സി.പി.എം വാദം പൊളിഞ്ഞു; യദുകൃഷ്ണനിൽ നിന്ന് കഞ്ചാവും വലിക്കാനുള്ള ഉപകരണവും കണ്ടെത്തിയെന്ന് എക്സൈസ് റിപ്പോർട്ട്

പ​ത്ത​നം​തി​ട്ട: കാ​പ്പ കേ​സ് ​പ്ര​തി​ക്കൊ​പ്പം സി.​പി.​എ​മ്മി​ലേ​ക്ക് മ​ന്ത്രി​യും ജി​ല്ല സെ​ക്ര​ട്ട​റി​യും ചേ​ര്‍ന്ന് മാ​ല​യി​ട്ട് സ്വീ​ക​രി​ച്ച യു​വാ​വിൽ നിന്ന് ക​ഞ്ചാ​വ് കണ്ടെത്തിയില്ലെന്ന സി.പി.എം വാദത്തിന് തിരിച്ചടി. സി.പി.എമ്മിൽ ചേർന്ന യദുകൃഷ്ണനിൽ നിന്നും കഞ്ചാവ് കണ്ടെത്തിയെന്ന് എക്സൈസ് ഉന്നത ഉദ്യോഗസ്ഥർക്ക് കൈമാറിയ റിപ്പോർട്ടിൽ പറയുന്നു. കഞ്ചാവ് വലിക്കാൻ ഉപയോഗിക്കുന്ന ഉപകരണവും യദുകൃഷ്ണനിൽ നിന്ന് കണ്ടെടുത്തെന്നും റിപ്പോർട്ടിൽ ചൂണ്ടിക്കാട്ടുന്നു.

അതേസമയം, യദുകൃഷ്ണന്‍റെ കൈയിൽ നിന്നും കഞ്ചാവ് പിടിച്ചിട്ടില്ലെന്നും എക്സൈസ് ഉദ്യോഗസ്ഥർ കുടുക്കിയതാണെന്നുമാണ് പത്തനംതിട്ട ഏരിയ സെക്രട്ടറിയുടെ വിശദീകരണം. സംഘ്പരിവാർ ബന്ധമുള്ള അസീസ് എന്ന ഉദ്യോഗസ്ഥനാണ് കുടുക്കാനായി ഗൂഢാലോചന നടത്തിയതെന്നും സി.പി.എം ഏരിയ നേതൃത്വം കുറ്റപ്പെടുത്തുന്നു. എക്സൈസ് റിപ്പോർട്ടോടെ യദുകൃഷ്ണന്‍റെ കൈയിൽ നിന്നും കഞ്ചാവ് കണ്ടെത്തിയില്ലെന്ന സി.പി.എം വാദമാണ് പൊളിഞ്ഞത്.

ക​ഴി​ഞ്ഞ വെ​ള്ളി​യാ​ഴ്ച​യാ​ണ് കാ​പ്പ കേ​സ് പ്ര​തി ശ​ര​ണ്‍ ച​ന്ദ്ര​ൻ അട​ക്കം 62 പേ​ർ​ക്കൊ​പ്പം യ​ദു​കൃ​ഷ്ണ​ന്‍ സി.​പി.​എ​മ്മി​ല്‍ ചേ​ര്‍ന്ന​ത്. ബി.​ജെ.​പി പ്ര​വ​ർ​ത്ത​ക​രാ​യി​രു​ന്ന​വ​ർ​ക്ക്​ സി.​പി.​എ​മ്മി​ൽ അം​ഗ​ത്വം ന​ൽ​കു​ക​യാ​യി​രു​ന്നു. മ​ന്ത്രി​ വീണ ജോർജും ജി​ല്ല സെ​ക്ര​ട്ട​റി കെ.പി. ഉദയഭാനുവും ചേ​ര്‍ന്നാണ് കാ​പ്പ കേ​സ് ​പ്ര​തി​ക്കൊ​പ്പം സി.​പി.​എ​മ്മി​ലേ​ക്ക് വന്നവരെ മാ​ല​യി​ട്ട് സ്വീ​ക​രി​ച്ചത്.

