ട്വന്‍റി-20 പിടിക്കുന്ന 10ൽ എട്ട്​ വോട്ടും യു.ഡി.എഫിൽ നിന്ന്​; ജയസാധ്യതയെ ബാധിക്കും -ഹൈബി ഈഡൻ

എറണാകുളം: എറണാകുളം ജില്ലയിലെ ട്വന്‍റി-20യുടെ സാന്നിധ്യം യു.ഡി.എഫിന്​ തിരിച്ചടിയാകുമെന്ന പ്രസ്​താവനയുമായി ​ഹൈബി ഈഡൻ എം.പി. ട്വന്‍റി-20 പിടിക്കുന്ന 10ൽ എട്ട്​ വോട്ടുകളും യു.ഡി.എഫിൽ നിന്നാകുമെന്ന്​ ഹൈബി ഈഡൻ പറഞ്ഞു. യു.ഡി.എഫ് തെരഞ്ഞെടുപ്പ്​​ അവലോകന യോഗത്തിലാണ്​ ഹൈബിയുടെ പ്രതികരണം.

ട്വന്‍റി-20യുടെ സാന്നിധ്യം യു.ഡി.എഫ്​ വിജയത്തെ ബാധിക്കും. കോൺഗ്രസ്​ ശക്​തിപ്പെട്ടില്ലെങ്കിൽ അരാഷ്​ട്രീയ സംഘടനകൾ നേട്ടമുണ്ടാക്കുമെന്നും ഹൈബി ഈഡൻ പറഞ്ഞു. എറണാകുളം ജില്ലയിലെ എട്ട്​ മണ്ഡലങ്ങളിലാണ്​ ട്വന്‍റി-20 മത്സരിക്കുന്നത്​.

കുന്നത്തുനാട്​, പെരുമ്പാവൂർ, കോതമംഗലം, മൂവാറ്റുപുഴ, തൃക്കാക്കര, എറണാകുളം, കൊച്ചി, വൈപ്പിൻ മണ്ഡലങ്ങളിൽ മത്സരിക്കുന്ന പാർട്ടി ഇരു മുന്നണികൾക്കും ഒരു പോ​ലെ വെല്ലുവിളിയാണ്​.