കാട്ടാന ആക്രമണം: പ്രതിഷേധ ചൂടിൽ കുട്ടമ്പുഴ

കോ​ത​മം​ഗ​ലം: കാ​ട്ടാ​ന ആ​ക്ര​മ​ണ​ത്തി​ൽ യു​വാ​വ് മ​രി​ച്ച​തി​നെ തു​ട​ർ​ന്ന് ചൊ​വ്വാ​ഴ്ച കോ​ത​മം​ഗ​ല​വും കു​ട്ട​മ്പു​ഴ​യും സാ​ക്ഷ്യം വ​ഹി​ച്ച​ത്​ വ​ൻ പ്ര​തി​ഷേ​ധ​ത്തി​ന്. കു​ട്ട​മ്പു​ഴ​യി​ൽ ഹ​ർ​ത്താ​ൽ പൂ​ർ​ണ​വും കോ​ത​മം​ഗ​ല​ത്ത് ഭാ​ഗി​ക​വു​മാ​യി​രു​ന്നു. ​വൈ​കീ​ട്ട്​ ന​ട​ന്ന ഡി.​എ​ഫ്.​ഒ ഓ​ഫി​സ് മാ​ർ​ച്ചി​ൽ ജ​ന​രോ​ഷ​മി​ര​മ്പി. മാ​ർ​ച്ചി​ൽ ആ​യി​ര​ങ്ങ​ൾ പ​ങ്കെ​ടു​ത്തു. എ​ല്ലാ​യി​ട​ത്തും പൊ​ലീ​സ് വ​ൻ സ​ന്നാ​ഹം ഒ​രു​ക്കി​യി​രു​ന്നു.

കാ​ട്ടാ​ന​യു​ടെ ച​വി​ട്ടേ​റ്റ്​ മ​രി​ച്ച എ​ൽ​ദോ​സി​ന്‍റെ മൃ​ത​ദേ​ഹം നാ​ട്ടു​കാ​രു​ടെ​യും ബ​ന്ധു​ക്ക​ളു​ടെ​യും പ്ര​തി​ഷേ​ധ​ത്തെ തു​ട​ർ​ന്ന് സം​ഭ​വ​സ്ഥ​ല​ത്ത് നി​ന്ന്​ ആ​ശു​പ​ത്രി​യി​ലേ​ക്ക് മാ​റ്റി​യ​ത് ചൊ​വ്വാ​ഴ്ച പു​ല​ർ​ച്ചെ ര​ണ്ടി​നാ​ണ്. മൃ​ത​ദേ​ഹം നീ​ക്കം ചെ​യ്യാ​ൻ സ​ഹാ​യി​ക്ക​ണ​മെ​ന്ന് ക​ല​ക്ട​ർ ജ​ന​ങ്ങ​ൾ​ക്ക് മു​ന്നിൽ കൈ​കൂ​പ്പി അ​ഭ്യ​ർ​ഥി​ക്കു​ക​യും വാ​ഗ്ദാ​ന​ങ്ങ​ൾ പാ​ലി​ക്ക​പ്പെ​ടു​മെ​ന്ന് ഉ​റ​പ്പ് ന​ൽ​കു​ക​യും ചെ​യ്ത​തോ​ടെ​യാ​ണ് പ്ര​തി​ഷേ​ധ​ക്കാ​ർ അ​യ​ഞ്ഞ​ത്. രാ​ത്രി ആ​റ്​ മ​ണി​ക്കൂ​റോ​ളം നീ​ണ്ട സം​ഘ​ർ​ഷാ​വ​സ്ഥ​​ക്കൊ​ടു​വി​ൽ മൃ​ത​ദേ​ഹം എറണാകുളം ഗവ. മെ​ഡി​ക്ക​ൽ കോ​ള​ജി​ലേ​ക്ക് മാ​റ്റു​ക​യാ​യി​രു​ന്നു.

