ഗു​ണ്ട​യു​ടെ വീ​ട്ടി​ലെ വി​രു​ന്ന് ഡിവൈ.എസ്​.പിയുടെ യാത്രയയപ്പിന് കെട്ടിയ പന്തൽ അഴിച്ചുമാറ്റി

ആ​ല​പ്പു​ഴ: ക്രൈം​ബ്രാ​ഞ്ച്​ ഡി​വൈ.​എ​സ്.​പി എം.​ജി. സാ​ബു​വി​ന്​ യാ​ത്ര​യ​യ​പ്പ്​ ന​ൽ​കു​ന്ന​തി​നാ​യി കെ​ട്ടി​യ പ​ന്ത​ൽ പൊ​ലീ​സ്​ അ​ഴി​ച്ചു​മാ​റ്റി. ഗു​ണ്ട​യു​ടെ വീ​ട്ടി​ലെ വി​രു​ന്നി​ൽ പ​​ങ്കെ​ടു​ത്ത സം​ഭ​വം പു​റ​ത്താ​യ​തോ​ടെ​യാ​ണ്​​ പ​ന്ത​ൽ അ​ഴി​ച്ചു​മാ​റ്റി​യ​ത്. മേ​യ്​ 31നാ​ണ്​ സാ​ബു സ​ർ​വി​സി​ൽ​നി​ന്ന്​ വി​ര​മി​ക്കു​ന്ന​ത്. അ​തി​നി​ടെ​യാ​ണ്​ ഗു​ണ്ട പ​ട്ടി​ക​യി​ൽ ഉ​ൾ​പ്പെ​ടു​ത്തി നാ​ടു​ക​ട​ത്തി​യ ത​മ്മ​നം ഫൈ​സ​ലി​ന്‍റെ വി​രു​ന്ന്​ സ​ൽ​ക്കാ​ര​ത്തി​ൽ പ​​ങ്കെ​ടു​ക്ക​വേ പൊ​ലീ​സ്​ പി​ടി​യി​ലാ​യ​ത്. യാ​ത്ര​യ​യ​പ്പ്​ ന​ൽ​കു​ന്ന​തി​നാ​യി ആ​ർ​ഭാ​ട​മാ​യ ച​ട​ങ്ങ്​ ഒ​രു​ക്കു​ന്ന​തി​നാ​ണ്​ പ​ദ്ധ​തി​യി​ട്ടി​രു​ന്ന​ത്.

ജി​ല്ല​യി​ലെ ഉ​ന്ന​ത പൊ​ലീ​സ്​ ഉ​ദ്യോ​ഗ​സ്ഥ​രു​ടെ അ​നു​വാ​ദ​ത്തോ​ടെ​യാ​ണ്​ ഗം​ഭീ​ര യാ​ത്ര​യ​യ​പ്പ്​ ന​ൽ​കു​ന്ന​തി​നു​ള്ള ഒ​രു​ക്ക​ങ്ങ​ൾ ന​ട​ത്തി​യ​തെ​ന്ന​റി​യു​ന്നു. ച​ട​ങ്ങ്​ സം​ഘ​ടി​പ്പി​ക്കു​ന്ന​തി​ന്‍റെ സാ​മ്പ​ത്തി​ക ഉ​റ​വി​ട​വും സം​ശ​യാ​സ്പ​ദ​മാ​ണ്. ഗു​ണ്ട നേ​താ​ക്ക​ളു​ടെ വീ​ട്ടി​ൽ ന​ട​ത്തു​ന്ന ‘ഓ​പ​റേ​ഷ​ൻ ആ​ഗ്’ പ​രി​ശോ​ധ​ന​ക്കി​ടെ​യാ​ണ്​ അ‌​ങ്ക​മാ​ലി പൊ​ലീ​സ് ത​മ്മ​നം ഫൈ​സ​ലി​ന്റെ വീ​ട്ടി​ൽ​നി​ന്ന്​ ഡി​വൈ.​എ​സ്.​പി​യെ​യും പൊ​ലീ​സു​കാ​രെ​യും പി​ടി​കൂ​ടി​യ​ത്.

തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​വി​ൽ​വ​ന്ന​തി​ന് പി​ന്നാ​ലെ​യാ​ണ് എം.​ജി. സാ​ബു സ്ഥ​ലം​മാ​റി ആ​ല​പ്പു​ഴ​യി​ലെ​ത്തി​യ​ത്. എ​റ​ണാ​കു​ളം റൂ​റ​ൽ പൊ​ലീ​സ് പ​രി​ധി​യി​ൽ ദീ​ർ​ഘ​കാ​ലം ജോ​ലി​ചെ​യ്തി​രു​ന്ന ഉ​ദ്യോ​​ഗ​സ്ഥ​നാ​ണ് ഇ​ദ്ദേ​ഹം. അ​വ​ധി​ക്കു​പോ​യി തി​രി​ച്ചു​വ​രു​മ്പോ​ഴാ​ണ് ഡി​വൈ.​എ​സ്.​പി​യും സം​ഘ​വും ഗു​ണ്ട നേ​താ​വി​ന്റെ വീ​ട്ടി​ൽ ക​യ​റി​യ​തെ​ന്ന് ആ​ല​പ്പു​ഴ ജി​ല്ല പൊ​ലീ​സ് മേ​ധാ​വി ചൈ​ത്ര തെ​രേ​സ ജോ​ൺ പ​റ​ഞ്ഞു. നേ​ര​ത്തേ ഇ​ദ്ദേ​ഹം സ്പെ​ഷ​ൽ ബ്രാ​ഞ്ച് ഡി​വൈ.​എ​സ്.​പി ആ​യി​രു​ന്നു.

വിരുന്നൊരുക്കിയിട്ടില്ലെന്ന്​ തമ്മനം ഫൈസൽ

കൊ​ച്ചി: പൊ​ലീ​സു​കാ​ർ​ക്കാ​യി ത​ന്‍റെ വീ​ട്ടി​ൽ വി​രു​ന്നൊ​രു​ക്കി​യി​ട്ടി​ല്ലെ​ന്ന്​ ​ഗു​ണ്ട​നേ​താ​വാ​യി അ​റി​യ​പ്പെ​ടു​ന്ന ത​മ്മ​നം ഫൈ​സ​ൽ. ത​ന്‍റെ വി​രു​ന്നി​ൽ പ​​​ങ്കെ​ടു​ത്തെ​ന്ന്​ പ​റ​യു​ന്ന ഡി​വൈ.​എ​സ്.​പി എം.​ജി. സാ​ബു​വി​നെ അ​റി​യി​ല്ല. ആ​രോ​പ​ണ​ത്തി​നു​പി​ന്നി​ൽ ദു​രൂ​ഹ​ത​യു​ണ്ട്. ത​ന്‍റെ പേ​രി​ൽ നി​ല​വി​ൽ കേ​സു​ക​ളി​ല്ല. ത​ന്‍റെ ശ​ത്രു​ക്ക​ളാ​രോ മ​നഃ​പൂ​ർ​വം കു​ടു​ക്കാ​ൻ ചെ​യ്യു​ന്ന​താ​ണി​തെ​ല്ലാ​മെ​ന്നും ഫൈ​സ​ൽ പ​റ​ഞ്ഞു.