പ്ലസ്​ടു കോഴ: കെ.എം. ഷാജിയുടെ ഭാര്യയുടെ സ്വത്തുകൾ ഇ.ഡി കണ്ടുകെട്ടി

കോഴിക്കോട്​: മുസ്​ലിം ലീഗ്​ സംസ്ഥാന സെക്രട്ടറിയും മുൻ എം.എൽ.എയുമായ കെ.എം. ഷാജിയുടെ ഭാര്യ ആശയുടെ പേരിലുള്ള 25ലക്ഷം രൂപയുടെ സ്വത്ത്​ എൻഫോഴ്​സ്​മെന്‍റ്​ ഡയറക്ടറേറ്റ്​ (ഇ.ഡി) കണ്ടുകെട്ടി. എം.എൽ.എ ആയിരിക്കെ ഷാജി അഴീക്കോട്​ സ്കൂളിന്​ പ്ലസ്​ടു അനുവദിക്കാൻ 25 ലക്ഷം രൂപ കോഴവാങ്ങിയതുമായി ബന്ധപ്പെട്ടാണ്​ 2002ലെ കള്ളപ്പണം വെളുപ്പിക്കൽ നിയമപ്രകാരം ഭൂസ്വത്ത്​​ താൽക്കാലികമായി കണ്ടുകെട്ടിയത്​.

കക്കോടി സബ്​ രജിസ്​ട്രാർ ഓഫിസിൽ രജിസ്റ്റർ ചെയ്ത വേങ്ങേരി വില്ലേജിലെ ഭൂസ്വത്താണ്​ കണ്ടുകെട്ടിയതെന്ന്​ ഇ.ഡി അറിയിച്ചു. ചേവായൂർ മാലൂർകുന്നിലെ ഷാജിയുടെ വീടിനോടു​ ചേർന്ന്​ ആശയുടെ പേരിലുള്ള നിർമാണ പ്രവർത്തനങ്ങൾ നടന്ന ഭൂമിയാണിത്​. വീട്​ നിർമാണം തുടങ്ങിയതിനുപിന്നാലെയാണ്​ ഈ ഭൂമി വാങ്ങിയത്​. സ്ഥലം വാങ്ങി കള്ളപ്പണം വെളുപ്പിച്ചു​വെന്ന കണ്ടെത്തലിനെ തുടർന്നാണ്​ കണ്ടുകെട്ടൽ നടപടി.

പ്ലസ്​ടു കോഴ ആരോപണവുമായി ബന്ധപ്പെട്ട്​ 2020 ഏപ്രിൽ 18ന്​ വിജിലൻസ്​ ​കണ്ണൂർ യൂനിറ്റ്​ അഴിമതി നിരോധന നിയമപ്രകാരം ഷാജിക്കെതിരെ കേസെടുത്തിരുന്നു. പിന്നാലെ ചിലർ കോഴയിടപാടുമായി ബന്ധപ്പെട്ട തെളിവുകൾ ഉൾക്കൊള്ളിച്ച്​ പരാതി നൽകിയതോ​ടെ​ ഇ.ഡി അന്വേഷണം ആരംഭിച്ചു​. ​എം.എൽ.എ ആയിരിക്കെ അഴീക്കോട്​ സ്കൂളിന്​ പ്ലസ്​ടു അനുവദിച്ചുകിട്ടാൻ 25 ലക്ഷം രൂപ സ്കൂൾ മാനേജ്​​മെന്‍റിൽനിന്ന്​ കോഴവാങ്ങിയെന്നായിരുന്നു ആരോപണം. സ്കൂളിൽ പുതുതായി ചേർന്ന അധ്യാപികയിൽനിന്നുള്ള തുകയാണ്​ ഷാജി കൈപ്പറ്റിയത്​ എന്നാണ്​ വിവരം. പിന്നീട്​ സ്കൂൾ മാനേജ്​​മെന്‍റി‍െൻറ വാർഷികയോഗത്തിൽ ഇതുസംബന്ധിച്ച്​ കണക്കുകളിലെ പൊരുത്തക്കേടുകൾ ചർച്ചയായതോടെയാണ്​ സംഭവം പുറത്തറിയുന്നതും ആരോപണ പ്രത്യാരോപണങ്ങൾക്കൊടുവിൽ കേസായതും.

