കുടിശ്ശിക കോടികൾ; വിലകൂടിയ മരുന്നുകൾ രോഗിയുടെ ചുമലിൽ

തി​രു​വ​ന​ന്ത​പു​രം: മെ​ഡി​ക്ക​ൽ കോ​ള​ജ്​ ആ​ശു​പ​ത്രി​ക​ൾ​ക്ക​ട​ക്കം മ​രു​ന്ന്​ വാ​ങ്ങി​യ തു​ക കു​ടി​ശ്ശി​ക​യാ​യ​തോ​ടെ കു​റി​പ്പ​ടി​യി​ലെ വി​ല​കൂ​ടി​യ മ​രു​ന്നു​ക​ൾ വാ​ങ്ങേ​ണ്ട ബാ​ധ്യ​ത രോ​ഗി​യു​ടെ ചു​മ​ലി​ൽ. താ​ര​ത​മ്യേ​ന വി​ല​കു​റ​ഞ്ഞ മ​രു​ന്നു​ക​ൾ മാ​ത്ര​മാ​യി സ​ർ​ക്കാ​ർ ആ​ശു​പ​ത്രി​ക​ളി​ലെ സ്​​റ്റോ​ക്കു​ക​ൾ പ​രി​മി​ത​പ്പെ​ട്ട​തോ​ടെ ഉ​യ​ർ​ന്ന വി​ല ന​ൽ​കി സ്വ​കാ​ര്യ ഫാ​ർ​മ​സി​ക​ളെ ആ​ശ്ര​യി​ക്ക​ലേ സാ​ധാ​ര​ണ​ക്കാ​രാ​യ രോ​ഗി​ക​ൾ​ക്ക്​ നി​വൃ​ത്തി​യു​ള്ളൂ. ​

കേ​ര​ള മെ​ഡി​ക്ക​ൽ സ​ർ​വി​സ​സ്​ കോ​ർ​പ​റേ​ഷ​ൻ ലി​മി​റ്റ​ഡി​ന്​ (കെ.​എം.​എ​സ്.​സി.​എ​ൽ) പു​റ​മേ അ​ത്യാ​വ​ശ്യം മ​രു​ന്നു​ക​ൾ അ​താ​ത്​ ആ​ശു​പ​ത്രി വി​ക​സ​ന സ​മി​തി​ക​ളു​ടെ ഫ​ണ്ടു​പ​യോ​ഗി​ച്ച്​ വാ​ങ്ങാ​ൻ സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ൾ​ക്ക്​ അ​നു​മ​തി ന​ൽ​കി​യി​ട്ടു​ണ്ട്. ഈ ​തു​ക പി​ന്നീ​ട്​ സ​മി​തി​ക​ൾ​ക്ക്​ സ​ർ​ക്കാ​ർ തി​രി​കെ ന​ൽ​കു​മെ​ന്നാ​ണ്​ വ്യ​വ​സ്ഥ. ഇ​ത്ത​ര​ത്തി​ൽ മ​രു​ന്നു​വാ​ങ്ങി​യ ഇ​ന​ത്തി​ൽ വി​വി​ധ മെ​ഡി​ക്ക​ൽ കോ​ള​ജു​ക​ളി​ലെ വി​ക​സ​ന​സ​മി​തി​ക​ൾ​ക്ക്​ 16.92 കോ​ടി രൂ​പ​യാ​ണ്​ ന​ൽ​കാ​നു​ള്ള​ത്. മ​രു​ന്ന്​ വി​ത​ര​ണം ചെ​യ്​​ത വ​ക​യി​ൽ ​കെ.​എം.​എ​സ്.​സി.​എ​ല്ലി​ന്​ ന​ൽ​കാ​നു​ള്ള​താ​​ക​ട്ടെ ​57.09 കോ​ടി​യും. പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ൾ മു​ത​ൽ ജ​ന​റ​ൽ ആ​ശു​പ​ത്രി​ക​ൾ​ക്കു​വ​രെ മ​രു​ന്ന്​ ന​ൽ​കി​യ ഇ​ന​ത്തി​ൽ 28.67 കോ​ടി​യും മെ​ഡി​ക്ക​ൽ കോ​ള​ജു​ക​ൾ​ക്ക്​ മ​രു​ന്നെ​ത്തി​ച്ച ഇ​ന​ത്തി​ൽ 27.38 കോ​ടി​യു​മ​ട​ക്ക​മാ​ണ്​ ഈ ​തു​ക.

കി​ട്ടാ​നു​ള്ള തു​ക മു​ട​ങ്ങി​യ​തോ​ടെ അ​ത്യാ​വ​ശ്യ​ഘ​ട്ട​ങ്ങ​ളി​ലെ മ​രു​ന്നു വാ​ങ്ങ​ലി​ന്​ വി​നി​യോ​ഗി​ക്കാ​ൻ ആ​ശു​പ​ത്രി​ക​ളു​ടെ കൈ​വ​ശം പ​ണ​മി​ല്ലാ​താ​യി.

കെ.​എം.​എ​സ്.​സി.​എ​ൽ വ​ഴി​യു​ള്ള മ​രു​ന്നു​വി​ത​ര​ണം കാ​ര്യ​ക്ഷ​മാ​കാ​താ​യ​തോ​ടെ മ​രു​ന്നു​ഭാ​രം മു​ഴു​വ​ൻ രോ​ഗി​യു​ടെ ചു​മ​ലി​ലാ​ണ്. മു​മ്പ്​ കു​റി​പ്പ​ടി​യി​ലെ പ​കു​തി മ​രു​ന്നെ​ങ്കി​ലും ആ​ശു​പ​ത്രി ഫാ​ർ​മ​സി​ക​ളി​ൽ​നി​ന്ന്​ കി​ട്ടി​യി​രു​ന്നെ​ങ്കി​ൽ ഇ​പ്പോ​ൾ ഭൂ​രി​രാ​ഗ​വും പു​റ​ത്തു​നി​ന്ന്​ വാ​ങ്ങേ​ണ്ട സ്ഥി​തി​യാ​ണ്. ജീ​വി​ത​ശൈ​ലീ​രോ​ഗ​ങ്ങ​ൾ​ക്കു​ള്ള മ​രു​ന്നു​ക​ൾ ഒ​രു മാ​സ​ത്തേ​ക്കു​വ​രെ ന​ൽ​കു​ന്ന സ്ഥി​തി​യു​ണ്ടാ​യി​രു​ന്നു. സ്​​റ്റോ​ക്​ കു​റ​ഞ്ഞ സാ​ഹ​ച​ര്യ​ത്തി​ൽ കു​റ​ഞ്ഞ ദി​വ​സ​ത്തേ​ക്കു​ള്ള മ​രു​ന്നാ​ണ്​ ​പ​ല​യി​ട​ങ്ങ​ളി​ലും ന​ൽ​കു​ന്ന​ത്. ആ​ശു​പ​ത്രി​ക​ളി​ലെ മ​രു​ന്ന്​ ക്ഷാ​മം ​സ്വ​കാ​ര്യ മ​രു​ന്ന്​ വി​ൽ​പ​ന ശാ​ല​ക​ൾ ഉ​പ​യോ​ഗ​പ്പെ​ടു​ത്തു​ന്നു. ​