന്യ​നി​ക്ഷേ​പ​ത്തി​ന് 2739 കേ​സും ര​ജി​സ്റ്റ​ർ ചെ​യ്തു. 2024 ജ​നു​വ​രി ഒ​ന്നു​മു​ത​ൽ സെ​പ്റ്റം​ബ​ർ 15 വ​രെ​യു​ള്ള ക​ണ​ക്കാ​ണി​ത്.

ഇ​ത്ത​ര​ക്കാ​ർ​ക്ക് മാ​ലി​ന്യം നീ​ക്കു​ന്ന​തി​ന് നോ​ട്ടീ​സ് ന​ൽ​കു​ക​യും പി​ഴ ഈ​ടാ​ക്കു​ക​യു​മാ​യി​രു​ന്നു. കേ​ര​ള പ​ഞ്ചാ​യ​ത്തീ​രാ​ജ് ആ​ക്ട്, കേ​ര​ള മു​നി​സി​പ്പാ​ലി​റ്റി ആ​ക്ട് എ​ന്നി​വ​യു​ടെ അ​ടി​സ്ഥാ​ന​ത്തി​ലാ​ണ് മാ​ലി​ന്യ​നി​ക്ഷേ​പ​ത്തി​ന് ത​ദ്ദേ​ശ സ്ഥാ​പ​ന​ങ്ങ​ൾ പി​ഴ ഈ​ടാ​ക്കു​ന്ന​ത്. മാ​ലി​ന്യ​നി​ക്ഷേ​പം ത​ട​യാ​ൻ പ​ല​യി​ട​ത്തും നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചി​ട്ടു​ണ്ട്.

സ്ഥി​ര​മാ​യി മാ​ലി​ന്യ​നി​ക്ഷേ​പ​മു​ണ്ടാ​കു​ന്ന സ്ഥ​ല​ങ്ങ​ൾ തി​രി​ച്ച​റി​ഞ്ഞ് രാ​ത്രി പ​രി​ശോ​ധ​ന​ക്ക് നി​രീ​ക്ഷ​ണ സ്ക്വാ​ഡു​ക​ളെ നി​യോ​ഗി​ക്കു​ക​യും ചെ​യ്തി​ട്ടു​ണ്ട്. പൊ​ലീ​സ് ഉ​ദ്യോ​ഗ​സ്ഥ​ര​ട​ക്കം നി​രീ​ക്ഷ​ണം ക​ർ​ശ​ന​മാ​ക്കി​യ​തോ​ടെ​യാ​ണ് കേ​സു​ക​ൾ വ​ർ​ധി​ച്ച​ത്. പൊ​തു​സ്ഥ​ല​ങ്ങ​ളി​ലെ മാ​ലി​ന്യ നി​ക്ഷേ​പം സം​ബ​ന്ധി​ച്ച് ഫോ​ട്ടോ/ വി​ഡി​യോ പ​ക​ർ​ത്തി ത​ദ്ദേ​ശ സ്ഥാ​പ​ന​ങ്ങ​ളി​ൽ അ​റി​യി​ക്കാ​നു​ള്ള സം​വി​ധാ​ന​വും ഏ​ർ​പ്പെ​ടു​ത്തി.

ഇ​ക്ക​ഴി​ഞ്ഞ ഗാ​ന്ധി​ജ​യ​ന്തി​ദി​ന​ത്തി​ൽ ആ​രം​ഭി​ച്ച് 2025 മാ​ർ​ച്ച് 30ലെ ​അ​ന്താ​രാ​ഷ്ട്ര സീ​റോ വേ​സ്റ്റ് ദി​നം വ​രെ നീ​ളു​ന്ന മാ​ലി​ന്യ​മു​ക്തം ന​വ​കേ​ര​ളം ജ​ന​കീ​യ കാ​മ്പ​യി​നും മു​ന്നോ​ട്ടു​പോ​കു​ക​യാ​ണ്. സ​മ്പൂ​ർ​ണ ശു​ചി​ത്വ​കേ​ര​ള​മാ​യി പ്ര​ഖ്യാ​പി​ക്കു​ക​യാ​ണ് ല​ക്ഷ്യം. കാ​മ്പ​യി​ന്‍റെ ഭാ​ഗ​മാ​യി ആ​വ​ശ്യ​മാ​യ ഇ​ട​ങ്ങ​ളി​ൽ എ.​ഐ കാ​മ​റ​ക​ളും സ്ഥാ​പി​ക്കും.