പി​ണ​വൂ​ർ​കു​ടി വെ​ളി​യ​ത്ത് പ​റ​മ്പി​ൽ നി​ന്ന്​ ട്ര​ഞ്ച്​ നി​ർ​മാ​ണം ചൊ​വ്വാ​ഴ്ച രാ​വി​ലെ ത​ന്നെ ആ​രം​ഭി​ച്ചു.

ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​ക​ണ​മെ​ന്നാ​വ​ശ്യ​പ്പെ​ട്ട് സ​ർ​വ​ക​ക്ഷി നേ​തൃ​ത്വ​ത്തി​ലാ​ണ്​ കോ​ത​മം​ഗ​ലം ഡി.​എ​ഫ്.​ഒ ഓ​ഫി​സി​ന് മു​ന്നി​ലേ​ക്ക് മാ​ർ​ച്ച് ന​ട​ത്തി​യ​ത്. ചെ​റി​യ​പ​ള്ളി താ​ഴ​ത്തുനി​ന്ന്​ ആ​രം​ഭി​ച്ച പ്ര​ക​ട​നം ന​ഗ​രം ചു​റ്റി ഡി.​എ​ഫ്.​ഒ ഓ​ഫി​സി​ന് മു​ന്നി​ൽ സ​മാ​പി​ച്ചു.

സ്ത്രീ​ക​ളും വ​യോ​ധി​ക​രും വ​ന​മേ​ഖ​ല​യോ​ട് ചേ​ർ​ന്ന പ്ര​ദേ​ശ​ങ്ങ​ളി​ലെ ക​ർ​ഷ​ക​രും തൊ​ഴി​ലാ​ളി​ക​ളു​മ​ട​ക്കം ആ​യി​ര​ങ്ങ​ൾ പ​ങ്കെ​ടു​ത്തു. കോ​ത​മം​ഗ​ലം രൂ​പ​ത ബി​ഷ​പ്​ മാ​ർ ജോ​ർ​ജ് മ​ഠ​ത്തി​ക്ക​ണ്ട​ത്തി​ൽ സ​മ​രം ഉ​ദ്ഘാ​ട​നം ചെ​യ്തു. യാ​ക്കോ​ബാ​യ സ​ഭ കോ​ത​മം​ഗ​ലം മേ​ഖ​ല മെ​ത്രാ​പ്പോ​ലീ​ത്ത ഏ​ലി​യാ​സ് മോ​ർ യൂ​ലി​യോ​സ്, ആ​ന്‍റ​ണി ജോ​ൺ എം.​എ​ൽ.​എ, മാ​ത്യു കു​ഴ​ൽ​നാ​ട​ൻ എം.​എ​ൽ.​എ, മു​ൻ മ​ന്ത്രി ടി.​യു. കു​രു​വി​ള, ഡി.​സി.​സി അ​ധ്യ​ക്ഷ​ൻ മു​ഹ​മ്മ​ദ് ഷി​യാ​സ്, ഷി​ബു തെ​ക്കും​പു​റം, എ.​ജി. ജോ​ർ​ജ്, ഷെ​മീ​ർ പ​ന​ക്ക​ൽ, കെ.​എ. ജോ​യി, ഇ.​കെ. ശി​വ​ൻ, ശാ​ന്ത​മ്മ പ​യ​സ്, പി.​ടി. ബെ​ന്നി, സ​ണ്ണി ക​ടു​ത്താ​ഴെ, റാ​ണി​ക്കു​ട്ടി ജോ​ർ​ജ്, പി.​കെ. മൊ​യ്തു, പി.​എ.​എം. ബ​ഷീ​ർ, മാ​ർ​ത്തോ​മ സു​റി​യാ​നി സ​ഭ ഉ​രു​ള​ൻ​ത​ണ്ണി പ​ള്ളി വി​കാ​രി ഫാ. ​കെ.​വൈ. നി​തി​ൻ, ഫാ. ​മാ​നു​വ​ൽ പീ​ച്ചാ​ട്ട്, ഫാ. ​റോ​ബി​ൻ പ​ടി​ഞ്ഞാ​റേ​ക്കൂ​റ്റ്, ഫാ. ​റോ​യി ക​ണ്ണാ​ച്ചി​റ, കു​ട്ട​മ്പു​ഴ പ​ഞ്ചാ​യ​ത്ത് പ്ര​സി​ഡ​ന്‍റ്​ കാ​ന്തി വെ​ള്ള​ക്ക​യ്യ​ൻ, കീ​രം​പാ​റ പ​ഞ്ചാ​യ​ത്ത് പ്ര​സി​ഡ​ന്‍റ്​ മാ​മ​ച്ച​ൻ ജോ​സ​ഫ്, എ​ഫ്.​ഐ.​ടി.​യു ജി​ല്ല പ്ര​സി​ഡ​ന്‍റ്​ ടി.​എം. ഇ​ല്യാ​സ്, വെ​ൽ​ഫെ​യ​ർ പാ​ർ​ട്ടി ജി​ല്ല ക​മ്മി​റ്റി​ അം​ഗം റെ​ജി വാ​രി​ക്കാ​ട്ട്, മ​ണ്ഡ​ലം പ്ര​സി​ഡ​ന്‍റ്​ സി.​എ. യ​ഹിയ, നെ​ല്ലി​ക്കു​ഴി പ​ഞ്ചാ​യ​ത്ത് പ്ര​സി​ഡ​ന്‍റ്​ കെ.​എ​ച്ച്. സ​ലിം തു​ട​ങ്ങി​യ​വ​രും പ​ങ്കെ​ടു​ത്തു.

