നിലമ്പൂർ - ഷൊർണൂർ പാത വൈദ്യുതീകരണം; റെ​യി​ൽ​വേ ഗേ​റ്റു​ക​ളി​ൽ ച​ര​ക്കു​വാ​ഹ​ന​ങ്ങ​ൾ​ക്ക്​ നി​യ​ന്ത്ര​ണം വ​രു​ന്നു

മേ​ലാ​റ്റൂ​ർ: നി​ല​മ്പൂ​ർ - ഷൊ​ർ​ണൂ​ർ പാ​ത വൈ​ദ്യു​തീ​ക​ര​ണ​ത്തി​ന്‍റെ ഭാ​ഗ​മാ​യി ​റെ​യി​ൽ​വേ ഗേ​റ്റു​ക​ളി​ൽ ച​ര​ക്കു​വാ​ഹ​ന​ങ്ങ​ൾ​ക്ക്​ നി​യ​ന്ത്ര​ണം വ​രു​ന്നു. ഷൊ​ർ​ണൂ​ർ മു​ത​ൽ നി​ല​മ്പൂ​ർ വ​രെ​യു​ള്ള റെ​യി​ൽ​പാ​ത​യി​ലെ മു​ഴു​വ​ൻ ഗേ​റ്റു​ക​ളി​ലും വ​ലി​യ ച​ര​ക്കു​വാ​ഹ​ന​ങ്ങ​ൾ​ക്കാ​ണ്​ നി​യ​​​ന്ത്ര​ണ​മേ​ർ​പ്പെ​ടു​ത്തു​ക. ഇ​തി​ന്‍റെ ഭാ​ഗ​മാ​യി ഗേ​റ്റു​ക​ൾ​ക്കി​രു​വ​ശ​വു​മു​ള്ള പാ​ത​ക​ളി​ൽ ക​മാ​നം നി​ർ​മി​ക്കു​ന്ന​തി​ന്‍റെ പ്ര​വൃ​ത്തി​ക​ൾ ആ​രം​ഭി​ച്ചു. 67 കി​ലോ​മീ​റ്റ​ർ ദൂ​ര​ത്തി​ലു​ള്ള റെ​യി​ൽ​പാ​ത​യി​ൽ 10 ഗേ​റ്റു​ക​ളാ​ണു​ള്ള​ത്. വാ​ടാ​നാം​കു​ർ​ശ്ശി, വ​ല്ല​പ്പു​ഴ, ചെ​വി​ക്ക​ൽ​പ​ടി, കു​ലു​ക്ക​ല്ലൂ​ർ, ഏ​ലം​കു​ളം, ചെ​റു​ക​ര, പ​ട്ടി​ക്കാ​ട്, മേ​ലാ​റ്റൂ​ർ, വാ​ണി​യ​മ്പ​ലം, നി​ല​മ്പൂ​ർ എ​ന്നി​വി​ട​ങ്ങ​ളി​ലാ​ണ്​ ഗേ​റ്റു​ക​ൾ. ഇ​തി​ൽ വാ​ണി​യ​മ്പ​ല​വും നി​ല​മ്പൂ​രും റെ​യി​ൽ​വേ​യു​ടെ ട്രാ​ഫി​ക്​ വി​ഭാ​ഗ​ത്തി​ന്​ കീ​ഴി​ലു​ള്ള​താ​ണ്.

4.76 മീ​റ്റ​ർ ഉ​യ​ര​ത്തി​ലാ​ണ്​​ ക​വാ​ട​ത്തി​ന്‍റെ നി​ർ​മാ​ണം. വൈ​ദ്യു​തീ​ക​ര​ണം പൂ​ർ​ത്തി​യാ​കു​ന്ന​തോ​ടെ ഈ ​ഉ​യ​ര​ത്തി​ൽ കൂ​ടു​ത​ലു​ള്ള ച​ര​ക്കു​വാ​ഹ​ന​ങ്ങ​ൾ​ക്ക്​ ഗേ​റ്റു​ക​ൾ വ​ഴി ക​ട​ന്നു​പോ​കാ​നാ​വി​ല്ല. ചെ​റു​ക​ര, പ​ട്ടി​ക്കാ​ട്​ എ​ന്നി​വി​ട​ങ്ങ​ളി​ൽ ഇ​രു​വ​ശ​വും ക​വാ​ട​ങ്ങ​ൾ നി​ർ​മി​ക്കു​ന്ന പ്ര​വൃ​ത്തി​ക​ൾ പു​രോ​ഗ​മി​ക്കു​ക​യാ​ണ്.

പ​ട്ടി​ക്കാ​ട്​ ഗേ​റ്റി​ൽ ഇ​രു​വ​ശ​ത്തു​മു​ള്ള ഫൗ​ണ്ടേ​ഷ​ൻ പൂ​ർ​ത്തി​യാ​യി. റെ​യി​ൽ​പാ​ത വൈ​ദ്യു​തീ​ക​ര​ണ​ത്തി​ന്‍റെ ഭാ​ഗ​മാ​യി, റോ​ഡ്​ മു​റി​ച്ചു​പോ​കു​ന്ന വൈ​ദ്യു​ത ക​മ്പി​ക​ൾ സം​ര​ക്ഷി​ക്കു​ന്ന​തി​നാ​ണ് ക​വാ​ടം നി​ർ​മി​ക്കു​ന്ന​ത്.

മേ​ലാ​റ്റൂ​ർ റെ​യി​ൽ​വേ സ്​​റ്റേ​ഷ​ന്​ സ​മീ​പ​ത്താ​യി നി​ർ​മി​ക്കു​ന്ന ട്രാ​ക്ഷ​ൻ സ​ബ്​ സ്​​റ്റേ​ഷ​ൻ നി​ർ​മാ​ണ​വും ഭൂ​ഗ​ർ​ഭ കേ​ബി​ൾ സ്ഥാ​പി​ക്കു​ന്ന​തി​ന്‍റെ ​പ്ര​വൃ​ത്തി​ക​ളും പു​രോ​ഗ​മി​ച്ചു​വ​രി​ക​യാ​ണ്.