എറണാകുളം-യെലഹങ്ക സ്പെഷൽ ട്രെയിൻ 18 വരെ നീട്ടി

പാലക്കാട്: യാത്രക്കാരുടെ തിരക്ക് ഒഴിവാക്കാൻ, എറണാകുളം-യെലഹങ്ക റൂട്ടിൽ സർവിസ് നടത്തുന്ന സ്പെഷൽ ട്രെയിൻ സെപ്റ്റംബർ 18 വരെ നീട്ടിയതാ‍യി റെയിൽവേ അറിയിച്ചു.

06101 എറണാകുളം ജങ്ഷൻ-യെലഹങ്ക ജങ്ഷൻ സ്പെഷൽ സെപ്റ്റംബർ 8, 11, 13, 15, 18 തീയതികളിൽ (ഞായർ, ബുധൻ, വെള്ളി) എറണാകുളത്തുനിന്ന് 12.40ന് പുറപ്പെട്ട് അതേ ദിവസം രാത്രി 11ന് യെലഹങ്ക ജങ്ഷനിലെത്തും.

06102 യെലഹങ്ക ജങ്ഷൻ-എറണാകുളം ജങ്ഷൻ സ്പെഷൽ സെപ്റ്റംബർ 9, 12, 14, 16, 19 (തിങ്കൾ, വ്യാഴം, ശനി) തീയതികളിൽ യെലഹങ്ക ജങ്ഷനിൽനിന്ന് രാവിലെ അഞ്ചിന് പുറപ്പെട്ട് അതേ ദിവസം ഉച്ചക്ക് 2.20ന് എറണാകുളത്ത് എത്തും.