വിവാദമായാൽ വിധേയൻ, ഇ.പി ശൈലി എന്താവും?

ക​ണ്ണൂ​ർ: വി​വാ​ദ​മു​ണ്ടാ​ക്കി​ക്ക​ഴി​ഞ്ഞാ​ൽ​പ്പി​ന്നെ പാ​ർ​ട്ടി​ക്ക് വി​ധേ​യ​നാ​യി പോ​വേ​ണ്ടി​ട​ത്ത് പോ​വു​ന്ന​താ​ണ് ഇ.​പി. ജ​യ​രാ​ജ​ന്റെ രീ​തി. ഏ​റ്റ​വു​മൊ​ടു​വി​ൽ പാ​ല​ക്കാ​ട്ടെ ഇ​ട​ത് സ്ഥാ​നാ​ർ​ഥി പി. ​സ​രി​നു​വേ​ണ്ടി പ്ര​ചാ​ര​ണ​ത്തി​നി​റ​ങ്ങി​യ​തി​നു പി​ന്നി​ലും മു​മ്പ് പ​യ​റ്റി​യ അ​തേ ത​ന്ത്രം. പാ​ർ​ട്ടി​യെ പ്ര​തി​രോ​ധ​ത്തി​ലാ​ക്കു​ക​യും പി​ന്നീ​ട് ഒ​ന്നു​മ​റി​യാ​ത്ത​പോ​ലെ പെ​രു​മാ​റു​ക​യും ചെ​യ്യു​ന്ന ഇ.​പി. ജ​യ​രാ​ജ​ന്റെ നി​ല​പാ​ടി​ൽ പാ​ർ​ട്ടി നേ​തൃ​ത്വം അ​സ്വ​സ്ഥ​മാ​ണെ​ന്നാ​ണ് സൂ​ച​ന. പാ​ല​ക്കാ​ട് ഉ​പ​തെ​ര​ഞ്ഞെ​ടു​പ്പ് മു​ന്നി​ൽ​ക്ക​ണ്ടാ​ണ് നേ​താ​ക്ക​ളു​ടെ മൗ​നം. അ​തു​വ​രെ ഇ.​പി​യെ​പ്പോ​ലെ ഒ​ന്നു​മ​റി​യാ​ത്ത പോ​ലെ ഭാ​വി​ക്കു​ക​യാ​ണ് നേ​താ​ക്ക​ളും.

എം.​വി. ഗോ​വി​ന്ദ​ൻ സം​സ്ഥാ​ന സെ​ക്ര​ട്ട​റി​യാ​യ​തു മു​ത​ൽ തു​ട​ങ്ങി​യ നി​സ്സ​ഹ​ക​ര​ണം എ​ല്ലാ പ​രി​ധി​യും വി​ട്ടെ​ന്നാ​ണ് നേ​താ​ക്ക​ളു​ടെ നി​ല​പാ​ട്. എം.​വി. ഗോ​വി​ന്ദ​ൻ ന​ട​ത്തി​യ ജ​ന​കീ​യ പ്ര​തി​രോ​ധ ജാ​ഥ ക​ൺ​മു​ന്നി​ലൂ​ടെ ക​ട​ന്നു​പോ​യി​ട്ടും ആ ​ഭാ​ഗ​​ത്തേ​ക്ക് ഇ.​പി പോ​യി​ല്ല. ജാ​ഥ മൂ​ന്നു​ദി​വ​സം ക​ണ്ണൂ​രി​ൽ ക​റ​ങ്ങി​യി​ട്ടും വീ​ട്ടി​ലു​ണ്ടാ​യി​ട്ടും പ​​ങ്കെ​ടു​ത്തി​ല്ല. ‘അ​ദ്ദേ​ഹ​ത്തി​ന് ചി​കി​ത്സ​യു​ണ്ടെ​ന്ന​ത് എ​ല്ലാ​വ​ർ​ക്കും അ​റി​യാ​വു​ന്ന കാ​ര്യ​മ​ല്ലേ’ എ​ന്നാ​യി​രു​ന്നു അ​ന്ന് എം.​വി. ഗോ​വി​ന്ദ​ൻ പ​റ​ഞ്ഞ​ത്. അ​തി​നി​ടെ​യാ​ണ് വി​വാ​ദ ദ​ല്ലാ​ൾ ന​ന്ദ​കു​മാ​റി​ന്റെ അ​മ്മ​യെ ഷാ​ള​ണി​യി​ക്കാ​ൻ ഇ.​പി കൊ​ച്ചി വെ​ണ്ണ​ല​യി​ലെ ക്ഷേ​ത്ര​ത്തി​ലെ​ത്തി​യ വി​വ​രം പു​റ​ത്തു​വ​ന്ന​ത്. ജാ​ഥ​യി​ൽ​നി​ന്ന് വി​ട്ടു​നി​ന്ന് വി​വാ​ദ ദ​ല്ലാ​ളി​നൊ​പ്പം ക​ണ്ട​തോ​ടെ ഇ.​പി പ്ര​തി​രോ​ധ​ത്തി​ലാ​യി. വ്യ​ക്തി​ഹ​ത്യ ന​ട​ത്താ​ൻ ഗൂ​ഢാ​ലോ​ച​ന ന​ട​ക്കു​ന്നു​വെ​ന്നാ​ണ് അ​ന്നും ഇ.​പി പ​റ​ഞ്ഞി​രു​ന്ന​ത്. വി​വാ​ദ​മാ​യ​​പ്പോ​ൾ അ​ദ്ദേ​ഹം പി​റ്റേ​ന്ന് തൃ​ശൂ​രി​ൽ പോ​യി പ്ര​തി​രോ​ധ ജാ​ഥ​യി​ൽ പ​​ങ്കെ​ടു​ത്തു.

