മുൻ കലക്​ടറുടെ റിപ്പോർട്ടിൽ എൻഡോസൾഫാൻ സെല്ലും സഹായവും നിലച്ചു

കാസർകോട്​: മുൻ കലക്​ടർ സർക്കാറിനു നൽകിയ റിപ്പോർട്ടി​െൻറ അടിസ്​ഥാനത്തിൽ, എൻഡോസൾഫാൻ സെൽ യോഗം ചേരുന്നതും ചികിത്സയും മറ്റുസഹായങ്ങളും നിലച്ചു. എൻഡോസൾഫാൻ ഇരകളുടെ പട്ടികയിൽ അനർഹർ ഉണ്ടെന്നും പട്ടികയിലെ മുഴുവൻ പേരെയും വൈദ്യപരിശോധനക്ക്​ വിധേയമാക്കണമെന്നും ആവശ്യപ്പെട്ട്​ 2020 ജൂലൈ 24ന്​ മുൻ കലക്​ടർ ഡോ. ഡി. സജിത്​ബാബു സാമൂഹിക നീതി വകുപ്പിനു നൽകിയ കത്താണ്​ എൻഡോസൾഫാൻ പുനരധിവാസ പാക്കേജിനു കത്രികയായത്​. ഇരകൾക്ക്​ നഷ്​ടപരിഹാരം നൽകണമെന്ന ദേശീയ മനുഷ്യാവകാശ കമീഷ​െൻറ ശിപാർശ നടപ്പാക്കണമെന്ന്​ 2017ൽ സുപ്രീംകോടതി വിധിയുണ്ടായി. ഇത്​ ഭാഗികമായി നടപ്പാക്കിയ​തിനെതിരെ നാലുപേർ വീണ്ടും കോടതിയെ സമീപിച്ചു. സമീപിച്ച നാലു​േപർക്ക്​ മാത്രം കോടതി വിധിയുണ്ടായി.

കോടതി ഇരകളുടെ തുണക്ക്​ തുടർച്ചയായി എത്തിയതോടെയാണ്​ കലക്​ടർ, പട്ടികയിൽ അനർഹരുണ്ട്​ എന്ന വാദവുമായി രംഗത്തുവന്നത്​. ഇക്കാര്യം ചൂണ്ടിക്കാട്ടി 74പേജുള്ള റിപ്പോർട്ട്​ കലക്​ടർ സർക്കാറിനു സമർപ്പിച്ചു. കബളിപ്പിച്ച്​ പണംപറ്റുന്നു, ചികിത്സക്ക്​ ആശുപത്രികൾക്ക്​ നേരിട്ടു നൽകുന്ന തുക​ക്ക്​ ഓഡിറ്റ്​ നടക്കുന്നില്ല, പട്ടിക​ക്ക്​ പുറത്തുള്ളവരെ ചികിത്സിക്കുന്നു, ഇരകളുടേതായി എഴുതിത്തള്ളുന്ന വായ്​പകളിൽ പുനരാലോചന വേണം, സ്​കോളർഷിപ്​ നൽകുന്നത്​ നിയന്ത്രിക്കണം, ഇരകൾ കാറിൽ വന്ന്​ റേഷനരി വാങ്ങുന്നു, അനർഹരെ കണ്ടെത്തുന്നതിന്​ പ്രത്യേക മെഡിക്കൽ ക്യാമ്പ്​ സംഘടിപ്പിക്കണം, വന്ധ്യതയുണ്ടായിരുന്നവർ പ്രസവിച്ചു എന്നിത്യാദി പരാമർശങ്ങൾ അടങ്ങിയ റിപ്പോർട്ടാണ്​ കലക്​ടർ സർക്കാറിനു സമർപ്പിച്ചത്​. ഇവർക്ക്​ നൽകിയ തുക തിരിച്ചുപിടിക്കാനും നടപടിവേണമെന്ന്​ റിപ്പോർട്ടിലുണ്ട്​.

ഈ റിപ്പോർട്ട്​ സമർപ്പിക്കപ്പെട്ടതോടെ പുതിയ മെഡിക്കൽ ക്യാമ്പ്​ വേണ്ടെന്നുവെച്ചു. എൻഡോസൾഫാൻ സെൽ യോഗം ചേരുന്നതും പെൻഷൻ നൽകുന്നതും നിർത്തി. ഇപ്പോൾ ചികിത്സയും മുടങ്ങി. ഏറെപേരും ചികിത്സ തേടുന്നത്​ മംഗളൂരുവിലായിരുന്നു. കോവിഡ്​ കാരണം യാത്രയും നിലച്ചു.

നാടൻ ചികിത്സയും മറ്റുമായി ന്യൂറോ രോഗികൾ ഉൾപ്പടെയുള്ളവർ കഴിഞ്ഞുകൂടുകയാണ്​. 6727പേരാണ്​ ഇരകളുടെ പട്ടികയിലുള്ളത്​. ഇതിൽ 3713പേർക്ക്​ സുപ്രീം കോടതിയുടെ നിർദേശ പ്രകാരമുള്ള സഹായത്തി​െൻറ ഒന്നാം ഗഡു ലഭിച്ചു. മൂന്നുലക്ഷം ലഭിക്കേണ്ടിയിരുന്ന 1330പേർക്ക്​ രണ്ടുലക്ഷം മാത്രമേ കിട്ടിയുള്ളൂ. ഇതിനപ്പുറമാണ്​ ഇവരുടെ ചികിത്സ. ഇത്​ രോഗികളുടെ കുടുംബക്കാരുടെ ഉത്തരവാദിത്തമായി മാറി. ഫലത്തിൽ എൻഡോസൾഫാൻ പുനരധിവാസ പാക്കേജി​െൻറ അടിത്തറ തകർക്കുകയായിരുന്നു കലക്​ടറുടെ റിപ്പോർട്ട്​.