ഇ​തു​സം​ബ​ന്ധി​ച്ച വി​വാ​ദ​ങ്ങ​ളു​ടെ ചൂ​ടാ​റും ​മു​മ്പാ​ണ്​ തി​ങ്ക​ളാ​ഴ്ച മ​ല​യാ​ല​പ്പു​ഴ മ​യി​ലാ​ടും​പാ​റ സ്വ​ദേ​ശി യ​ദു​കൃ​ഷ്ണ​ന്‍ ര​ണ്ടു​ഗ്രാം ക​ഞ്ചാ​വു​മാ​യി പത്തനംതിട്ട എ​ക്‌​സൈ​സി​ന്‍റെ പി​ടി​യി​ലാ​യ​ത്. പി​ന്നാ​ലെ സി.​പി.​എം ലോ​ക്ക​ല്‍ സെ​ക്ര​ട്ട​റി​യു​ടെ നേ​തൃ​ത്വ​ത്തി​ല്‍ എ​ക്‌​സൈ​സ് ഓ​ഫി​സി​ല്‍ നി​ന്ന് യ​ദു​വി​നെ ജാ​മ്യ​ത്തി​ല്‍ ഇ​റ​ക്കി. ക​ഞ്ചാ​വി​ന്‍റെ അ​ള​വ് കു​റ​വാ​യ​തി​നാ​ല്‍ ജാ​മ്യ​മു​ള്ള വ​കു​പ്പാ​ണ് ചു​മ​ത്തി​യ​ിരുന്നത്.

ശ​ര​ൺ ച​ന്ദ്ര​ന് അം​ഗ​ത്വം ന​ൽ​കി​യ​പ്പോ​ൾ അ​യാ​ളു​ടെ കേ​സു​ക​ൾ പ​ഴ​യ​താ​ണെ​ന്നും കാ​പ്പ നി​ല​നി​ൽ​ക്കി​ല്ലെ​ന്നും വാ​ദി​ച്ച സി.​പി.​എ​മ്മി​നേ​റ്റ തി​രി​ച്ച​ടി​യാ​ണ് ക​ഞ്ചാ​വ് കേ​സ്. സ്ഥി​രം കു​റ്റ​വാ​ളി​ക​ളും ക്രി​മി​ന​ൽ ബ​ന്ധ​മു​ള്ള​വ​രു​മാ​യ​വ​ർ​ക്ക് മ​ന്ത്രി ത​ന്നെ പ​ങ്കെ​ടു​ത്ത്​ പാ​ർ​ട്ടി അം​ഗ​ത്വം ന​ൽ​കി​യ​തു​മാ​യി ബ​ന്ധ​പ്പെ​ട്ട് പ്ര​വ​ർ​ത്ത​ക​ർ​ക്കി​ട​യി​ൽ അ​ഭി​പ്രാ​യ ഭി​ന്ന​ത​യു​ണ്ട്. ഇ​ന്‍റ​ലി​ജ​ൻ​സ് വി​ഭാ​ഗം പോ​ലും അ​റി​യാ​തെ​യാ​ണ് മ​ന്ത്രി ച​ട​ങ്ങി​നെ​ത്തി​യ​തെ​ന്നും പ​റ​യു​ന്നു. സ്ഥ​ലം എം.​എ​ൽ.​എ​ കൂ​ടി​യാ​യ കെ.​യു. ജ​നീ​ഷ് കു​മാ​ർ അം​ഗ​ത്വ വി​ത​ര​ണ സ​മ​യ​ത്ത്​ മാ​റി​നി​ന്ന​തും ഏ​റെ ശ്ര​ദ്ധേ​യ​മാ​യി.