വിദ്യാഭ്യാസ മേഖല വർഗീയമാക്കാനുള്ള ശ്രമം ചെറുക്കും -മുഖ്യമന്ത്രി

കാ​ഞ്ഞ​ങ്ങാ​ട്: പൊ​തു​വി​ദ്യാ​ഭ്യാ​സം സം​ര​ക്ഷി​ക്കു​മെ​ന്ന പ്ര​ക​ട​ന​പ​ത്രി​ക​യി​ലെ വാ​ഗ്ദാ​നം പാ​ലി​ക്കാ​ൻ ക​ഴി​ഞ്ഞ​താ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. കെ.​എ​സ്.​ടി.​എ സം​സ്ഥാ​ന സ​മ്മേ​ള​ന​ത്തി​ന്റെ ഭാ​ഗ​മാ​യു​ള്ള പൊ​തു​സ​മ്മേ​ള​നം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. പൊ​തു​വി​ദ്യാ​ല​യ​ങ്ങ​ൾ അ​ട​ച്ചു​പൂ​ട്ട​ലി​ന്‍റെ വ​ക്കി​ലെ​ത്തി​നി​ൽ​ക്കു​ന്ന സ​മ​യ​ത്താ​ണ് 2016ൽ ​ഇ​ട​തു​സ​ർ​ക്കാ​ർ അ​ധി​കാ​ര​ത്തി​ൽ വ​ന്ന​ത്. അ​ഞ്ചു ല​ക്ഷം കു​ട്ടി​ക​ൾ​വ​രെ കൊ​ഴി​ഞ്ഞു​പോ​കു​ന്ന സ​മ​യ​ത്താ​ണി​ത്. സ​ർ​ക്കാ​റി​ന്റെ ഇ​ട​പെ​ട​ലു​ക​ളി​ൽ പൊ​തു​വി​ദ്യാ​ല​യ​ങ്ങ​ൾ ഇ​ന്ത്യ​യി​ൽ​ത​ന്നെ മി​ക​ച്ച നി​ല​വാ​ര​മു​ള്ള​താ​യി മാ​റി. കേ​ന്ദ്ര​സ​ർ​ക്കാ​റും നി​തി ആ​യോ​ഗും കേ​ര​ള​ത്തി​ന്റെ പൊ​തു വി​ദ്യാ​ഭ്യാ​സ രം​ഗ​ത്തെ പ്ര​ശം​സി​ച്ച കാ​ര്യം മു​ഖ്യ​മ​ന്ത്രി ചൂ​ണ്ടി​ക്കാ​ട്ടി.

അ​ധ്യാ​പ​ക​രു​ടെ മി​ക​ച്ച സേ​വ​ന​വും വി​ദ്യാ​ഭ്യാ​സ മേ​ഖ​ല​ക്ക് മു​ത​ൽ​ക്കൂ​ട്ടാ​യി. വി​വ​ര​ങ്ങ​ൾ വി​ദ്യാ​ർ​ഥി​ക​ൾ​ക്ക് വി​ര​ൽ​തു​മ്പി​ൽ ല​ഭി​ക്കു​മ്പോ​ഴും കാ​ലാ​നു​സൃ​ത​മാ​യ പ​രി​ശീ​ല​ന​ങ്ങ​ൾ ല​ഭി​ക്കു​ന്ന​തി​നാ​ൽ അ​ധ്യാ​പ​ക​ർ​ക്ക് അ​വ​രു​ടെ മു​ന്നി​ൽ പ​ക​ച്ചു​നി​ൽ​ക്കേ​ണ്ടി വ​രു​ന്നി​ല്ല. വി​ദ്യാ​ഭ്യാ​സ മേ​ഖ​ല​യി​ൽ വ​ർ​ഗീ​യ​ത കു​ത്തി​നി​റ​ക്കാ​ൻ കേ​ന്ദ്രം ശ്ര​മി​ക്കു​ക​യാ​ണ്. മ​റ്റു​വി​ധ​ത്തി​ൽ ഒ​ന്നും ന​ട​ക്കാ​തെ വ​രു​മ്പോ​ഴാ​ണ് ഇ​ളം മ​ന​സ്സു​ക​ളി​ലേ​ക്ക് വ​ർ​ഗീ​യ​ത കു​ത്തി​ത്തി​രു​കു​ന്ന​ത്. ച​രി​ത്ര​ത്തെ​യും പ​ണ്ഡി​ത​ന്മാ​രെ​യും കേ​ന്ദ്രം അ​വ​ഗ​ണി​ക്കു​ക​യാ​ണ്. ഏ​റെ മൂ​ല്യ​ങ്ങ​ളു​ള്ള ഒ​രു ഭ​ര​ണ​ഘ​ട​ന​യെ​യാ​ണ് പി​ച്ചി​ച്ചീ​ന്തു​ന്ന​തെ​ന്നും മു​ഖ്യ​മ​ന്ത്രി പ​റ​ഞ്ഞു.

സം​ഘ്പ​രി​വാ​റി​ന്റെ പി​ത്ത​ലാ​ട്ട​ത്തി​ന് കേ​ര​ളം വ​ഴ​ങ്ങി​ക്കൊ​ടു​ക്കി​ല്ല. എ​ന്നാ​ൽ, അ​വ​രു​ടെ ആ​ട്ട​ത്തി​ന് ചി​ല​രൊ​ക്കെ വ​ഴ​ങ്ങി​ക്കൊ​ടു​ക്കു​ന്ന​താ​യി പി​ണ​റാ​യി പ​റ​ഞ്ഞു. സം​സ്ഥാ​ന പ്ര​സി​ഡ​ന്റ് ഡി. ​സു​ധീ​ഷ് അ​ധ്യ​ക്ഷ​ത വ​ഹി​ച്ചു.