മതങ്ങളെ തമ്മിലടിപ്പിച്ച് രാജ്യത്ത് വിഷം കലക്കാൻ ശ്രമിക്കുന്നു; അനുവദിക്കില്ലെന്ന് ഇ.ടി. മുഹമ്മദ് ബഷീർ

ന്യൂഡൽഹി: മോദി സർക്കാർ ലോക്സഭയിൽ അവതരിപ്പിച്ച വഖഫ് ഭേദഗതി ബില്ലിനെതിരെ രൂക്ഷ വിമർശനവുമായി മുസ്​ലിം ലീഗ് ദേശീയ ഓർഗനൈസിങ് സെക്രട്ടറി ഇ.ടി. മുഹമ്മദ് ബഷീർ എം.പി. മതങ്ങളെ തമ്മിലടിപ്പിച്ച് രാജ്യത്ത് വിഷം കലക്കാൻ കേന്ദ്ര സർക്കാർ ശ്രമിക്കുന്നുവെന്നും അത്തരം നീക്കം അനുവദിക്കില്ലെന്നും ഇ.ടി മുഹമ്മദ് ബഷീർ പറഞ്ഞു.

വഖഫ് ബിൽ ഭരണഘടനാവിരുദ്ധവും മൗലികാവകാശത്തിന്‍റെ ലംഘനവുമാണ്. ആർട്ടിക്ൾ 14, 15, 25, 26, 30 എന്നിവയുടെ ലംഘനമാണ്. കേന്ദ്ര സർക്കാറിന്‍റെ വൃത്തിക്കെട്ട അജണ്ടയാണ് നടപ്പാക്കുന്നത്. വിവാദ ബിൽ പാസാക്കിയാൽ രാജ്യത്തെ വഖഫ് സംവിധാനം തകർക്കപ്പെടുമെന്നും ഇ.ടി ചൂണ്ടിക്കാട്ടി.

വഖഫ് ബോർഡിനും വഖഫ് കൗൺസിലിനും യാതൊരു പ്രധാന്യവും ഇല്ലാതാകും. വഖഫ് ബോർഡിന്‍റെ എല്ലാ അധികാരങ്ങൾ കവർന്നെടുത്ത് ജില്ല കലക്ടർമാർക്ക് നൽകപ്പെടും. വഖഫ് ബോർഡ് ചെയർമാന്‍റെ അധികാരത്തിന് മുകളിൽ കലക്ടർ വരുന്ന സാഹചര്യമുണ്ടാകും.

പല വിധത്തിൽ രാജ്യത്ത് വിഷം കലർത്താൻ കേന്ദ്ര സർക്കാർ ശ്രമിക്കുകയാണ്. രാജ്യത്തിന്‍റെ മതേതര സ്വഭാവത്തെ തകർക്കും. ഹിന്ദു-മുസ്​ലിം ഐക്യം തകർക്കുകയാണ് സർക്കാറിന്‍റെ ലക്ഷ്യമെന്നും ഇ.ടി മുഹമ്മദ് ബഷീർ ചൂണ്ടിക്കാട്ടി.

കേന്ദ്രസർക്കാർ അവതരിപ്പിച്ച വിവാദ വഖഫ് ഭേദഗതി ബില്ലിനെതിരെ ലോക്സഭയിൽ രൂക്ഷവിമർശനമാണ് ഉയർന്നത്. ബില്ലിനെ ചൊല്ലി ലോക്സഭയിൽ ഭരണ-പ്രതിപക്ഷ അംഗങ്ങൾ തമ്മിൽ രൂക്ഷമായ വാക്പോര് അരങ്ങേറിയിരുന്നു. ബില്ലിനെ എതിർക്കുന്ന ഇൻഡ്യ സഖ്യ നേതാക്കൾ ക്ഷേത്രഭരണത്തിൽ മുസ്‍ലിംകളെ ഉൾപ്പെടുത്താറുണ്ടോ എന്ന ചോദ്യവും ഉന്നയിച്ചു.

ബിൽ മതപരമായ വിഷയത്തിലുള്ള ഇടപെടലാണെന്ന് കോൺഗ്രസ് നേതാവ് കെ.സി വേണുഗോപാൽ ചൂണ്ടിക്കാട്ടി. അമുസ്‍ലിംകളെ വഖഫ് ബോർഡിൽ ഉൾപ്പെടുത്തുന്നത് മതത്തിലുള്ള കടന്നുകയറ്റമാണ്. നാളെ മറ്റ് മതങ്ങളിലും ഇതേ നിലയിൽ കടന്നുകയറ്റമുണ്ടാകും. ഈ വിഭജന രാഷ്ട്രീയം ജനം അംഗീകരിക്കില്ല. അയോധ്യ രാമക്ഷേത്രത്തിലും ഗുരുവായൂർ ക്ഷേത്രത്തിലുമെല്ലാം അഹിന്ദുക്കളെ ഭരണസമിതിയിൽ അംഗങ്ങളാക്കുമോയെന്നും അദ്ദേഹം ചോദിച്ചു.

