ട്രെ​യി​നി​ലെ തീവെപ്പ്: പ്രതി മഹാരാഷ്ട്രയിൽ പിടിയിലെന്ന് പൊലീസ്

മുംബൈ: കോഴിക്കോട് എ​ല​ത്തൂ​രി​ൽ ഓ​ടു​ന്ന ട്രെ​യി​നി​ൽ യാ​ത്ര​ക്കാ​രു​ടെ ദേ​ഹ​ത്ത് തീ​കൊ​ളു​ത്തു​ക​യും മൂ​ന്നു​പേ​ർ ട്രാക്കിൽ വീണ് ദാ​രു​ണമായി മരിക്കുകയും ചെയ്ത സംഭവത്തിൽ പ്രതിയെ മഹാരാഷ്ട്രയിൽനിന്ന് പിടികൂടിയതായി പൊലീസ്. പ്രതി​യെന്ന് പൊലീസ് നേരത്തെ സംശയം പ്രകടിപ്പിച്ച ഉ​ത്ത​ർ​പ്ര​ദേ​ശ് നോ​യ്ഡ സ്വ​ദേ​ശി​യാ​യ ഷ​ഹ​റൂ​ഖ് സെ​യ്ഫിയെയാണ് കസ്റ്റഡിയിൽ എടുത്തത്.

മഹാരാഷ്ട്ര രത്നഗിരിയിൽവെച്ച് ​കേരളപൊലീസിന്റെ പ്രത്യേക അന്വേഷണ സംഘം മഹാരാഷ്ട്ര പൊലീസിന്റെ സഹായത്തോടെയാണ് ഇയാളെ പിടികൂടിയത്. അക്രമം നടന്നതിന്റെ തൊട്ടടുത്ത ദിവസം ത​ന്നെ പ്രതി പിടിയിലായെന്ന വിവരം പുറത്തുവന്നിരുന്നെങ്കിലും പൊലീസ് ഇത് സ്ഥിരീകരിച്ചിരുന്നില്ല.

രത്നഗിരി സിവിൽ ആശുപത്രിയിൽ പ്രതി ചികിത്സ തേടിയ ഷാറൂഖ് ആശുപത്രിയിൽനിന്ന് രക്ഷപ്പെടാൻ ശ്രമിക്കുന്നതിനിടെ ഇന്നലെ രാത്രിയാണ് പിടിയിലായതെന്ന് പൊലീസ് പറയുന്നു. ഇയാൾക്ക് ശരീരത്തിൽ പൊള്ളലേറ്റതിന്റെ പാടുകളുണ്ട്.

പ്രതി പൊ​ലീ​സ് വ​ല​യി​ലാ​യെ​ന്ന വി​വ​രം തിങ്കളാഴ്ച പു​റ​ത്തു​വ​ന്നെ​ങ്കി​ലും ഇ​ക്കാ​ര്യം ത​ള്ളാ​നോ കൊ​ള്ളാ​നോ അ​ന്വേ​ഷ​ണ​സം​ഘം ത​യാ​റായിരുന്നി​ല്ല. ‘ആ​രെ​ങ്കി​ലും ക​സ്റ്റ​ഡി​യി​ലു​ണ്ടോ’ എ​ന്ന ചോ​ദ്യ​ത്തി​ന് ‘എ​ല്ലാം ഇ​പ്പോ​ൾ പ​റ​യാ​നാ​കി​ല്ലെ’​ന്നാ​ണ് അ​ന്വേ​ഷ​ണ​ത്തി​ന് മേ​ൽ​നോ​ട്ടം വ​ഹി​ക്കു​ന്ന എ.​ഡി.​ജി.​പി എം.​ആ​ർ. അ​ജി​ത് കു​മാ​ർ ചൊ​വ്വാ​ഴ്ച മാ​ധ്യ​മ​ങ്ങ​ളോ​ട് പ്ര​തി​ക​രി​ച്ച​ത്. തി​ങ്ക​ളാ​ഴ്ച രാ​ത്രി സം​സ്ഥാ​ന പൊ​ലീ​സ് മേ​ധാ​വി​യും ഏ​റ​ക്കു​റെ ഇ​തേ രീ​തി​യി​ലാ​ണ് ഈ ​വി​ഷ​യ​ത്തി​ൽ പ്ര​തി​ക​രി​ച്ച​ത്.

അ​ക്ര​മം ന​ട​ന്ന എ​ല​ത്തൂ​രി​ൽ​നി​ന്ന് ക​ണ്ടെ​ത്തി​യ ബാ​ഗി​ൽ​നി​ന്നാ​ണ് ‘ഷാറൂ​ഖ് സെ​യ്ഫി കാ​ർ​പെ​ന്റ​ർ’ എ​ന്ന പേ​ര് പൊ​ലീ​സി​ന് ല​ഭി​ക്കു​ന്ന​ത്. സം​ഭ​വം ന​ട​ന്ന​യു​ട​ൻ പു​റ​ത്തേ​ക്കി​റ​ങ്ങി​യ ഇ​യാ​ൾ ക​ണ്ണൂ​രി​ലേ​ക്ക് ക​ട​ന്നു​വെ​ന്നാ​ണ് പൊ​ലീ​സി​ന് ല​ഭി​ച്ച ആ​ദ്യ സൂ​ച​ന​. താ​മ​സി​യാ​തെ ഇ​യാ​ൾ ക​സ്റ്റ​ഡി​യി​ലാ​യെ​ന്ന വി​വ​ര​വും പു​റ​ത്തു​വ​ന്നു. ഷാ​റൂ​ഖ് സെ​യ്ഫി എ​ന്ന പേ​ര് പു​റ​ത്തു​വ​ന്ന​യു​ട​ൻ ത​ന്നെ ഉ​ത്ത​ർ​പ്ര​ദേ​ശ് പൊ​ലീ​സി​ന്റെ തീ​വ്ര​വാ​ദ വി​രു​ദ്ധ സ്ക്വാ​ഡ് സ​മാ​ന പേ​രു​ള്ള ഏ​താ​നും പേ​രെ നോ​യ്ഡ​യി​ൽ പി​ടി​കൂ​ടി​യിരുന്നു. ചി​ല​രെ ചോ​ദ്യം ചെ​യ്ത് വി​ട്ട​യ​ക്കു​ക​യും ചെ​യ്തു. സം​സ്ഥാ​ന പൊ​ലീ​സാ​വ​ട്ടെ ഇ​തേ പേ​രു​കാ​ര​നെ തേ​ടി നോ​യ്ഡ​യി​ലേ​ക്ക് കു​തി​ക്കു​ക​യും ചെ​യ്തു. ബാ​ഗി​ൽ​നി​ന്ന് ല​ഭി​ച്ച വെ​റും വി​ലാ​സ​ത്തി​ന്റെ അ​ടി​സ്ഥാ​ന​ത്തി​ൽ മാ​ത്ര​മാ​ണോ സം​സ്ഥാ​ന പൊ​ലീ​സ് നോ​യ്ഡ​യി​ലേ​ക്ക് പോ​യ​ത് എ​ന്ന​ത് സം​ബ​ന്ധി​ച്ച് വ്യ​ക്ത​മ​ല്ല. എ​ൻ.​ഐ.​എ ഉ​ൾ​പ്പ​ടെ​യു​ള്ള കേ​ന്ദ്ര ഏ​ജ​ൻ​സി​ക​ൾ പ്രാ​ഥ​മി​ക ​അ​ന്വേ​ഷ​ണം തു​ട​ങ്ങി​യി​രുന്നു.