സംഘ്പരിവാറുകാർ ക്രിസ്മസ് ആഘോഷം തടഞ്ഞ സംഭവം; സ്കൂളിന് ഐക്യദാർഢ്യവുമായി യുവജനസംഘടനകളുടെ കരോൾ ഇന്ന്

പാലക്കാട്: ന​ല്ലേ​പ്പി​ള്ളി ഗ​വ. യു.​പി സ്കൂ​ളി​ൽ അ​തി​ക്ര​മി​ച്ചു​ക​യ​റിയ വി.എച്ച്.പി നേതാക്കൾ ക്രി​സ്മ​സ് ആ​ഘോ​ഷം തടസ്സപ്പെടുത്തിയ സംഭവത്തിൽ പ്രതിഷേധിച്ചും സ്കൂളിന് ഐക്യദാർഢ്യം പ്രഖ്യാപിച്ചും യുവജന സംഘടനകളുടെ കരോൾ ഇന്ന്. ഡി.വൈ.എഫ്.ഐയും യൂത്ത് കോൺഗ്രസുമാണ് കരോൾ നടത്തുമെന്ന് പ്രഖ്യാപിച്ചിരിക്കുന്നത്.

ക്രി​സ്മ​സ് ആ​ഘോ​ഷത്തിനിടെ സ്കൂ​ളി​ൽ അ​തി​ക്ര​മി​ച്ചു​ക​യ​റിയ വി.എച്ച്.പി നേതാക്കൾ പ്ര​ധാ​നാ​ധ്യാ​പി​ക ഉ​ൾ​പ്പെ​ടെ​യു​ള്ള അ​ധ്യാ​പ​ക​രെ​യും വി​ദ്യാ​ർ​ഥി​ക​ളെ​യും ഭീ​ഷ​ണി​പ്പെ​ടു​ത്തു​ക​യും അ​സ​ഭ്യം പ​റ​യു​ക​യും​ചെയ്യുകയായിരുന്നു. ഇ​ക്ക​ഴി​ഞ്ഞ വെ​ള്ളി​യാ​ഴ്ച​യാ​യി​രു​ന്നു സം​ഭ​വം. സം​ഭ​വ​ത്തി​ൽ ന​ല്ലേ​പ്പി​ള്ളി സ്വ​ദേ​ശി​ക​ളാ​യ വ​ട​ക്കും​ത​റ കെ. ​അ​നി​ൽ​കു​മാ​ർ (52), മാ​നാം​കു​റ്റി ക​റു​ത്തേ​ട​ത്ത്ക​ളം സു​ശാ​സ​ന​ൻ (52), തെ​ക്കു​മു​റി വേ​ലാ​യു​ധ​ൻ (58) എ​ന്നി​വ​രെ​യാ​ണ് ചി​റ്റൂ​ർ പൊ​ലീ​സ് അ​റ​സ്റ്റ് ചെ​യ്ത​ത്. ജാ​മ്യ​മി​ല്ലാ വ​കു​പ്പു​പ്ര​കാ​ര​മാ​ണ് കേ​സ്. പ്ര​ധാ​നാ​ധ്യാ​പി​ക​യു​ടെ പ​രാ​തി​യി​ലാ​ണ് ന​ട​പ​ടി.

സ്കൂ​ളി​ൽ അ​ർ​ധ​വാ​ർ​ഷി​ക പ​രീ​ക്ഷ ക​ഴി​ഞ്ഞ് അ​വ​ധി തു​ട​ങ്ങു​ന്ന​തി​നു​മു​മ്പ് ക്രി​സ്മ​സ് ആ​ഘോ​ഷി​ക്കു​ന്ന​തി​നി​ടെ​യാ​ണ് പ്രതികളെത്തി അ​സ​ഭ്യ​വ​ർ​ഷം ന​ട​ത്തിയത്. ക്രിസ്മസ് വ​സ്ത്ര​ങ്ങൾ കുട്ടികൾ ധരിച്ചതിനെ ഇവർ ചോ​ദ്യം ചെ​യ്തു. ശ്രീ​കൃ​ഷ്ണ​ജ​യ​ന്തിയല്ലാതെ മ​റ്റൊ​രാ​ഘോ​ഷ​വും വേ​ണ്ടെ​ന്നാ​യി​രു​ന്നു ഇ​വ​രു​ടെ നി​ല​പാ​ട്. സംഭവത്തിൽ വ്യാപക പ്രതിഷേധമുയർന്നിട്ടുണ്ട്.