എൽദോസ്​ അനാസ്ഥയുടെ ഇര -കോതമംഗലം ബിഷപ്

കോ​ത​മം​ഗ​ലം: എ​ൽ​ദോ​സി​ന്‍റെ മ​ര​ണം യാ​ദൃ​ച്ഛി​ക​മ​ല്ലെ​ന്നും പ​ല​രു​ടെ​യും അ​നാ​സ്ഥ മൂ​ലം സം​ഭ​വി​ച്ച​താ​ണെ​ന്നും കോ​ത​മം​ഗ​ലം രൂ​പ​ത ബി​ഷ​പ്​ മാ​ർ ജോ​ർ​ജ് മ​ഠ​ത്തി​ക്ക​ണ്ട​ത്തി​ൽ. കോ​ത​മം​ഗ​ല​ത്ത് ന​ട​ന്ന പ്ര​തി​ഷേ​ധ ജാ​ഥ​യു​ടെ സ​മാ​പ​ന സ​മ്മേ​ള​നം ഡി.​എ​ഫ്.​ഒ ഓ​ഫി​സി​ന് മു​ന്നി​ൽ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​​ദ്ദേ​ഹം.

വ​ന​പാ​ല​ക​രാ​ണ് ഇ​വി​ടെ​യു​ള്ള​ത്. എ​ന്നാ​ൽ, ജ​ന​പാ​ല​ക​രി​ല്ല. ഇ​ത്ത​രം ദു​ര​ന്ത​ങ്ങ​ൾ ആ​വ​ർ​ത്തി​ക്ക​പ്പെ​ട്ടാ​ൽ ഇ​താ​യി​രി​ക്കി​ല്ല പ്ര​തി​ക​ര​ണം. കാ​ടി​ന്‍റെ വി​സ്തൃ​തി വ​ർ​ധി​പ്പി​ക്കാ​നാ​ണ് നീ​ക്കം. ജ​ന​ങ്ങ​ളു​ടെ ജീ​വി​തം പ്ര​ശ്ന​മ​ല്ല. വ​ന​പാ​ല​ക​ർ നാ​ട്ടി​ൽ വ​ന്ന് ജ​ന​ങ്ങ​ളെ ഭീ​തി​പ്പെ​ടു​ത്തു​ക​യാ​ണ്. നേ​ര​ത്തെ വ​ന്യ​മൃ​ഗ​ങ്ങ​ളെ മാ​ത്രം ഭ​യ​ന്നാ​ൽ മ​തി​യാ​യി​രു​ന്നു. എ​ന്നാ​ൽ വ​നം വ​കു​പ്പ് ഉ​ദ്യോ​ഗ​സ്ഥ​രെ​യും ഭ​യ​പ്പെ​ടേ​ണ്ട സ്ഥി​തി​യാ​ണ്. ഇ​ത് അ​ധി​ക​നാ​ൾ മു​ന്നോ​ട്ട് പോ​കി​ല്ല. പ്ര​ത്യാ​ശ​യു​ടെ​യും