നിര്‍ധന രോഗികള്‍ക്ക് സൗജന്യ നിരക്കില്‍ വിദഗ്ധ ചികിത്സ: വീണ്ടും കൈകോർത്ത് ഇഖ്റ ഹോസ്പിറ്റലും ബൈത്തുസ്സകാത്ത് കേരളയും

കോഴിക്കോട്: നിര്‍ധനരായ രോഗികള്‍ക്ക് സൗജന്യ നിരക്കില്‍ വിദഗ്ധ ചികിത്സ ലഭ്യമാക്കാന്‍ ഇഖ്റ ഹോസ്പിറ്റലും ബൈത്തുസ്സകാത്ത് കേരളയും രണ്ട് വർഷമായി തുടർന്നുവരുന്ന ചികിത്സാ സഹായ പദ്ധതി 2023-24 കാലയളവിലേക്ക് കൂടി തുടരാൻ ധാരണ. കഴിഞ്ഞ രണ്ട് വർഷങ്ങളിലായി എൺപതോളം രോഗികൾക്ക് ചികിത്സ സഹായം ലഭ്യമാക്കാൻ ഈ പദ്ധതിയിലൂടെ സാധിച്ചു.

ഏരിയ കോഓഡിനേറ്റര്‍മാര്‍ മുഖേന സ്വീകരിക്കുന്ന ചികിത്സ അപേക്ഷകളാണ് ഇതിലേക്ക് പരിഗണിക്കുക. ഇഖ്‌റ ഹോസ്പിറ്റര്‍ എം.ഡി ഡോ. പി.സി അന്‍വര്‍, ബൈത്തുസ്സകാത്ത് കേരള സെക്രട്ടറി ഉമര്‍ ആലത്തൂർ, അസിസ്റ്റന്റ് സെക്രട്ടറി ഫവാസ്, പ്രോജക്റ്റ് ഡയറക്ടര്‍ പി.പി ഹനീഫ എന്നിവര്‍ സംബന്ധിച്ചു.