‘എക്സ്ട്രാ ലോജിക്കു’മായി സി.പി.എം

തി​രു​വ​ന​ന്ത​പു​രം: മാ​സ​പ്പ​ടി ആ​രോ​പ​ണ​ത്തി​ൽ മു​ഖ്യ​മ​ന്ത്രി​യു​ടെ മ​ക​ളി​ലേ​ക്ക്​ കേ​ന്ദ്ര അ​ന്വേ​ഷ​ണം നീ​ളു​ക​യും രാ​ഷ്ട്രീ​യ വി​വാ​ദം ക​ത്തു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ പ്ര​തി​രോ​ധ​മൊ​രു​ക്കാ​ൻ പാ​ർ​ട്ടി കേ​ഡ​റു​ക​ളെ സ​ജ്ജ​മാ​ക്കി സി.​പി.​എം. ലോ​ക്സ​ഭ തെ​ര​ഞ്ഞെ​ടു​പ്പി​ന്​ മു​ന്നോ​ടി​യാ​യി അ​ണി​ക​ളെ സ​ജ്ജ​മാ​ക്കു​ന്ന​തി​നു​ള്ള ശി​ൽ​പ​ശാ​ല​ക​ളി​ലേ​ക്കാ​യി ത​യാ​റാ​ക്കി​യ രേ​ഖ​യി​ലാ​ണ്​ ‘എ​ക്സാ​ലോ​ജി​ക്​ വി​ഷ​യ​ത്തി​ലെ ‘എ​ക്​​സ്​​ട്രാ’ വി​ശ​ദീ​ക​ര​ണ​ങ്ങ​ൾ. നേ​താ​ക്ക​ളു​ടെ ബ​ന്ധു​ക്ക​ൾ ഉ​ൾ​പ്പെ​ടു​ന്ന വി​വാ​ദ​ങ്ങ​ളി​ൽ​നി​ന്ന് പാ​ർ​ട്ടി അ​ക​ന്നു​നി​ൽ​ക്കു​മ്പോ​ൾ, മു​ൻ​കാ​ല​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി പി​ണ​റാ​യി​യു​ടെ മ​ക​ൾ​ക്കെ​തി​രാ​യ ആ​ക്ര​മ​ണ​ങ്ങ​ളെ ചെ​റു​ക്കാ​ൻ സി.​പി.​എം രം​ഗ​ത്തി​റ​ങ്ങു​ന്നെ​ന്ന​തും കൗ​തു​കം.

മു​ഖ്യ​മ​ന്ത്രി​യു​ടെ മ​ക​ൾ​ക്കെ​തി​രെ​യു​ള്ള അ​ന്വേ​ഷ​ണം പാ​ർ​ട്ടി​ക്കും സ​ർ​ക്കാ​റി​നു​മെ​തി​രെ​യു​ള്ള നീ​ക്കം എ​ന്ന നി​ല​യി​ലാ​ണ്​ പ്ര​തി​രോ​ധം. വീ​ണ​യു​ടെ ക​മ്പ​നി​യും സി.​എം.​ആ​ർ.​എ​ല്ലും ത​മ്മി​ലു​ള്ള ഇ​ട​പാ​ടു​ക​ളെ ന്യാ​യീ​ക​രി​ക്കു​ന്ന രേ​ഖ, കേ​ന്ദ്ര​നീ​ക്കം മു​ഖ്യ​മ​​ന്ത്രി​യെ ല​ക്ഷ്യം​വെ​ച്ചു​ള്ള രാ​ഷ്ട്രീ​യ നീ​ക്ക​വും വ​സ്തു​ത​ക​ളെ വ​​ള​ച്ചൊ​ടി​ക്ക​ലു​മാ​ണെ​ന്നാ​ണ്​ ആ​രോ​പ​ണം. തെ​റ്റാ​യ വി​വ​ര​ങ്ങ​ൾ പ്ര​ച​രി​പ്പി​ച്ച് മു​ഖ്യ​മ​ന്ത്രി​യെ അ​പ​കീ​ർ​ത്തി​പ്പെ​ടു​ത്താ​ൻ കേ​ന്ദ്ര ഏ​ജ​ൻ​സി​ക​ൾ സം​ഘ​ടി​ത ശ്ര​മം ന​ട​ത്തു​ക​യാ​ണെ​ന്നും രേ​ഖ വി​ശ​ദീ​ക​രി​ക്കു​ന്നു.

