സാമ്പത്തിക ആരോപണം തെറ്റാണെന്ന് ബോധ്യപ്പെട്ടിട്ടും മാധ്യമങ്ങൾ ക്ഷമാപണം നടത്താ​ത്തതെന്ത്-ഇ.പി. ജയരാജൻ

സാമ്പത്തിക ആരോപണം തെറ്റാണെന്ന് ബോധ്യപ്പെട്ടിട്ടും മാധ്യമങ്ങൾ ക്ഷമാപണം നടത്താ​ത്തത് എന്തു​​കൊണ്ടാണെന്ന് എൽ.ഡി.എഫ് കൺവീനർ ഇ.പി. ജയരാജൻ. തെറ്റായ വാർത്തകൾ കൊടുക്കുക, ​തെറ്റായ രീതിയിൽ പ്രചാരണം നടത്തുക, ഈ രീതിയിൽ ചില മാധ്യമങ്ങൾ ​പ്രവർത്തിച്ചത് അങ്ങേയറ്റത്തെ തെറ്റായ സമീപനമാണ്. ഉള്ള വസ്തുതകൾ പറയുന്നതിൽ ​തെറ്റില്ല. തെറ്റായ വാർത്ത പ്രസിദ്ധീകരിച്ചുവെന്ന് ബോധ്യം വന്നിട്ടും ആരെങ്കിലും ക്ഷമാപണം നടത്തിയോ​​?. മാധ്യമങ്ങളോട് പറയേണ്ടതുണ്ടെങ്കിൽ ഞാൻ പറയും. ഇടതുപക്ഷ നേതാക്കളെയും ഇടത് പ്രസ്ഥാനങ്ങളെയും തകർക്കാൻ ശ്രമിക്കുക ചില മാധ്യമങ്ങളുടെ അജണ്ടയാണെന്നും ജയരാജൻ പറഞ്ഞു.

മാധ്യമരംഗം കുറെക്കൂടി വസ്തുതാപരമായി പ്രവർത്തിക്കണം. എനിക്ക് ഭയപ്പെ​േടണ്ട കാര്യമില്ല. സാമ്പത്തികമായി തെറ്റായ നിലപാട് സ്വീകരിച്ചു​വെന്ന് എനിക്കെതിരെ ആരും എവിടെയും പറഞ്ഞിട്ടില്ല. കേരളത്തി​െൻറ മുഖ്യമന്ത്രി പറയാറുണ്ട്, മടിയിൽ കനമുള്ളവനെ ഭയ​ക്കേണ്ടതുള്ളൂവെന്ന്. അതാണെനിക്കും പറയാനുള്ളത്. തൃശ്ശൂരിൽ പാർട്ടി ജില്ല സെ​ക്രട്ടറിയായിരുന്നപ്പോൾ ശോഭാ സിറ്റിയിൽ ഫ്ലാറ്റുണ്ടെന്ന് പ്രചാരണമുണ്ടായിരുന്നു. എന്നാൽ, എനിക്കെന്തെങ്കിലും പറ്റിയോ?. ഇത്തരം വേട്ടയാടൽ എനിക്കെതിരെ മാത്രമാണോ, മുഖ്യമന്ത്രിയെ വേട്ടയാടിയെപോലെ മറ്റാരെയെങ്കിലും കേരളത്തിൽ വേട്ടയാടിയിട്ടുണ്ടോ​?. എനിക്ക് ആരോടും വ്യക്തിപരമായി വിയോജിപ്പില്ല. ഇത്തരം വാർത്തകൾക്ക് പിന്നിൽ ആരാണെന്ന് പാർട്ടി കണ്ടെത്തിക്കോളൂം. അത്, മാധ്യമങ്ങൾക്കും അ​ന്വേഷിക്കാം. ഞാൻ എ​െൻറ പാർട്ടി സഖാക്കളെയാണ് ഏ​റ്റവും അധികം വിശ്വസിക്കുന്നത്. അവരാണെ​െൻറ കാവൽക്കാരെന്നും മാധ്യമങ്ങളോട് ജയരാജൻ പറഞ്ഞു.