അപസ്മാരം വന്ന് കുഴഞ്ഞുവീണ യുവാവ് ബസിനടിയിൽ പെട്ട് മരിച്ചു
text_fieldsരാജേഷ്
കോട്ടയം: അപസ്മാരം വന്ന് കുഴഞ്ഞ വീണ യുവാവ് ബസിനടിയിൽ പെട്ട് മരിച്ചു. കോട്ടയം ചന്തക്കടവിൽ തടത്തിപ്പറമ്പ് ബാബുവിെൻറ മകൻ രാജേഷാണ് (കുഞ്ഞു കൊച്ച് - 35) മരിച്ചത്. അവിവാഹിതനാണ്. കോട്ടയം നഗരമധ്യത്തിൽ ചന്തക്കവലക്ക് സമീപം വ്യാഴാഴ്ച രാവിലെ 8.40 നാണ് സംഭവം. പ്രമേഹവും അപസ്മാരവുമുള്ള രാജേഷ് മാർക്കറ്റിനകത്തെ വീട്ടിലാണ് താമസം.
അസുഖത്തെതുടർന്ന് രണ്ടുദിവസം മുമ്പാണ് ആശുപത്രി വിട്ടത്. എം.എൽ. റോഡിന് മുന്നിലെ പോസ്റ്റിൽ പിടിച്ചുനിൽക്കുന്നതിനിടെ അപസ്മാരം വന്ന് കുഴഞ്ഞുവീഴുകയായിരുന്നു. ഈ സമയം അതുവഴി വന്ന സാൽവിയ ബസിെൻറ പിൻചക്രങ്ങൾ കയറിയിറങ്ങി രാജേഷ് സംഭവസ്ഥലത്ത് തന്നെ മരിച്ചു. മൃതദേഹം ജനറൽ ആശുപത്രിയിലേക്ക് മാറ്റി. മരണശേഷമുള്ള പരിശോധനയിൽ കോവിഡ് പോസിറ്റീവാണെന്ന് സ്ഥിരീകരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.