എൻഡോസൾഫാൻ: വീടുകൾ​ ഏറ്റെടുക്കുന്നില്ല; കാസർകോട്​ കലക്ടർക്ക്​ ഹൈകോടതിയുടെ രൂക്ഷ വിമർശനം

കൊ​ച്ചി: എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​ർ​ക്കാ​യി ഒ​രു​ക്കി​യ വീ​ടു​ക​ളു​ടെ കാ​ര്യ​ത്തി​ൽ അ​നാ​സ്ഥ ചൂ​ണ്ടി​ക്കാ​ട്ടി​ കാ​സ​ർ​കോ​ട്​ ജി​ല്ല ക​ല​ക്ട​ർ​ക്ക്​ ഹൈ​കോ​ട​തി​യു​ടെ രൂ​ക്ഷ വി​മ​ർ​ശ​നം. സ​ർ​ക്കാ​ർ ന​ൽ​കി​യ കൊ​ട്ടാ​ര​സ​ദൃ​ശ്യ ബം​ഗ്ലാ​വു​ക​ളി​ൽ താ​മ​സി​ക്കു​ന്ന ഉ​ദ്യോ​ഗ​സ്ഥ​ർ​ക്ക്​ എ​ൻ​ഡോ​സ​ൾ​ഫാ​ൻ ഇ​ര​ക​ളു​ടെ ദു​ര​വ​സ്ഥ മ​ന​സ്സി​ലാ​കി​ല്ലെ​ന്നും സ​മൂ​ഹം ഇ​തി​ൽ ല​ജ്ജി​ക്കു​ക​യാ​ണെ​ന്നും ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ വാ​ക്കാ​ൽ പ​റ​ഞ്ഞു. എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​ർ​ക്കാ​യി ത​ങ്ങ​ൾ നി​ർ​മി​ച്ചു​ന​ൽ​കി​യ വീ​ടു​ക​ൾ യ​ഥാ​സ​മ​യം കൈ​മാ​റാ​ത്ത​തി​നാ​ൽ അ​പ​ക​ടാ​വ​സ്ഥ​യി​ലാ​ണെ​ന്ന ശ്രീ​സ​ത്യ​സാ​യി ഓ​ർ​ഫ​നേ​ജ് ട്ര​സ്റ്റി​ന്‍റെ ഹ​ര​ജി പ​രി​ഗ​ണി​ക്ക​വേ​യാ​ണ്​ ക​ല​ക്ട​ർ​ക്ക്​ കോ​ട​തി​യു​ടെ വി​മ​ർ​ശ​ന​മു​ണ്ടാ​യ​ത്. ക​ല​ക്ട​ർ 25ന് ​ഓ​ൺ​ലൈ​നാ​യി കോ​ട​തി​യി​ൽ ഹാ​ജ​രാ​കാ​നും കോ​ട​തി നി​ർ​ദേ​ശി​ച്ചു.

എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​ർ​ക്കാ​യി നി​ർ​മി​ച്ച 81 വീ​ടു​ക​ളി​ൽ പ​ല​തും ജീ​ർ​ണാ​വ​സ്ഥ​യി​ലാ​ണെ​ന്നും പു​ന​ർ നി​ർ​മി​ക്കാ​ൻ 24 ല​ക്ഷം രൂ​പ വേ​ണ​മെ​ന്നു​മാ​ണ്​ ഹ​ര​ജി​ക്കാ​രു​ടെ ആ​വ​ശ്യം. ഈ ​വീ​ടു​ക​ളു​ടെ ഏ​റ്റെ​ടു​ക്ക​ൽ സം​ബ​ന്ധി​ച്ച്​ ക​ല​ക്ട​ർ അ​റി​യി​ക്ക​ണ​മെ​ന്നും ഏ​റ്റെ​ടു​ക്കു​ന്നി​ല്ലെ​ങ്കി​ൽ കാ​ര​ണം വ്യ​ക്ത​മാ​ക്കി വി​ശ​ദീ​ക​ര​ണം ന​ൽ​ക​ണ​മെ​ന്നും കോ​ട​തി ഉ​ത്ത​ര​വി​ട്ടി​രു​ന്നു. ഹ​ര​ജി​യെ​ത്തു​ട​ർ​ന്ന്​ സ്ഥ​ലം സ​ന്ദ​ർ​ശി​ച്ച് റി​പ്പോ​ർ​ട്ട് ന​ൽ​കാ​ൻ സെ​പ്​​റ്റം​ബ​ർ 15ന് ​കോ​ട​തി നി​ർ​ദേ​ശി​ച്ചി​രു​ന്നെ​ങ്കി​ലും ക​ല​ക്ട​റി​ൽ​നി​ന്ന് വി​ശ​ദീ​ക​ര​ണം ല​ഭി​ച്ചി​ട്ടി​ല്ലെ​ന്നാ​യി​രു​ന്നു വ്യാ​ഴാ​ഴ്​​ച ഹ​ര​ജി പ​രി​ഗ​ണി​ക്കു​മ്പോ​ൾ സ​ർ​ക്കാ​ർ കോ​ട​തി​യെ അ​റി​യി​ച്ച​ത്. ദു​രി​ത​ബാ​ധി​ത​ർ സ​ഹാ​യ​മോ പ്ര​തീ​ക്ഷ​യോ ഇ​ല്ലാ​തെ ക​ഴി​യു​മ്പോ​ൾ ക​ല​ക്ട​ർ വി​ഷ​യ​ത്തി​ന്‍റെ ഗൗ​ര​വ​ത്തെ​ക്കു​റി​ച്ച് ബോ​ധ​വാ​നാ​ക​ണ​മാ​യി​രു​ന്നു​വെ​ന്ന്​ കോ​ട​തി ചൂ​ണ്ടി​ക്കാ​ട്ടി.

ക​ല​ക്ട​റു​ടെ ഭാ​ഗ​ത്തു​നി​ന്ന്​ വി​ശ​ദീ​ക​ര​ണ​മി​ല്ലാ​ത്ത​ത്​ ഏ​റെ മ​ടു​പ്പി​ക്കു​ന്ന സം​ഗ​തി​യാ​ണ്​. എ​ൻ​ഡോ​സ​ൾ​ഫാ​ൻ ഇ​ര​ക​ളെ​ക്കു​റി​ച്ച് വ​ലി​യ വാ​യി​ൽ പ​റ​യു​ന്ന​വ​ർ അ​വ​രു​ടെ നി​ല​വി​ലെ സ്ഥി​തി മ​ന​സ്സി​ലാ​ക്കാ​ൻ​പോ​ലും ത​യാ​റ​ല്ല. ഇ​ര​ക​ൾ​ക്ക് സ​മ്പൂ​ർ​ണ മു​ൻ​ഗ​ണ​ന​യാ​ണ്​ ക​ല​ക്ട​ർ ന​ൽ​കേ​ണ്ട​ത്. എ​ന്നാ​ൽ, വീ​ടു​വെ​ച്ചു​കൊ​ടു​ക്കാ​ൻ സാ​ധി​ക്കു​ന്നി​ല്ലെ​ന്ന്​ മാ​ത്ര​മ​ല്ല, ഉ​ള്ള വീ​ടു കൊ​ടു​ക്കാ​ൻ പോ​ലും സ​മ്മ​തി​ക്കു​ന്നി​ല്ല. എ​ൻ​ഡോ​സ​ൾ​ഫാ​ൻ ഇ​ര​ക​ളു​ടെ മു​ഖം ക​ണ്ടാ​ലേ അ​വ​ർ എ​ത്ര ദു​രി​ത​ത്തി​ലാ​ണ്​ ജീ​വി​ക്കു​ന്ന​തെ​ന്ന്​ മ​ന​സ്സി​ലാ​വൂ. കാ​സ​ർ​കോ​ട്​ ജി​ല്ല​യു​ടെ ചു​മ​ത​ല​യു​ണ്ടാ​യി​രു​ന്ന​തി​നാ​ൽ ത​നി​ക്ക് ഇ​തേ​ക്കു​റി​ച്ച്​ അ​റി​യാ​മെ​ന്നും കോ​ട​തി പ​റ​ഞ്ഞു.