കേ​ന്ദ്രാനുമതിയില്ലാതെ ലൈറ്റ്​ മെട്രോ തുടങ്ങാനാവില്ല; ഇ. ശ്രീധരനോട്​ അനാദരവില്ല -മുഖ്യമന്ത്രി

തിരുവനന്തപുരം: കേന്ദ്രാനുമതിയില്ലാതെ ലൈറ്റ്​ മെട്രോ പദ്ധതി തുടങ്ങാനാവില്ലെന്നും ഇ. ശ്രീധരനോട്​ അനാദരവില്ലെന്നും മുഖ്യമന്ത്രി പിണറായി വിജയൻ നിയമസഭയിൽ വ്യക്തമാക്കി. കേന്ദ്രാനുമതിക്ക്​ കാത്തുനിൽക്കേണ്ടതി​െല്ലന്ന ശ്രീധര​​​െൻറ നിലപാടിനോട്​ യോജിപ്പില്ല. അനുമതി കിട്ടിയിട്ട്​ തുടങ്ങാമെന്നാണ്​ വ്യക്തമാക്കിയതെന്നും കെ. മുരളീധര​​​െൻറ അടിയന്തര പ്രമേയ​ നോട്ടീസിന്​ മുഖ്യമന്ത്രി മറുപടി നൽകി.

ശ്രീധരനെ മാറ്റി മറ്റാരുവന്നാലും പദ്ധതി നടപ്പാക്കാനാവില്ലെന്ന് മുരളീധരനും ഡി.എം.ആര്‍.സിയെ ഒഴിവാക്കുന്നതിനു പിന്നില്‍ അഴിമതി സംശയിക്കേണ്ടതുണ്ടെന്ന് പ്രതിപക്ഷനേതാവ് രമേശ് ചെന്നിത്തലയും ആരോപിച്ചു. സർക്കാർ നിലപാടിൽ പ്രതിഷേധിച്ച്​​ യു.ഡി.എഫും ബി.​െജ.പിയും ഇറങ്ങിപ്പോയി. മാണിഗ്രൂപ്​ അംഗങ്ങള്‍ സഭയിലുണ്ടായിരുന്നില്ല. ഇ. ശ്രീധര​​​െൻറ കത്തിന്,​ കാണുന്നതിന്​ തടസ്സമില്ലെന്നാണ്​ അറിയിച്ചതെന്നും തിരക്ക്​ മൂലം കാണാൻ പറ്റിയി​െല്ലന്നും മുഖ്യമന്ത്രി പറഞ്ഞു. ലൈറ്റ്​ മെട്രോ പദ്ധതിക്ക്​ സർക്കാർ പ്രതിജ്​ഞാബദ്ധമാണെന്നും ഇതിൽ ആശങ്കപ്പെടേണ്ടതില്ലെന്നും മുഖ്യമന്ത്രി പറഞ്ഞു. 

കേന്ദ്രം പദ്ധതിക്ക്​ 1278 ​േകാടി രൂപ നൽകണം. കേന്ദ്രാനുമതിയില്ലാതെ തുടങ്ങിയാൽ ആ പണം സംസ്​ഥാനം വഹിക്കണം. അതിനുള്ള സാമ്പത്തിക ഭദ്രതയില്ല. പദ്ധതി ഇല്ലാതാകാൻ പോകു​െന്നന്ന പ്രചാരണം അടിസ്​ഥാന രഹിതമാണ്​. ഭരണപരമായ നടപടികൾ പൂർത്തീകരിക്കൽ മാത്രമാണ്​ ഉണ്ടായത്​. കേന്ദ്ര മെട്രോ നയം വന്നിട്ടുണ്ട്​. ഇ​െതല്ലാം പരിഗണിച്ച്​ പദ്ധതിയുടെ സാമ്പത്തിക ബാധ്യത അടക്കമുള്ള കാര്യങ്ങൾ പരി​േശാധിച്ച്​ റിപ്പോർട്ട്​ നൽകാനാണ്​ സമിതി​െയ നിയോഗിച്ചത്​. പട്ടം, ശ്രീകാര്യം, ഉള്ളൂർ മേൽപാലങ്ങളുടെ​ നിർമാണത്തിന്​ ​ടെൻഡർ വിളിച്ചിട്ടുണ്ട്​. സുതാര്യമായി പദ്ധതി നടപ്പാക്കാനാണ്​ ഉദ്ദേശിക്കുന്നതെന്നും മുഖ്യമന്ത്രി പറഞ്ഞു. ഇ. ശ്രീധരൻ വിശ്രമ കാലത്തും രാജ്യത്തെ സേവിച്ച വ്യക്തിയാണ്​. അദ്ദേഹത്തെ ഒഴിവാക്കാൻ ഒരു നടപടിയും സർക്കാർ ഭാഗത്ത്​ നിന്നുണ്ടായിട്ടില്ല. 

ഇ. ശ്രീധരൻ കാണാൻ ശ്രമിച്ചിട്ട്​ മുഖ്യമന്ത്രി അനുമതി നൽകാതിരുന്നതി​െന കെ. മുരളീധരൻ രൂക്ഷമായി വിമർശിച്ചു. ​ഡി.എം.ആർ.സിയും ഇ. ശ്രീധരനും ഉപേക്ഷിച്ച പദ്ധതി നടപ്പാക്കാൻ ആരാണ്​ വരുകയെന്നും അദ്ദേഹം ചോദിച്ചു. കേന്ദ്രാനുമതിക്കായി സർക്കാർ ഒന്നും ചെയ്യുന്നി​ല്ലെന്ന്​​ രമേശ്​ ചെന്നിത്തല പറഞ്ഞു. സർക്കാർ താൽപര്യം കാണിക്കാത്തതുകൊണ്ടാണ്​ ഡി.എം.ആർ.സി പിന്മാറിയതെന്നും അദ്ദേഹം പറഞ്ഞു. ഡോ. എം.കെ. മുനീർ, അനൂപ്​ ജേക്കബ്​, ഒ. രാജഗോപാൽ എന്നിവരും സംസാരിച്ചു.