ആരോഗ്യ മേഖലയിൽ തൊഴിലവസരം: കേരളവും യു.കെയും ധാരണാ പത്രം ഒപ്പിടും
text_fieldsകോഴിക്കോട് : കേരളത്തില് നിന്നുളള ആരോഗ്യപ്രവര്ത്തകര്ക്ക് യു.കെ യിലേയ്ക്ക് തൊഴില് കുടിയേറ്റം സാധ്യമാക്കുന്നതിനായി കേരള സര്ക്കാറും യു.കെ യും തമ്മിൽ ഞായറാഴ്ച ധാരണാപത്രത്തില് ഒപ്പുവെയ്ക്കും. സംസ്ഥാന സര്ക്കാറിനു വേണ്ടി നോര്ക്ക റൂട്ട്സും യു.കെ യില് എന്. എച്ച്. എസ് (നാഷണല് ഹെല്ത്ത് സര്വ്വീസ് ) സേവനങ്ങള് ലഭ്യമാക്കുന്ന ഇന്റഗ്രറ്റഡ് കെയര് ബോര്ഡുകളായ നാവിഗോ ആൻഡ് ഹംബർ ആൻഡ് നോർത്ത് യോർക്ക്ഷയർ ഹെൽത്ത് ആൻഡ് കെയർ പാർട്ണർഷിപ്പും തമ്മില് നടത്തിയ ചര്ച്ചകള്ക്കൊടുവിലാണ് തീരുമാനം.
മുഖ്യമന്ത്രി പിണറായി വിജയന്, നേര്ക്ക റൂട്ട്സ് റസിഡന്റ് വൈസ് ചെയര്മാന് പി.ശ്രീരാമകൃഷ്ണന് എന്നിവരുടെ സാന്നിദ്ധ്യത്തിലാണ് ലണ്ടനില് ധാരണാപത്രം ഒപ്പിടുക. നോര്ക്ക റൂട്ട്സിനുവേണ്ടി സി.ഇ.ഒ. ഹരികൃഷ്ണന് നമ്പൂതിരി, ജനറല് മാനേജര് അജിത്ത് കോളശേരി എന്നിവരും സംബന്ധിക്കും.
സുരക്ഷിതവും, സുതാര്യവും നിയമപരവുമായ മാർഗങ്ങളിലൂടെ ഡോക്ടര്മാര്, നഴ്സുമാര്, പാരാമെഡിക്കല് സ്റ്റാഫ് എന്നീ ആരോഗ്യപ്രവര്ത്തകര്ക്ക് സുഗമമായ കുടിയേറ്റം സാധ്യമാക്കുകയാണ് പദ്ധതിയുടെ ലക്ഷ്യം. നടപടികള് പൂര്ത്തിയായശേഷം നവംബറില് ഒരാഴ്ചയോളം നീളുന്ന യു.കെ എംപ്ലോയ്മെന്റ് ഫെസ്റ്റ് സംഘടിപ്പിക്കാനും ഉദേശിക്കുന്നു. ആദ്യഘട്ടത്തില് ആരോഗ്യമേഖലയിലെ വിവിധ പ്രഫഷണലുകള്ക്കായി 3000 ലധികം ഒഴിവുകളിലേക്കാണ് ഇതുവഴി തൊഴില് സാധ്യത തെളിയുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.