മുട്ട പൊട്ടിയൊഴുകി; ആലുവയിൽ ഗതാഗതം സ്തംഭിച്ചു

കൊച്ചി: മുട്ടകയറ്റിവന്ന വാഹനത്തിൽ ബസ് ഇടിച്ച് ഇരുപതിനായിരത്തോളം മുട്ടകൾ പൊട്ടി റോഡിലൊഴുകി. ആലുവ - പെരുമ്പാവൂർ റൂട്ടിലായിരുന്നു സംഭവം. ലോറിയിൽ ബസിടിച്ചുണ്ടായ അപകടത്തിൽ ആലുവയിൽ ഏറെ നേരം ഗതാഗതം സ്തംഭിച്ചു.

മുട്ട കയറ്റിവന്ന വണ്ടിയിൽ ബസിടിച്ചപ്പോൾ നിയന്ത്രണം വിട്ട വണ്ടി വേറെ രണ്ട് വാഹനങ്ങളിലും ഇടിച്ചു. റോഡിലെ മതിലും തകർത്തു. 20,000 ത്തോളം മുട്ടകൾ പൊട്ടി റോഡിൽ ഒഴുകി. ഫയർഫോഴ്സെത്തി മുട്ട അവശിഷ്ടങ്ങൾ നീക്കിയാണ് ഗതാഗതം പൂ‍ർണനിലയിൽ പുനഃസ്ഥാപിക്കാൻ സാധിച്ചത്.