നരബലി: ഷാഫിയെ കൊച്ചിയിലെ ധനകാര്യ സ്ഥാപനത്തിലെത്തിച്ച് തെളിവെടുക്കും

കൊച്ചി: ഇലന്തൂർ നരബലി കേസിൽ തെളിവെടുപ്പ് ഇന്നും തുടരും. പ്രതിയായ ഷാഫിയെ കൊച്ചിയിലെ സ്വകാര്യ ധനകാര്യ സ്ഥാപനത്തിലെത്തിച്ച് തെളിവെടുക്കും. റോസിലിന്‍റെയും പത്മയുടെയും ആഭരണങ്ങൾ കൊലപാതകത്തിന് ശേഷം ഷാഫി പണയം വെച്ച സ്ഥാപനത്തിലെത്തിച്ചാണ് തെളിവെടുക്കുക. ഭഗവൽസിങ് കൊലനടത്താനായി കത്തി വാങ്ങിച്ച ഇലന്തൂരിലെ കടയിലെത്തിച്ചും ഇന്ന് തെളിവെടുത്തേക്കും. കഴിഞ്ഞ ദിവസങ്ങളിൽ പ്രതികളെ ഇലന്തൂരിലെ വീട്ടിലെത്തിച്ച് തെളിവെടുത്തിരുന്നു.

അതിനിടെ, ഷാഫിയുടെയും ഭഗവൽസിങ്ങിന്‍റെയും ലൈലയുടെയും കൈയിൽ നിന്ന് തലനാരിഴക്ക് രക്ഷപ്പെട്ടതായി രണ്ട് സ്ത്രീകൾ വെളിപ്പെടുത്തിയിരിക്കുകയാണ്. പ​ത്ത​നം​തി​ട്ട ആ​ന​പ്പാ​റ സ്വ​ദേ​ശി​യാ​യ ലോ​ട്ട​റി വി​ൽ​പ​ന​ക്കാ​രി ഓ​മ​ന​യെ​യും പ​ന്ത​ള​ത്തെ സ്വ​കാ​ര്യ ഏ​ജ​ൻ​സി​വ​ഴി ഭ​ഗ​വ​ൽ സി​ങ്ങി​ന്‍റെ വീ​ട്ടി​ൽ ജോ​ലി​ക്കെ​ത്തി​യ യു​വ​തി​യെ​യും പ്ര​തി​ക​ൾ അ​പാ​യ​പ്പെ​ടു​ത്താ​ൻ ശ്ര​മി​ച്ച​താ​യാ​ണ് വി​വ​രം. അ​ടൂ​ർ ആ​സ്ഥാ​ന​മാ​യ മ​ഹാ​ത്മ ജ​ന​സേ​വ​ന കേ​ന്ദ്ര​ത്തി​നു​വേ​ണ്ടി ലൈ​ല​യു​ടെ അ​ടു​ത്ത്​ സാ​മ്പ​ത്തി​ക സ​ഹാ​യം​ ചോ​ദി​ച്ചെ​ത്തി​യ പ​ന്ത​ളം ഇ​ട​പ്പോ​ൺ സ്വ​ദേ​ശി സു​മ​യും ആ​ഭി​ചാ​ര​ക്കെ​ണി​യി​ൽ​നി​ന്ന്​ ര​ക്ഷ​പ്പെ​ട്ട​താ​യി വെ​ളി​പ്പെ​ടു​ത്തി. ഓ​ട്ടോ ഡ്രൈ​വ​ർ ഹാ​ഷി​മാ​ണ്​ ലോ​ട്ട​റി വി​ൽ​പ​ന​ക്കാ​രി​യാ​യ ഓ​മ​ന ര​ക്ഷ​പ്പെ​ട്ട വി​വ​രം വെ​ളി​പ്പെ​ടു​ത്തി​യ​ത്.

ന​ര​ബ​ലി​ക്ക്​ ഇ​ര​യാ​യ​വ​രു​ടെ ആ​ന്ത​രി​കാ​വ​യ​വ​ങ്ങ​ൾ പ്ര​തി​ക​ൾ സൂ​ക്ഷി​ച്ചി​രു​ന്നു​വെ​ന്ന വെ​ളി​പ്പെ​ടു​ത്ത​ലിൽ വി​ശ​ദ അ​ന്വേ​ഷ​ണ​ത്തി​നാണ് പൊലീസിന്‍റെ​ തീ​രു​മാ​നം. കൊ​ല​ക്ക് ശേ​ഷം ക​ഷ​ണ​ങ്ങ​ളാ​ക്കി​യ ശ​രീ​ര​ഭാ​ഗ​ങ്ങ​ൾ ക​ണ്ടെ​ടു​ത്ത​പ്പോ​ൾ ആ​ന്ത​രി​കാ​വ​യ​വ ഭാ​ഗ​ങ്ങ​ളി​ൽ ചി​ല​ത് ഉ​ണ്ടാ​യി​രു​ന്നി​ല്ല. ഇ​ത് ബ​ലി​യു​ടെ ഭാ​ഗ​മാ​യി പ്ര​ത്യേ​കം എ​ടു​ത്ത് സൂ​ക്ഷി​ച്ച​താ​യാ​ണ് പ്ര​തി​ക​ൾ വെ​ളി​പ്പെ​ടു​ത്തി​യ​ത്. പൊ​ലീ​സ് ഇ​ത് പൂ​ർ​ണ​മാ​യി മു​ഖ​വി​ല​യ്​​ക്ക് എ​ടു​ത്തി​ട്ടി​ല്ല.