ഇ​തേ രീ​തി​യാ​ണ് പാ​ല​ക്കാ​ട്ടെ ഉ​പ​തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ലും ഇ​പ്പോ​ൾ പ​യ​റ്റി​യ​ത്. ഇ​രു​ട്ടി​വെ​ളു​ക്കും​മു​മ്പ് മ​റു​ക​ണ്ടം ചാ​ടി​യ​വ​നെ​ന്നും വ​യ്യാ​വേ​ലി​യെ​ന്നും വി​ശേ​ഷി​പ്പി​ച്ച വി​വ​രം പു​റ​ത്തു​വ​ന്ന് മ​ണി​ക്കൂ​റു​ക​ൾ​ക്ക​കം സ​രി​നെ പു​ക​ഴ്ത്തി​പ്പ​റ​ഞ്ഞു. പ്ര​ചാ​ര​ണ​ത്തി​നു​പോ​വാ​ൻ പാ​ർ​ട്ടി നി​ർ​ദേ​ശി​ച്ചെ​ങ്കി​ലും പാ​ല​ക്കാ​ട്ട് പോ​കാ​ൻ ഇ.​പി​ക്കും പ്ര​ത്യേ​ക താ​ൽ​പ​ര്യ​മു​ണ്ടാ​യി.

ആ​ത്മ​ക​ഥ വി​വാ​ദ​മാ​യ​തോ​ടെ അ​തീ​വ ക​രു​ത​ലോ​ടെ​യാ​ണ് പാ​ർ​ട്ടി​യു​ടെ ഓ​​രോ നീ​ക്ക​വും. താ​ൻ എ​ഴു​തി​യ ക​ഥ​ക​ൾ മു​ഴു​വ​ൻ പു​റ​ത്തു​വ​ന്ന​ത് ക​ണ്ണും​പൂ​ട്ടി നി​ഷേ​ധി​ച്ച ഇ.​പി​യെ ‘വി​ശ്വാ​സ’​ത്തി​ലെ​ടു​ത്താ​ണ് എം.​വി. ഗോ​വി​ന്ദ​ൻ ആ​ദ്യ ദി​വ​സം ക​ണ്ണൂ​രി​ൽ പ്ര​തി​ക​രി​ച്ച​ത്. ര​ണ്ടാം​ദി​വ​സ​വും ഇ​ങ്ങ​നെ ത​ന്നെ​യാ​ണ് അ​ദ്ദേ​ഹം മാ​ധ്യ​മ​ങ്ങ​ളോ​ട് പ​റ​ഞ്ഞ​ത്. ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ന് വോ​ട്ട് ചെ​യ്ത​ശേ​ഷ​മാ​ണ്, ‘പാ​പി​യു​ടെ കൂ​ടെ ശി​വ​ൻ കൂ​ടി​യാ​ൽ ശി​വ​നും പാ​പി​യാ​യി​ടും’ എ​ന്ന് ഇ.​പി. ജ​യ​രാ​ജ​നെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ത​ള്ളി​പ്പ​റ​ഞ്ഞ​ത്. ഇ​തു​പോ​ലെ പ്ര​തി​ക​ര​ണം വ​രാ​ൻ പാ​ല​ക്കാ​ട് ഉ​പ​തെ​ര​ഞ്ഞെ​ടു​പ്പു​കൂ​ടി ക​ഴി​യേ​ണ്ടി വ​രു​മെ​ന്നാ​ണ് സൂ​ച​ന.