വിവാഹവേഷത്തിൽ ആദ്യം പരീക്ഷ; പിന്നെ കല്യാണം

വ​ർ​ക്ക​ല: വി​വാ​ഹ​വും പ​രീ​ക്ഷ​യും ഒ​രു​മി​ച്ചെ​ത്തി​യ​പ്പോ​ൾ ക​ല്യാ​ണ​പ്പെ​ണ്ണ് വി​വാ​ഹ വേ​ഷ​ത്തി​ൽ പ​രീ​ക്ഷ​ഹാ​ളി​ലെ​ത്തി പ​രീ​ക്ഷ​യെ​ഴു​തി. ചാ​വ​ർ​കോ​ട് സി.​എ​ച്ച്.​എം.​എം കോ​ള​ജി​ലെ ര​ണ്ടാം സെ​മ​സ്റ്റ​ർ എം.​ബി.​എ വി​ദ്യാ​ർ​ഥി​നി സു​ൽ​ത്താ​ന എ​ഫ്. ന​ജീ​ബ് ആ​ണ് വി​വാ​ഹ വേ​ഷ​ത്തി​ലെ​ത്തി പ​രീ​ക്ഷ എ​ഴു​തി​യ​ത്. വ​ർ​ക്ക​ല കു​ര​യ്ക്ക​ണ്ണി ജ​മീ​ല ഹൗ​സി​ൽ അ​ബ്ദു​ൽ നെ​ജി​യു​ടെ​യും ഫാ​സി​ല നെ​ജി​യു​ടെ​യും മ​ക​ളാ​ണ്.

ക​ഴി​ഞ്ഞ പ​തി​നാ​ലി​നാ​യി​രു​ന്നു ര​ണ്ടാം സെ​മ​സ്റ്റ​ർ പ​രീ​ക്ഷ ന​ട​ക്കേ​ണ്ടി​യി​രു​ന്ന​ത്. എ​ന്നാ​ൽ കോ​ള​ജ് യൂ​നി​യ​ൻ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് പ​രീ​ക്ഷാ തീ​യ​തി 24 ലേ​ക്ക് മാ​റ്റു​ക​യാ​യി​രു​ന്നു. ഇ​തേ ദി​വ​സ​മാ​ണ് കു​ര​യ്ക്ക​ണ്ണി എ​സ്.​എം ഷാ ​മ​ൻ​സി​ലി​ൽ ഷാ​ക്കു​ട്ടി​യു​ടെ​യും ഫ​രീ​ദ​യു​ടെ​യും മ​ക​ൻ മു​ഹ​മ്മ​ദ് ഷാ​യു​മാ​യി സു​ൽ​ത്താ​ന​യു​ടെ വി​വാ​ഹ​വും നി​ശ്ച​യി​ച്ച​ത്.

വി​വാ​ഹം മാ​റ്റി​വെ​ക്കാ​നോ പ​രീ​ക്ഷ എ​ഴു​താ​തി​രി​ക്കാ​നോ ആ​വാ​ത്ത വി​ഷ​മ​ഘ​ട്ട​ത്തി​ലാ​യി സു​ൽ​ത്താ​ന​യും ര​ക്ഷി​താ​ക്ക​ളും. ഒ​ടു​വി​ൽ വ​ര​ന്റെ ര​ക്ഷി​താ​ക്ക​ളു​മാ​യി കാ​ര്യ​ങ്ങ​ൾ സം​സാ​രി​ച്ചാ​ണ് ഓ​ഡി​റ്റോ​റി​യ​ത്തി​ൽ നി​ന്നു നേ​രെ കോ​ള​ജി​ലെ​ത്തി പ​രീ​ക്ഷ എ​ഴു​താ​മെ​ന്ന് തീ​രു​മാ​നി​ച്ച​ത്. അ​തു​പ്ര​കാ​രം സു​ൽ​ത്താ​ന വി​വാ​ഹ വേ​ഷ​ത്തി​ൽ​ത്ത​ന്നെ രാ​വി​ലെ പ​ത്തി​ന് കോ​ള​ജി​ലെ​ത്തി പ​രീ​ക്ഷ എ​ഴു​തി. ശേ​ഷ​മാ​ണ് തി​രി​കെ വി​വാ​ഹ ച​ട​ങ്ങു​ക​ൾ ന​ട​ക്കു​ന്ന ഇ​ട​വ​യി​ലെ ഓ​ഡി​റ്റോ​റി​യ​ത്തി​ലേ​ക്ക് പോ​യ​ത്.

പു​തു​പ്പെ​ണ്ണാ​യ സു​ൽ​ത്താ​ന​യെ കൂ​ട്ടു​കാ​രും അ​ധ്യാ​പ​ക​രും ചേ​ർ​ന്ന് സ്വീ​ക​രി​ക്കു​ക​യും പ​രീ​ക്ഷ​ക്ക് ശേ​ഷം ആ​ശം​സ​ക​ൾ ന​ൽ​കി യാ​ത്ര​യാ​ക്കു​ക​യും ചെ​യ്തു.