വൈദ്യുതി നിരക്ക് കൂട്ടിയേക്കും; സൂചന നൽകി വൈദ്യുതി മന്ത്രി

തിരുവനന്തപുരം: സംസ്ഥാനത്ത് വൈദ്യുതി നിരക്ക‌് വർധിപ്പിച്ചേക്കും. വൈദ്യുതി ബോർഡിന്‍റെ സാമ്പത്തിക ബാധ്യത നികത്തണമെന്നും അതിനാൽ നിരക്ക് വർധന പരിഗണനയിലാണെന്നും വൈദ്യുതി മന്ത്രി കെ. ക‌ൃഷ്ണൻ കുട്ടി പറഞ്ഞു.

റഗുലേറ്ററി കമീഷനോട് നിരക്ക് വർധന ആവശ്യപെടും. എത്ര രൂപ കൂട്ടണമെന്ന് ബോർഡ് തീരുമാനിക്കും. നയപരമായ തീരുമാനം മുഖ്യമന്ത്രിയുമായി ആലോചിച്ച് സ്വീകരിക്കുമെന്നും മന്ത്രി പറഞ്ഞു.

കുറഞ്ഞത് 10ശതമാനം വരെ വർധന ബോർഡ് ആവശ്യപ്പെടുമെന്നാണ് സൂചന. 2019 ജൂലൈയിലായിരുന്നു അവസാനം നിരക്ക് കൂട്ടിയത്.