എം​പ്ലോ​യ്മെൻറ് എ​ക്സ്ചേ​ഞ്ചു​ക​ൾ ഓ​ൺ​ലൈ​നി​ലേ​ക്ക്

തൃശൂർ: എംപ്ലോയ്മ​െൻറ് എക്സ്ചേഞ്ചുകളിലെ രജിസ്ട്രേഷൻ ഓൺലൈൻ ആകുന്നു. ഇത്തവണത്തെ എസ്.എസ്.എൽ.സി, പ്ലസ് ടു ഫലം പ്രഖ്യാപിക്കുംമുമ്പേ വെബ്സൈറ്റ് പൊതുജനങ്ങൾക്ക് ലഭ്യമാക്കാനാണ് ശ്രമം. വെബ്സൈറ്റി​െൻറ ട്രയൽ റൺ നടത്തിത്തുടങ്ങി. മേയിൽ വെബ്സൈറ്റ്  എല്ലാവർക്കും ലഭ്യമാക്കും. ഇതോടെ രജിസ്ട്രേഷന് എംപ്ലോയ്മ​െൻറ് എക്സ്ചേഞ്ചുകളുടെ മുന്നിൽ കാത്തുനിൽക്കേണ്ട അവസ്ഥ മാറും. നിലവിൽ അതത് കേന്ദ്രങ്ങളിലെത്തി നേരിട്ടാണ് രജിസ്ട്രേഷൻ. ഒാൺലൈനിലേക്ക് മാറുമ്പോൾ അക്ഷയ കേന്ദ്രങ്ങൾ വഴിയോ ഇൻറർനെറ്റ് സൗകര്യമുള്ളവർക്ക് വെബ്സൈറ്റിൽ നേരിട്ടോ രജിസ്റ്റർ ചെയ്യാം.

വിദ്യാഭ്യാസ യോഗ്യത  ചേർത്തശേഷം സർട്ടിഫിക്കറ്റ് പരിശോധനക്കായി   എംപ്ലോയ്മ​െൻറ് ഓഫിസുകളിൽ എത്തിയാൽ മതിയാകും. നാഷനൽ ഇൻഫർമാറ്റിക് സ​െൻററിനാണ് ഓൺലൈൻ സംവിധാനം ഏർപ്പെടുത്താനുള്ള ചുമതല ഏൽപിച്ചിരുന്നത്. കംപ്യൂട്ടർവത്കരണത്തിൽ വന്ന കാലതാമസമാണ് ഓൺലൈൻ നടപടികൾ  നീളാൻ കാരണം. നിലവിൽ 40 ലക്ഷത്തോളം രജിസ്ട്രേഷനുകളാണ് സംസ്ഥാനത്തെ 84 എംപ്ലോയ്മ​െൻറ് എക്സ്ചേഞ്ചുകളിലും ഉള്ളത്. പത്താം ക്ലാസ്, പ്ലസ് ടു ഫലപ്രഖ്യാപനം കഴിയുമ്പോൾ ഓരോ ജില്ലകളിലും അമ്പതിനായിരത്തോളം രജിസ്ട്രേഷനുകൾ നടക്കുന്നുണ്ട്. പുതുക്കൽ ഉൾപ്പെടെ ദിനേന നൂറോളം രജിസ്ട്രേഷനുകളുമുണ്ട്.

എംപ്ലോയ്മ​െൻറ് എക്സ്ചേഞ്ചുകളെ എംപ്ലോയബിലിറ്റി സ​െൻററുകളാക്കാനുള്ള നടപടിയും പുരോഗമിക്കുകയാണ്. ഈ വർഷം തൃശൂർ, കാസർകോട് ജില്ലകളിലെ  എംപ്ലോയ്മ​െൻറ് എക്സ്ചേഞ്ചുകളെ എംപ്ലോയബിലിറ്റി സ​െൻററുകളാക്കും. ആദ്യഘട്ടത്തിൽ കോട്ടയം, എറണാകുളം,  പാലക്കാട്, കോഴിക്കോട്, കണ്ണൂർ, മലപ്പുറം ജില്ലകളെയാണ് എംപ്ലോയബിലിറ്റി സ​െൻററുകളാക്കിയത്. രജിസ്ട്രേഷൻ വർധിക്കുന്നതിനൊപ്പം തൊഴിൽ ലഭ്യതയിലെ  കുറവ് രജിസ്ട്രേഷൻ പുതുക്കുന്നതിൽനിന്ന് പലെരയും പിന്തിരിപ്പിക്കുന്നുണ്ട്. രജിസ്റ്റർ ചെയ്ത 40 ശതമാനത്തോളം പേർ ഇത് പുതുക്കുന്നില്ലെന്ന് അധികൃതർ ചൂണ്ടിക്കാട്ടുന്നു. പി.എസ്.സിയുടെ നിയമന പരിധിക്കപ്പുറത്തെ നിയമനങ്ങളെല്ലാം എപ്ലോയ്മ​െൻറിൽനിന്നാകണമെന്ന് സർക്കാർ കർശന നിർദേശം നൽകിയിട്ടുണ്ട്.

25 തൊഴിലാളികളിൽ കൂടുതൽ പേർ ജോലിചെയ്യുന്ന തൊഴിൽ സ്ഥാപനങ്ങളിൽ ഒഴിവുകൾ എംപ്ലോയ്മ​െൻറിൽ രജിസ്റ്റർ ചെയ്യണം. രജിസ്റ്റർ ചെയ്തവരിൽ നിലവിൽ ജോലി  ലഭിക്കുന്നത് ഒരുശതമാനത്തിന് മാത്രമാണ്. സ്വകാര്യ മേഖലയിലെ ഒഴിവുകൾകൂടി എംപ്ലോയ്മ​െൻറുകൾ വഴിയാക്കാനാണ് സർക്കാർ ആലോചന. ഇതോടെ, കൂടുതൽ തൊഴിലുകൾ എംപ്ലോയ്മ​െൻറുകൾ വഴി സൃഷ്ടിക്കാൻ സാധിക്കും. ജില്ലാതലത്തിൽ എംപ്ലോയബിലിറ്റി സ​െൻററുകൾക്ക് പുറമെ താലൂക്കുതലത്തിൽ കരിയർ ഡെവലപ്മ​െൻറ് സ​െൻററുകളുടെ പ്രവർത്തനവും ഊർജിതമാക്കും.