കേസുമായി ബന്ധപ്പെട്ട്​ അഴീക്കോട്ടെയും മുസ്​ലിം ലീഗ്​ സംസ്ഥാന നേതൃത്വത്തിലെയും നേതാക്കളിൽ നിന്ന്​ മൊഴിയെടുത്ത ഇ.ഡി പത്തോളം തവണയാണ്​ ഷാജിയെയും ആശയെയും ചോദ്യംചെയ്തത്​. മാത്രമല്ല, ഷാജിയുടെയും ബന്ധുക്കളുടെയും പേരിലുള്ള മുഴുവൻ സ്വത്തുവിവരങ്ങളുടെയും കണക്കെടുക്കുകയും ചെയ്തു. ഇത്രയും സ്വത്ത്​ വാങ്ങിക്കൂട്ടാനുള്ള വരുമാന സ്രോതസ്സുകൾ ഹാജരാക്കാൻ ​കഴിഞ്ഞിരുന്നില്ല. 2011 ജൂണ്‍ മുതല്‍ 2020 ഒക്ടോബര്‍ വരെ വരുമാനം വരവിനേക്കാള്‍ 166 ശതമാനം വർധിച്ചെന്നും​ 1.47 കോടി രൂപയുടെ അനധികൃത സ്വത്തുണ്ടെന്നുമാണ്​ വിജിലൻസ്​ നേരത്തേ കണ്ടെത്തിയത്​. ഇതിനിടെ കണ്ണൂർ അലവിൽ മണലിലെ വീട്ടിൽനിന്ന് 47,35,500 രൂപ പിടിച്ചെടുക്കുകയും ചെയ്തിരുന്നു. ഇത്​ തെരഞ്ഞെടുപ്പ്​ ഫണ്ടാണെന്നായിരുന്നു ഷാജിയുടെ വാദം.

നിയമപരമായി നേരിടും -കെ.എം. ഷാജി

സി.​പി.​എം കേ​ന്ദ്ര ഏ​ജ​ന്‍സി​യെ കൂ​ട്ടു​പി​ടി​ച്ച് ന​ട​ത്തു​ന്ന വേ​ട്ട​യെ നി​യ​മ​പ​ര​മാ​യി നേ​രി​ട്ട് തോ​ൽ​പി​ക്കു​മെ​ന്ന് മു​സ്‌​ലിം ലീ​ഗ് സം​സ്ഥാ​ന സെ​ക്ര​ട്ട​റി കെ.​എം. ഷാ​ജി. വി​ജി​ല​ന്‍സ് അ​ന്വേ​ഷ​ണം ന​ട​ത്തി ആ​രോ​പ​ണ​ത്തി​ല്‍ ക​ഴ​മ്പി​ല്ലെ​ന്ന് ബോ​ധ്യ​പ്പെ​ട്ട് ത​ള​ളി​യ പ​രാ​തി വീ​ണ്ടും പൊ​ടി​ത​ട്ടി​യെ​ടു​ത്ത് കേ​ന്ദ്ര അ​ന്വേ​ഷ​ണ ഏ​ജ​ന്‍സി​യാ​യ എ​ന്‍ഫോ​ഴ്‌​സ്‌​മെ​ന്‍റി​ന് കൈ​മാ​റി​യ​ത് കൃ​ത്യ​മാ​യ തി​ര​ക്ക​ഥ​യു​ടെ ഭാ​ഗ​മാ​ണ്.

സം​ഘ്പ​രി​വാ​ര്‍ രാ​ഷ്ട്രീ​യ വി​ദ്വേ​ഷം തീ​ര്‍ക്കാ​ന്‍ കേ​ന്ദ്ര ഏ​ജ​ന്‍സി​ക​ളെ​ ആ​യു​ധ​മാ​ക്കു​ന്നു​വെ​ന്നു വി​ളി​ച്ചു പ​റ​യു​ന്ന സി.​പി.​എം ത​ന്നെ അ​തേ ഏ​ജ​ന്‍സി​യെ കൂ​ട്ടു​പി​ടി​ച്ച് പ​ക​പോ​ക്കു​ക​യാ​ണ്. പ്ല​സ് ടു ​കൈ​ക്കൂ​ലി ആ​രോ​പ​ണം തെ​ളി​യി​ക്കാ​നാ​വാ​തെ വ​ന്ന​തോ​ടെ വ​ര്‍ഷ​ങ്ങ​ള്‍ക്ക് മു​മ്പ് നി​ർ​മാ​ണം തു​ട​ങ്ങി​യ വീ​ടി​ന്‍റെ പേ​രി​ല്‍ പു​ക​മ​റ സൃ​ഷ്ടി​ക്കാ​നുള്ള ശ്ര​മ​മാ​ണ് ന​ട​ന്ന​ത്. സം​സ്ഥാ​ന സ​ര്‍ക്കാ​റി​ന് കീ​ഴി​ലു​ള്ള പി.​ഡ​ബ്ല്യു.​ഡി 1.90 കോ​ടി രൂ​പ വീ​ടി​ന് ക​ണ​ക്കാ​ക്കി അ​തി​ല്‍ 25 ല​ക്ഷം ക​ണ​ക്കി​ല്‍ പെ​ടാ​ത്ത​തു​ണ്ടെ​ന്ന് വ​രു​ത്തി​ത്തീ​ര്‍ക്കു​ക​യാ​യി​രു​ന്നു -ഷാജി പറഞ്ഞു.