സ്വ​ർ​ണ​ക്ക​ട​ത്ത്​ കേ​സ് മു​ത​ലു​ള്ള കേ​​ന്ദ്ര നീ​ക്ക​ങ്ങ​ളു​ടെ ശൃം​ഖ​ല​യി​ലേ​ക്ക്​ വീ​ണ​ക്കെ​തി​രാ​യ മാ​സ​പ്പ​ടി ആ​രോ​പ​ണം കൂ​ടി ചേ​ർ​ത്താ​ണ്​ സി.​പി.​എം എ​ണ്ണു​ന്ന​ത്. മു​ഖ്യ​മ​ന്ത്രി​യെ വ്യ​ക്തി​പ​ര​മാ​യി തേ​ജോ​വ​ധം ചെ​യ്യു​ക എ​ന്ന ല​ക്ഷ്യ​ത്തോ​ടെ നി​ര​വ​ധി ക​ള്ള​ക്ക​ഥ​ക​ൾ മെ​ന​യു​ന്ന രീ​തി കേ​​ന്ദ്ര ഏ​ജ​ൻ​സി​ക​ൾ സ്വീ​ക​രി​ച്ചി​ട്ടു​ണ്ട്.

സ്വ​ർ​ണ​ക്ക​ട​ത്ത്​ അ​ന്വേ​ഷി​ക്കാ​ൻ കേ​ന്ദ്ര​സ​ർ​ക്കാ​റി​നോ​ട്​​ സം​സ്ഥാ​ന സ​ർ​ക്കാ​ർ നി​ർ​ദേ​ശി​ച്ച​ത്​​ ഈ ​സ്വ​ർ​ണം എ​വി​ടെ​നി​ന്ന്​ വ​ന്നു, ആ​രി​ലേ​ക്കെ​ത്തി തു​ട​ങ്ങി​യ കാ​ര്യ​ങ്ങ​ൾ അ​ന്വേ​ഷി​ച്ച്​ വ്യ​ക്ത​ത വ​രു​ത്താ​നാ​ണ്. എ​ന്നാ​ൽ, ശ​രി​യാ​യ അ​ന്വേ​ഷ​ണ​ത്തി​നു​ പ​ക​രം അ​തു​പ​യോ​ഗി​ച്ച്​ മു​ഖ്യ​മ​ന്ത്രി​യെ​യും പാ​ർ​ട്ടി​യെ​യും തേ​ജോ​വ​ധം ചെ​യ്യാ​നാ​ണ്​ അ​വ​ർ ശ്ര​മി​ച്ച​തെ​ന്നും രേ​ഖ കു​റ്റ​പ്പെ​ടു​ത്തു​ന്നു.

രേ​ഖ​യി​ൽ പ​റ​യു​ന്ന​ത്​ ഇ​ങ്ങ​നെ:

‘‘വ്യ​ക്ത​മാ​യ ക​ണ​ക്കു​ക​ളോ​ടെ ബാ​ങ്കു​ക​ളി​ലൂ​ടെ ന​ട​ത്തി​യ എ​ക്​​സാ​ലോ​ജി​ക്​ ക​മ്പ​നി​യു​ടെ ഇ​ട​പാ​ടു​ക​ളെ പോ​ലും വ​ക്രീ​ക​രി​ക്കാ​നു​ള്ള ന​ട​പ​ടി​ക​ളാ​ണ്​ സ്വീ​ക​രി​ച്ച​ത്. ക​മ്പ​നി​ക്ക്​ പോ​ലും പ​രാ​തി​യി​ല്ലാ​ത്ത വി​ഷ​യ​ത്തി​ൽ ഇ​ക്കാ​ര്യ​ത്തി​ൽ അ​വ​രു​ടെ വാ​ദം പോ​ലും കേ​ൾ​ക്കാ​തെ​യാ​ണ്​ പ്ര​ചാ​ര​ണം ന​ട​ത്തി​യ​ത്. ഇ​ത്ത​ര​ത്തി​ൽ സം​സ്ഥാ​ന​ത്തി​ന്‍റെ വി​ക​സ​ന​പ്ര​വ​ർ​ത്ത​ന​ത്തെ​യും സം​സ്ഥാ​ന സ​ർ​ക്കാ​റി​നെ​യ​തും തേ​ജോ​വ​ധം ചെ​യ്യു​ക​യെ​ന്ന​ത്​ ത​ങ്ങ​ളു​ടെ രാ​ഷ്ട്രീ​യ അ​ജ​ണ്ട​യാ​യി​ത​ന്നെ ഇ​വ​ർ മു​ന്നോ​ട്ടു​വെ​ക്കു​ക​യാ​ണ്....’’