ഭരണഘടനാപരമായ നിരവധി പിഴവുക​ൾ ബില്ലി​ലുണ്ടെന്ന് പ്രതിപക്ഷം ചൂണ്ടിക്കാട്ടിയതിന് പിന്നാലെ ഭേദഗതി ബിൽ വിശദ പരിശോധനക്കായി സംയുക്ത പാർലമെന്ററി കമ്മിറ്റിക്ക് വിട്ടിരിക്കുകയാണ്.

രാ​ജ്യ​ത്തെ വ​ഖ​ഫ് സ്വ​ത്തു​ക്ക​ളു​ടെ ഉ​ട​മ​സ്ഥ​ത​യി​ലും പ​രി​പാ​ല​ന​ത്തി​ലും വ​ഖ​ഫ് ബോ​ർ​ഡു​ക​ളു​ടെ ഘ​ട​ന​യി​ലും ദൂ​ര​വ്യാ​പ​ക​മാ​യ പ്ര​ത്യാ​ഘാ​ത​ങ്ങ​ൾ​ക്കും വ​ഖ​ഫ് കൈ​യേ​റ്റ​ങ്ങ​ൾ​ക്കും ഇ​ട​യാ​ക്കു​ന്ന വ​ഖ​ഫ് നി​യ​മ ഭേ​ദ​ഗ​തി ബി​ൽ 2024 കേ​ന്ദ്ര സ​ർ​ക്കാ​ർ പു​റ​ത്തു​വി​ട്ടിരിക്കുകയാണ്. പാ​ർ​ല​മെ​ന്റി​ൽ അ​വ​ത​രി​പ്പി​ക്കു​ന്ന​തി​ന് മു​ന്നോ​ടി​യാ​യാണ് വി​വാ​ദ ബി​ല്ലി​ന്റെ പ​ക​ർ​പ്പ് ബു​ധ​നാ​ഴ്ച എം.​പി​മാ​ർ​ക്ക് വി​ത​ര​ണം ചെ​യ്തത്. ബി​ല്ലി​ലെ പ്ര​ധാ​ന വ്യ​വ​സ്ഥ​ക​ൾ താഴെപ്പറയുന്നവയാണ്.

