എം.എല്‍.എയുടെ പാർക്കിനോട്​ ചേർന്ന തടയണ പൊളിക്കാൻ വിദഗ്​ധ സമിതി ശിപാർശയുണ്ടെന്ന്​​ സർക്കാർ ഹൈകോടതിയിൽ

കൊച്ചി: മലപ്പുറം ഓര്‍ങ്ങാട്ടേരി പഞ്ചായത്തിലെ ചിങ്കണ്ണിപാലിയില്‍ പി.വി. അന്‍വര്‍ എം.എല്‍.എയുടെ ബന്ധുവി‍​െൻറ ഉടമസ്ഥതയിലുള്ള സ്ഥല​െത്ത തടയണ പൊളിച്ചു നീക്കാൻ വിദഗ്​ധ സമിതി ശിപാർശയുണ്ടെന്ന്​ സർക്കാർ ഹൈകോടതിയിൽ. ഇടത്തര ം അപകടസാധ്യത കൂടിയ മേഖലയിലാണ്​ തടയണയെന്നും അടുത്ത മഴക്കാലത്തിന്​ മുമ്പ്​ പൊളിച്ചു നീക്കിയില്ലെങ്കിൽ ഗുരുത ര പ്രത്യാഘാതത്തിന്​ സാധ്യതയുണ്ടെന്നുമാണ്​ സമിതി റിപ്പോർട്ട്​.

അതിനാൽ, മൺസൂണിന്​ മുമ്പ്​ കോടതി തീരുമാനമെടുക്കണമെന്ന്​ ആർ.ഡി.ഒക്ക്​ വേണ്ടി സീനിയർ സൂപ്രണ്ട്​ എൻ.ജെ യൂജിൻ ​ഹൈകോടതിയിൽ നൽകിയ സത്യവാങ്​മൂലത്തിൽ വ്യക്​തമാക്കി. നിയമം ലംഘിച്ച്​ നിർമിച്ച തടയണ പൊളിച്ചു നീക്കണമെന്ന കലക്ടറുടെ ഉത്തരവ്​ ചോദ്യം ചെയ്​ത്​ അൻവർ എം.എൽ.എയുടെ ഭാര്യാപിതാവ് അബ്​ദുൽ ലത്തീഫും ചെക്ക്​ ഡാം സുരക്ഷ ഭീഷണി ഉയർത്തുന്നതായി ചൂണ്ടിക്കാട്ടി സമർപ്പിച്ച മറ്റു​ ഹരജികളുമാണ്​ കോടതി പരിഗണിച്ചത്​.

​തടയണ സുരക്ഷ ഭീഷണി ഉയർത്തുന്നു​വെന്ന പരാതിയു​െട അടിസ്​ഥാനത്തിൽ ജില്ല ജിയോളജിസ്​റ്റ്​, ജലസേചന എക്​സി. എൻജിനീയർ എന്നിവരുടെ നേതൃത്വത്തിലുള്ള പത്തംഗ സംഘത്തെ കലക്​ടർ നിയമിച്ചിരുന്നതായി സത്യവാങ്​മൂലം പറയുന്നു. കഴിഞ്ഞ മഴക്കാലത്ത്​ ഇൗ മേഖലയിൽ നാല്​ ഉരുൾപൊട്ടൽ ഉണ്ടായതായും ഇടത്തരം അപകടത്തിന്​ സാധ്യതയുള്ള മേഖലയാണിതെന്നും സമിതി റിപ്പോർട്ട്​ നൽകി.

മണ്ണിടിച്ചിൽ സാധ്യത നിലനിൽക്കുന്നു. മണ്ണിടിച്ചിലുണ്ടായാൽ തൊട്ടു താഴെ 20 ആദിവാസി കുടുംബങ്ങൾ താമസിക്കുന്ന ‘കരിമ്പ്​ കോളനി’ക്ക്​ ഗുരുതര പ്രത്യാഘാതമുണ്ടാകും. ബന്ധപ്പെട്ട സർക്കാർ വകുപ്പുകളിൽനിന്ന്​ അനുമതി വാങ്ങാതെ അശാസ്​ത്രീയമായാണ്​ തടയണ നിർമാണം. പരിസ്​ഥിതി ലോല പ്രദേശമായ ചീങ്കണ്ണി പാലിയിലേക്കുള്ള നീരൊഴുക്ക്​ തടയുന്നതാണ്​ ഇൗ തടയണ. ഇതോടെ വിശാലമായ കാട്​ നശിക്കുകയും മുൾക്കാടായി മാറുകയും​ ചെയ്യും. വന്യജീവികൾ കുടിവെള്ളത്തിനും മറ്റുമായി നാട്ടിലേക്കിറങ്ങുന്ന അവ​സ്​ഥയുണ്ടാകുമെന്നും റിപ്പോർട്ടിലുണ്ട്​.