സ​മാ​ധാ​ന​ത്തി​ന്‍റെ​യും സ​മ​യ​ത്ത് സ​ർ​ക്കാ​ർ ക​ണ്ണു​തു​റ​ന്നാ​ൽ പ്ര​ത്യാ​ശ​യും സ​മാ​ധാ​ന​വും കൈ​വ​രു​മെ​ന്നും ബി​ഷ​പ്പ്​ പ​റ​ഞ്ഞു.

കെ.​എ​സ്.​ആ​ർ.​ടി.​സി ജ​ങ്​​ഷ​നി​ൽ നി​ന്ന്​ ആ​രം​ഭി​ച്ച മാ​ർ​ച്ച് ഇ​ഞ്ച​ത്തൊ​ട്ടി യാ​ക്കോ​ബാ​യ പ​ള്ളി വി​കാ​രി ഫാ. ​സി​ബി ഇ​ട​പ്പ​ള​ൻ ഉ​ദ്ഘാ​ട​നം ചെ​യ്തു. മാ​ർ​ച്ചി​ന് മു​ന്നോ​ടി​യാ​യി എ.​കെ.​സി.​സി രൂ​പ​ത ഡ​യ​റ​ക്ട​ർ ഫാ. ​ഡോ. മാ​നു​വ​ൽ പി​ച്ച​ള​ക്കാ​ട്ട്, ഫാ. ​റോ​യി ക​ണ്ണ​ഞ്ചി​റ എ​ന്നി​വ​ർ സം​സാ​രി​ച്ചു. പ്ര​തി​ഷേ​ധ സ​മ്മേ​ള​ന​ത്തി​ൽ ഏ​ലി​യാ​സ് മാ​ർ ജൂ​ലി​യ​സ്, എം.​എ​ൽ.​എ​മാ​രാ​യ ആ​ന്‍റ​ണി ജോ​ൺ, മാ​ത്യു കു​ഴ​ൽ​നാ​ട​ൻ, ജ​ന​കീ​യ സ​മ​ര​സ​മി​തി ജ​ന​റ​ൽ ക​ൺ​വീ​ന​ർ ഫാ. ​അ​രു​ൺ വ​ലി​യ താ​ഴ​ത്ത്, ഉ​രു​ള​ൻ ത​ണ്ണി മാ​ർ​തോ​മ പ​ള്ളി വി​കാ​രി ഫാ. ​ബി​ബി​ൻ, പി.​എ. സോ​മ​ൻ, സി.​എ. യ​ഹി​യ എ​ന്നി​വ​ർ സം​സാ​രി​ച്ചു. എ.​കെ.​സി.​സി രൂ​പ​ത പ്ര​സി​ഡ​ന്‍റ്​ സ​ണ്ണി ക​ടു​ത്താ​ഴെ സ്വാ​ഗ​ത​വും ഇ​ൻ​ഫാം ഡ​യ​റ​ക്ട​ർ ഫാ. ​റോ​ബി​ൻ പ​ടി​ഞ്ഞാ​റെ​കു​റ്റ് ന​ന്ദി​യും പ​റ​ഞ്ഞു.