ബി​ല്ലി​ലെ പ്ര​ധാ​ന വ്യ​വ​സ്ഥ​ക​ൾ

• വ​ഖ​ഫ് ത​ർ​ക്ക​ങ്ങ​ളി​ൽ വ​ഖ​ഫ് ബോ​ർ​ഡി​ന്റെ തീ​രു​മാ​നം അ​ന്തി​മ​മാ​യി​രി​ക്കും എ​ന്ന​ത് നീ​ക്കം ചെ​യ്തു. ഇ​തോ​ടെ വ​ഖ​ഫ് സ്വ​ത്തു​ക്ക​ൾ തീ​രു​മാ​നി​ക്കു​ന്ന കാ​ര്യ​ത്തി​ൽ അ​വ​സാ​ന വാ​ക്ക് സ​ർ​ക്കാ​റി​ന്റേ​താ​കും.
• വ​ഖ​ഫ് ത​ർ​ക്ക​ങ്ങ​ളി​ൽ വ​ഖ​ഫ് ​ട്രൈ​ബ്യൂ​ണ​ലു​ക​ളു​ടെ തീ​രു​മാ​നം അ​ന്തി​മ​മാ​യി​രി​ക്കും എ​ന്ന വ്യ​വ​സ്ഥ​യും എ​ടു​ത്തു​ക​ള​ഞ്ഞു.
• ഏ​ത് വ്യ​ക്തി​ക്കും അ​വ​ന​വ​ന്റെ സ്ഥാ​വ​ര ജം​ഗ​മ വ​സ്തു​ക്ക​ൾ വ​ഖ​ഫ് ചെ​യ്യാ​മെ​ന്ന വ്യ​വ​സ്ഥ മാ​റ്റി പു​തി​യ ബി​ൽ പ്ര​കാ​രം അ​ഞ്ച് വ​ർ​ഷ​മാ​യി മ​തം അ​നു​ഷ്ഠി​ക്കു​ന്ന ഒ​രാ​ൾ​ക്ക് മാ​ത്ര​മേ വ​ഖ​ഫ് ചെ​യ്യാ​നാ​കൂ.
• ‘വ​ഖ​ഫ് അ​ല​ൽ ഔ​ലാ​ദ്’ എ​ന്ന പേ​രി​ൽ കു​ടും​ബ​ത്തി​നാ​യി വ​ഖ​ഫ് ചെ​യ്ത​ത് വേ​​​​ണ്ടെ​ന്നു​വെ​ക്കാ​ൻ സ്ത്രീ​ക​ൾ അ​ട​ക്ക​മു​ള്ള അ​ന​ന്ത​രാ​വ​കാ​ശി​ക​ൾ​ക്ക് പി​ൽ​ക്കാ​ല​ത്ത് അ​വ​കാ​ശ​മു​ണ്ടാ​കും.
• ഇ​സ്‍ലാ​മി​ക നി​യ​മ​പ്ര​കാ​രം സ്വ​ത്തു​ക്ക​ൾ വ​ഖ​ഫ് ചെ​യ്യു​ന്ന​ത് കൂ​ടു​ത​ലാ​യും വാ​ക്കാ​ലാ​യി​രു​ന്നു​വെ​ങ്കി​ലും വാ​ക്കാ​ലു​ള്ള വ​ഖ​ഫ് ഇ​നി അം​ഗീ​ക​രി​ക്കി​ല്ല. ര​ജി​സ്ട്രേ​ഷ​ൻ നി​ർ​ബ​ന്ധ​മാ​ക്കി.
• സ്വ​ത്തോ വ​സ്തു​വ​ക​യോ ഉ​പ​യോ​ഗ​ത്തി​ലൂ​ടെ വ​ഖ​ഫ് ആ​കു​ന്ന​തും പൂ​ർ​ണ​മാ​യും പു​തി​യ ബി​ല്ലി​ൽ ഒ​ഴി​വാ​ക്കി. ന​മ​സ്കാ​രം ന​ട​ക്കു​ന്ന പ​ള്ളി ‘വ​ഖ​ഫ്നാ​മ’ ഇ​ല്ലെ​ങ്കി​ലും വ​ഖ​ഫാ​യി പ​രി​ഗ​ണി​ക്കു​ന്ന നി​ല​വി​ലു​ള്ള രീ​തി ഇ​നി അ​നു​വ​ദി​ക്കി​ല്ല. അ​ത് വ​ഖ​ഫ​ല്ലെ​ന്ന അ​വ​കാ​ശ​വാ​ദ​മു​ന്ന​യി​ക്കാ​ൻ വ്യ​വ​സ്ഥ അ​വ​സ​ര​മൊ​രു​ക്കും.
• സു​ന്നി വ​ഖ​ഫും ശി​യാ വ​ഖ​ഫും ആ​ഗാ​ഖാ​നി വ​ഖ​ഫും ബോ​റ വ​ഖ​ഫും വെ​വ്വേ​റെ ഉ​ൾ​പ്പെ​ടു​ത്ത​ണം. സം​സ്ഥാ​ന സ​ർ​ക്കാ​റു​ക​ൾ​ക്ക് വേ​ണ​മെ​ങ്കി​ൽ ശി​യാ​ക്ക​ൾ​ക്കും ബോ​റ​ക​ൾ​ക്കും ആ​ഗാ​ഖാ​നി​ക​ൾ​ക്കും വ്യ​ത്യ​സ്ത വ​ഖ​ഫ് ബോ​ർ​ഡ് ഉ​ണ്ടാ​ക്കാം.
• ഭേ​ദ​ഗ​തി​ക്ക് മു​മ്പു​ള്ള എ​ല്ലാ വ​ഖ​ഫ് സ്വ​ത്തു​ക്ക​ളു​ടെ​യും വി​ശ​ദാം​ശ​ങ്ങ​ൾ കേ​ന്ദ്ര സ​ർ​ക്കാ​ർ പു​തു​താ​യി ത​യാ​റാ​ക്കു​ന്ന പോ​ർ​ട്ട​ലി​ൽ ആ​റ് മാ​സ​ത്തി​ന​കം സ​മ​ർ​പ്പി​ക്ക​ണം.
• ഈ ​നി​യ​മ​ഭേ​ദ​ഗ​തി​ക്ക് മു​മ്പോ പി​മ്പോ ഏ​തെ​ങ്കി​ലും സ​ർ​ക്കാ​ർ സ്വ​ത്ത് വ​ഖ​ഫ് സ്വ​ത്താ​ണെ​ന്ന് ക​ണ്ടെ​ത്തു​ക​യോ പ്ര​ഖ്യാ​പി​ക്കു​കോ ചെ​യ്താ​ലും അ​ത് വ​ഖ​ഫ് സ്വ​ത്താ​യി​രി​ക്കി​ല്ല.
• നി​യ​മ ഭേ​ദ​ഗ​തി നി​ല​വി​ൽ വ​രു​ന്ന സ​മ​യ​ത്ത് സ​ർ​വേ ക​മീ​ഷ​ണ​റു​ടെ മു​മ്പാ​കെ തീ​ർ​പ്പാ​കാ​ത്ത സ​ർ​വേ ഫ​യ​ലു​ക​ൾ ക​ല​ക്ട​ർ​ക്ക് കൈ​മാ​റ​ണം. ക​ല​ക്ട​ർ സ​ർ​​വേ ന​ട​ത്തി റി​പ്പോ​ർ​ട്ട് സ​മ​ർ​പ്പി​ക്ക​ണം.
• ഗ​സ​റ്റി​ലെ വ​ഖ​ഫ് സ്വ​ത്ത് വി​ശ​ദാം​ശ​ങ്ങ​ൾ 15 ദി​വ​സ​ത്തി​ന​കം സം​ സ്ഥാ​ന സ​ർ​ക്കാ​ർ പോ​ർ​ട്ട​ലി​ൽ ഉ​ൾ​പ്പെ​ടു​ത്ത​ണം.