വൈദ്യുതി നിരക്ക്: കെ.എസ്​.ഇ.ബി ആവശ്യത്തോട്​ വിയോജിച്ച്​ ജല​അതോറിറ്റി

തി​രു​വ​ന​ന്ത​പു​രം: പ്ര​തി​മാ​സ വ​രു​മാ​ന​ത്തി​ൽ​നി​ന്ന്​ 34 ശ​ത​മാ​ന​ത്തോ​ളം വൈ​ദ്യു​തി ചാ​ർ​ജ്​ ഇ​ന​ത്തി​ൽ പ്ര​ത്യേ​ക അ​ക്കൗ​ണ്ടി​ലേ​ക്ക്​ കൈ​മാ​റ​ണ​മെ​ന്ന കെ.​എ​സ്.​ഇ.​ബി​യു​ടെ ആ​വ​ശ്യ​ത്തി​ന്​ ജ​ല അ​തോ​റി​റ്റി​ക്ക്​ എ​തി​ർ​പ്പ്. ​വെ​ള്ള​ക്ക​രം കൂ​ട്ടി​യ സാ​ഹ​ച​ര്യ​ത്തി​ൽ അ​തോ​റി​റ്റി​യു​ടെ പ്ര​തി​മാ​സ വ​രു​മാ​ന​ത്തി​ൽ​നി​ന്ന്​ കു​ടി​ശ്ശി​ക​യ​ട​ക്കം ഈ​ടാ​ക്കാ​നാ​ണ്​ കെ.​എ​സ്.​ഇ.​ബി നീ​ക്കം. എ​ന്നാ​ൽ, വ​ലി​യ സാ​മ്പ​ത്തി​ക ബാ​ധ്യ​ത​യി​ൽ​കൂ​ടി ക​ട​ന്നു​പോ​കു​​ന്ന സാ​ഹ​ച​ര്യ​മാ​ണെ​ന്നും 10​ ശ​ത​മാ​ന​ത്തി​ൽ കൂ​ടു​ത​ൽ വ​രു​മാ​നം എ​ല്ലാ മാ​സ​വും ന​ൽ​കു​ന്ന​ത്​ ബു​ദ്ധി​മു​ട്ടാ​ണെ​ന്നു​മാ​ണ്​ ജ​ല അ​തോ​റി​റ്റി നി​ല​പാ​ട്.

ക​ഴി​ഞ്ഞ ദി​വ​സം ഈ ​വി​ഷ​യ​ത്തി​ൽ ഉ​ന്ന​ത ഉ​ദ്യോ​ഗ​സ്ഥ​ത​ല ച​ർ​ച്ച ന​ട​ന്നെ​ങ്കി​ലും എ​ത്ര ശ​ത​മാ​നം തു​ക കൈ​മാ​റ​ണ​മെ​ന്ന​തി​ൽ തീ​രു​മാ​ന​മാ​യി​ല്ല. നി​ശ്ചി​ത​ ശ​ത​മാ​നം തു​ക ​കെ.​എ​സ്.​ഇ.​ബി​ക്ക്​ കൈ​മാ​റാ​ൻ ന​വം​ബ​ർ ഒ​ന്നു മു​ത​ൽ എ​സ്​​ക്രോ (escrow) അ​ക്കൗ​ണ്ട്​ ആ​രം​ഭി​ക്കാ​ൻ ധ​ന വ​കു​പ്പ്​ ഒ​ക്​​ടോ​ബ​ർ 30നാ​ണ്​ ജ​ല അ​തോ​റി​റ്റി​ക്ക്​ നി​​​ർ​ദേ​ശം ന​ൽ​കി​യ​ത്. വൈ​ദ്യു​തി ഉ​പ​യോ​ഗി​ച്ച​തി​ന്​ ജ​ല ​അ​തോ​റി​റ്റി കെ.​എ​സ്.​ഇ.​ബി​ക്ക്​ ന​ൽ​കാ​നു​ള്ള കു​​ടി​ശ്ശി​ക​തു​ക 1692 കോ​ടി രൂ​പ​യാ​ണ്. 2015ൽ ​കു​ടി​ശ്ശി​ക തീ​ർ​ക്കാ​ൻ 25 ശ​ത​മാ​നം വ​രു​മാ​നം എ​ല്ലാ മാ​സ​വും പ്ര​ത്യേ​ക അ​ക്കൗ​ണ്ടി​ലൂ​ടെ കൈ​മാ​റാ​ൻ ധാ​ര​ണ ഉ​ണ്ടാ​ക്കി​യി​രു​ന്നെ​ങ്കി​ലും ജ​ല അ​​തോ​റി​റ്റി തു​ട​ർ​ന​ട​പ​ടി സ്വീ​ക​രി​ച്ചി​​​ല്ലെ​ന്നാ​ണ്​ കെ.​എ​സ്.​ഇ.​ബി​യു​ടെ ആ​ക്ഷേ​പം.